प्रकाश 17:14 - नेवाः बाइबल

¹⁴ थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 17:14 ပူးပေါင်းရင်းမြစ်များ

भजनसंग्रहया सफू 110:5

छंगु जवपाखे दीम्‍ह परमप्रभुं तंया दिनय् जुजुपिन्‍त चुँचुं यानादी।

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 50:44

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं बेबिलोनयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

दानिएल 7:21

जिं स्‍वयाच्‍वनाबलय् व हे नेकुलिं परमेश्‍वरया पवित्र मनूतलिसें लडाइँ यात अले इमित बुकल।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

मत्ती 22:14

अले येशूं धयादिल – “सःतातःपिं यक्‍व दइ, अय्‌नं ल्‍यइपिं कम हे जक दइ।”

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

रोमी 1:6

वय्‌कःया मनूत यायेत छिपिं रोमय् च्‍वंपिन्‍त नं येशू ख्रीष्‍टं सःतादीगु दु।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

१ कोरिन्‍थी 15:24

अले तिनि दक्‍व फुक्‍कं मदय्‌का छ्वयादी। अबलय् ख्रीष्‍टं फुक्‍क शासन, अधिकार व शक्ति मदय्‌का छ्वयाः राज्‍य परमेश्‍वर बाःयात लःल्‍हानादी।

व्‍यवस्‍था 10:17

परमप्रभु छिमि परमेश्‍वर हे ईश्‍वरतय्‌ परमेश्‍वर व प्रभुतय् नं प्रभु, अले दकलय् तःधंम्‍ह परमेश्‍वर खः। वय्‌कः ख्‍वाः स्‍वयाः ज्‍या यानामदीम्‍ह, घुस नयाःमदिम्‍ह, तःधंम्‍ह व भय कायेमाःम्‍ह परमेश्‍वर खः।

१ तिमोथी 6:15

परमेश्‍वरं वय्‌कःयात पाय्‌छि इलय् छ्वयाहयादी। परमेश्‍वर हे दक्‍वसिबय् तःधंम्‍ह, फुक्‍क शक्तिया थुवाः, जुजुतय् नं जुजु, अले प्रभुतय् नं प्रभु खः।

२ तिमोथी 2:4

सुं नं सिपाइँ मेमेगु ज्‍याय् तक्‍यनाच्‍वनी मखु, बरु थः सेनापतियात लय्‌ताय्‌केत जक स्‍वयाच्‍वनी।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 11:7

इमिसं बीमाःगु साक्षी बीधुंकाः तसकं तःजाःगु गालं थाहां वःम्‍ह पशुं इपिंनापं ल्‍वानाः इमित स्‍यानाबी।

प्रकाश 16:14

अजू चायापुगु चिं यायेफुपिं भूत आत्‍मात थुपिं हे खः। दक्‍वसिबय् तःधंम्‍ह व शक्ति दुम्‍ह परमेश्‍वरयागु तःधंगु दिनय् ल्‍वायेत थुमिसं सारा संसारय् च्‍वंपिं जुजुपिन्‍त मुंका जुइ।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।