प्रकाश 17:3 - नेवाः बाइबल

³ जि पवित्र आत्‍मां जाल, अले स्‍वर्गदूतं जितः मरुभूमिइ क्‍वबिया यंकल। अन तसकं ह्याउँसे च्‍वंम्‍ह पशु गया च्‍वंम्‍ह छम्‍ह मिसायात जिं खना। व पशुयाके न्‍हय्‌गः छ्यं व झिपु नेकू दु। म्‍हय् जाय्‌क परमेश्‍वरयात सराः बीगु नां च्‍वयातःगु दु।

प्रकाश 17:3 ပူးပေါင်းရင်းမြစ်များ

१ राजा 18:12

जि थनं वनेधुंकाः परमप्रभुया आत्‍मां छितः गन यंकी जिं मस्‍यू। जिं वनाः आहाबयात धायेधुंकाः वं छितः लुइके मफुत धाःसा जितः स्‍याइ। तर जि छिकपिनि दासं ल्‍याय्‌म्‍हबलय्‌निसें हे परमप्रभुया आराधना यानावयाच्‍वनागु दु।

२ राजा 2:16

इमिसं धाल, “स्‍वयादिसँ, जिपिं छिकपिनि दासतय्‌के बबल्‍लाःपिं नेय्‌म्‍ह मनूत दु। छिकपिनि मालिकयात माःवनेत इमित वने बियादिसँ। परमप्रभुया आत्‍मां यंकाः वयात गनं पहाड अथवा ब्‍यासिइ त्‍वःतातयादीगु जुइफु।” एलीशां लिसः बिल, “म्‍वाः! इमित छ्वये मते।”

श्रेष्‍ठगीत 8:5

थः प्रियनापं प्‍यपुनाः मरूभूमिपाखें वःम्‍ह व सु खः? स्‍याउमाया तलय् जिं छन्‍त थनाः, अन हे छिमि मांनं छन्‍त प्‍वाथय् दय्‌कूगु खः, अन हे छिमि मांया मचाबू ब्‍यथा जुल अले छन्‍त बुइकल।

इजकिएल 11:24

अनंलि आत्‍मां जितः च्‍वय् थकयादिल, अले परमेश्‍वरया आत्‍मां जितः दर्शनय् ज्‍वनाः बेबिलोनय् हःपिन्‍थाय् लितहयादिल। अले जिं खनागु व दर्शन जिपाखें थाहां वन।

इजकिएल 3:12

अले आत्‍मां जितः च्‍वय् थकयादिल। जिं थःगु ल्‍युने छगू घुनुनुनु मिंगु सः ताल, “स्‍वर्गय् परमप्रभु परमेश्‍वरया महिमा प्रशंसा जुइमा!”

इजकिएल 8:3

वं ल्‍हाः थें च्‍वंगु आकार न्‍ह्यज्‍याकाः जिगु छ्यंया सँ ज्‍वनाः जितः थन। अनंलि दर्शनय् आत्‍मां जितः पृथ्‍वी व आकाशया दथुइ ल्‍ह्वनाः यरूशलेमय् देगःया दुने चुकय् दुहां वनीगु उत्तर पाखेया मू लुखाया लिक्‍क यंकादिल। अन परमेश्‍वरयात तंचाय्‌कीगु छगू तःधंगु मूर्ति दु।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

दानिएल 7:8

“जिं नेकूत स्‍वयाच्‍वनाबलय् नेकूतय् दथुइ छक्‍वलं मेगु चिपुगु नेकू बुयावल। अले व न्‍हूगु नेकुलिं न्‍हापायागु स्‍वंगुलिं नेकूयात हानापं लेहें थनाछ्वल। व नेकुलिइ मनूयागु थें मिखा व तःधंछुयाः खँ ल्‍हाइगु म्‍हुतु दु।

मत्ती 27:28

इमिसं वय्‌कःयागु वसः त्‍वकाः ह्याउँगु वसः पुंकल।

प्रेरित 8:39

इपिं निम्‍हं लखं पिने थाहां वःबलय् प्रभुयागु आत्‍मां फिलिपयात ज्‍वना यंकल। थथे वं फिलिपयात हानं गुबलें मखन। अले व लय्‌लय्‌तायाः थःगु लँय् वन।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –

प्रकाश 12:14

उकिं व मिसायात अजिङ्गरया न्‍ह्यःनं मरुभूमिइ बिस्‍युं वनेत तसकं तःधिकःम्‍ह इमायागु निपा पपू छुनाबिल। अन हे व मिसायात स्‍वदँ व खुला लहिना तल।

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 12:6

अले व मिसा मरुभूमिइ परमेश्‍वरं दय्‌का तयादीगु थासय् बिस्‍युं वन। अन हे व मिसायात द्वःछि व निसः व खुइन्‍हु तक लहिना तयादिल।

प्रकाश 17:18

छं खंम्‍ह मिसायागु अर्थ संसारय् च्‍वंपिं जुजुपिन्‍त राज्‍य याइगु तःधंगु शहर खः।”

प्रकाश 17:4

व मिसां तसकं थिकेगु ह्याउँसे, वँचुसे च्‍वंगु वसतं पुनातःगु दु। वं लुँ, हिरा, मोतीया तिसां म्‍ह छम्‍हं तिया तःगु दु। वयागु व्‍यभिचार याःगु घच्‍चायापुसे च्‍वंगु व मभिंगु खं जाःगु छगः लुँयागु ख्‍वल्‍चा वं ल्‍हातय् कयातःगु दु।

प्रकाश 18:12

इमिगु मालताल – लुँ, वहः, हिरा, मोती, भिंगु भिंगु कापः, प्‍याजी रंगया कापः, रेसम, ह्याउँसे च्‍वंगु कापः, थीथी कथंया नस्‍वाःगु सिँ, किसियागु वा, थिकेथिकेगु सिँ, कँय्, नँ, व दुरूल्‍वहँतं दय्‌कातःगु थीथी सामान, व

प्रकाश 18:16

“धिक्‍कार, धिक्‍कार हे तःधंगु शहर! भिंगु भिंगु सूती कापः, प्‍याजी रंगयागु कापतं पुना च्‍वंम्‍ह, लुँ, हिरा, मोती तिसां तिया च्‍वंम्‍ह छ हे खः!

प्रकाश 21:10

जि आत्‍मां जाल, अले स्‍वर्गदूतं जितः तःधंगु तःजाःगु पर्वतय् यंकाः परमेश्‍वरदीगु स्‍वर्गं क्‍वहां वयाच्‍वंगु पवित्रगु शहर यरूशलेम क्‍यन।

प्रकाश 4:2

अले जि छक्‍कलं आत्‍मां जाल। जिं स्‍वर्गय् छगू सिंहासन तयातःगु व उकी सुं छम्‍ह फ्‍यतुनाच्‍वंगु खना।