प्रकाश 17:6 - नेवाः बाइबल

⁶ अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।

प्रकाश 17:6 ပူးပေါင်းရင်းမြစ်များ

दानिएल 7:21

जिं स्‍वयाच्‍वनाबलय् व हे नेकुलिं परमेश्‍वरया पवित्र मनूतलिसें लडाइँ यात अले इमित बुकल।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

यूहन्‍ना 2:10

“मनूतय्‌सं भिंगु दाखमद्य निं न्‍हापालाक त्‍वंकी, अले भचा भचा काये धुंकाः तिनि मभिंगु दाखमद्य त्‍वंकी। छिं धाःसा आः तक नं भिंगु दाखमद्य ल्‍यंका हे तलतिनि।”

प्रेरित 22:20

अले छिगु साक्षी बिया जुइम्‍ह स्‍तिफनसयात स्‍याःबलय् नं जि दुथ्‍याः, जिं इमिगु वसः स्‍वयाच्‍वनागु खः।’

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

प्रकाश 13:15

न्‍हापांयाम्‍ह पशुयागु मूर्तियात नवाकेत सास तयाबीगु व वयात पुजा मयाःपिन्‍त स्‍यायेगु अधिकार व पशुयात बियातःगु दु।

प्रकाश 13:7

वयात विश्‍वासीतनाप ल्‍वायेगु व इमित बुकेगु अधिकार बिल। फुक्‍क कुलयापिं मनूतय्‌त, देश देशयापिं मनूतय्‌त, थीथी भाषां नवाइपिं मनूतय्‌त व जात जातियापिं मनूतय्‌त नं व पशुयात अधिकार याकेबिल।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।