प्रकाश 17:17 - नेवाः बाइबल

¹⁷ परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।

प्रकाश 17:17 ပူးပေါင်းရင်းမြစ်များ

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

भजनसंग्रहया सफू 105:25

परमेश्‍वरं मिश्रीतय्‌गु मनयात वय्‌कःया मनूतय्‌त मयय्‌केत व वय्‌कःया दासतय्‌गु विरोधय् ग्‍वसाः ग्‍वयेत हीकादिल।

हितोपदेश 19:21

मनूतय्‌गु नुगलय् थीथी कथंया ग्‍वसाः दयाच्‍वनी। तर परमप्रभुया ग्‍वसाः हे जक पूवनी।

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

लूका 22:22

च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं धिक्‍कार दु।”

लूका 22:3

उबलय् हे झिंनिम्‍ह चेलात मध्‍ये छम्‍ह यहूदा इस्‍करियोतयाके शैतान दुबित।

लूका 22:37

‘वय्‌कःयात दाखुँतय् ल्‍याखय् तइ’ धकाः जिगु बारे धर्मशास्‍त्रय् च्‍वयातःगु खँ पूवने हे माः। छाय्‌धाःसा जिगु बारे च्‍वयातःगु खँ पूवनाच्‍वंगु दु।”

यूहन्‍ना 10:35

सुनां परमेश्‍वरयागु वचन न्‍यना काइ, वयात वय्‌कलं द्यः धकाः धयादी। थथे धाल धकाः धर्मशास्‍त्र मानय् मयाःगु जुइ मखु।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 13:2

बहनी नयाच्‍वंबलय् येशूयात धोखा बीगु खँ सिमोनया काय् यहूदा इस्‍करियोतयागु मनय् शैतानं तयाबी धुंकल।

यूहन्‍ना 19:24

उकिं इमिसं थथे धकाः सल्‍लाह यात – “थ्‍व लंयात मखुसे चिट्ठा तये माल, सुयात चिट्ठा लाइ वयागु हे जुइ।” धर्मशास्‍त्रय् थथे च्‍वयातःगु पूवनेमा धकाः इमिसं थथे याःगु खः – “इमिसं जिगु लं चिट्ठा तयाः थःथवय् इनाकाइ।”

यूहन्‍ना 19:28

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

२ कोरिन्‍थी 8:16

परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

प्रकाश 10:7

न्‍हय्‌म्‍हम्‍ह स्‍वर्गदूतं थःगु तुरही पुइबलय् परमेश्‍वरं न्‍हापांनिसें वय्‌कःया दास अगमवक्तातय्‌त कनातःगु वय्‌कःयागु गुप्‍ति खँ नं पूवंकादी।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 17:13

थुपिं फुक्‍कसिनं छप्‍पँ जुयाः थःपिनिगु अधिकार व शक्ति व पशुयात बी।

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

प्रकाश 6:11

अले इपिं फुक्‍कसितं छपाः छपाः तुयुगु लं बिल। इपिं थें तुं स्‍याके मानिपिं परमेश्‍वरया दासत व इमि दाजुकिजापिन्‍त नं मस्‍यातले पियाच्‍वँ धकाः इमित धाल।