प्रकाश 17:12 - नेवाः बाइबल

¹² छं खंगु झिपु नेकूयागु अर्थ आः तक जुजु मजूनिपिं झिम्‍ह जुजुपिं खः। अय्‌नं व पशुनाप नाप तुं इपिं छुं ई तक जक जूसां जुजु जुइतिनि।

प्रकाश 17:12 ပူးပေါင်းရင်းမြစ်များ

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

दानिएल 7:24

उपिं झिपु नेकूया अर्थ व राज्‍यं वइपिं झिंम्‍ह जुजुपिं खः। इपिं लिपा मेम्‍ह छम्‍ह जुजु वइ। व न्‍हापायापिं जुजुपिं स्‍वयाः पाइ, वं उपिं स्‍वम्‍ह जुजुपिन्‍त बुकी।

प्रकाश 10:11

अले वं जितः धाल – “हानं छकः यक्‍व देश देशयापिं मनूतय्‌त, जात जातियापिं मनूतय्‌त, थीथी भाषां नवाइपिं मनूतय्‌त व जुजु जुजुपिन्‍त नं छं अगमवाणी कने मानि।”

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

प्रकाश 18:17

घौछिं हे थुलिमछि सम्‍पत्ति फुक्‍क छ्यालब्‍याल जुयाः वन।” फुक्‍क लःजहाजया कप्‍तानत, जहाजय् यात्राय् वंपिं मनूत, जहाज चले याइपिं, समुद्रय् व्‍यापार याइपिं फुक्‍कं ग्‍यानाः तापाक हे च्‍वनाः

प्रकाश 18:19

ह्वाँय्‌ह्वाँय् ख्‍वख्‍वं छेनय् धू बुतुबुलाः नुगः मछिंकाः इपिं थथे धकाः हाल – “धिक्‍कार, धिक्‍कार, व तःधंगु शहर! समुद्रय् जहाज चले याइपिं फुक्‍कं वयागु धनं यानाः तःमि जुल। घौछिं हे व शहर नाश जुयाः वन।