प्रकाश 16:21 - नेवाः बाइबल

²¹ पिइगु पिइगु किलो ति दुगु ततःग्‍वःगु प्‍वँ आकाशं कुतुं वयाः मनूतय्‌त लात। थज्‍याःगु प्‍वँ वयाः तसकं महामारी लाःगुलिं मनूतय्‌सं परमेश्‍वरयात सराः बिल, छाय्‌धाःसा थ्‍व तसकं हे तःधंगु ग्‍यानापुगु महामारी खः।

प्रकाश 16:21 ပူးပေါင်းရင်းမြစ်များ

अय्‍यूब 38:22

“छ च्‍वापुया धुकुतिइ वनागु दु ला? अथवा प्‍वँ मुंकातःगु थाय् छं खनागु दु ला?

अय्‍यूब 38:23

गुकियात जिं आपत जुइबलय्‌या लागि, अर्थात युद्ध व लडाइँया लागि ल्‍यंकातयागु दु।

प्रस्‍थान 9:18

उकिं जिं कन्‍हय् थ्‍व हे इलय् तसकं बांमलाक प्‍वँ गाय्‌काबी। मिश्र देश दय्‌कूबलय्‌निसें आः तक नं थन थुकथं प्‍वँ गाःगु दइ मखुनि।

प्रस्‍थान 9:22

परमप्रभुं मोशायात धयादिल, “थःगु ल्‍हाः आकाशपाखे ल्‍ह्वँ, अले मिश्र देय्‌न्‍यंक प्‍वँ गाइ। मिश्रयापिं फुक्‍क मनू, पशु व बुँइ बुयावःगु फुक्‍क माय् प्‍वँ गाइ।”

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 8:21

इपिं तसकं कष्‍टय् लाना नयेपित्‍याकाः देशय् चाचाःहिलाजुइ। उबलय् इमित तसकं नयेपित्‍याइ, इपिं तसकं तंम्‍वइ अले च्‍वय् स्‍वयाः थः जुजु व थः परमेश्‍वरयात सराः बी।

इजकिएल 13:11

उकिं उपिं सख्‍वाः पानाः त्‍वपुयाब्‍यूपिन्‍त व दुनी धकाः धयाब्‍यु! तसकं वा वइ, यक्‍व प्‍वँ गाइ अले तसकं वाफय् वइ।

इजकिएल 13:13

“‘उकिं परमप्रभु परमेश्‍वरं थथे धयादी – जिगु तंम्‍वय् जिं छगू ग्‍यानापुगु वाफय् वय्‌काबी, अले जिगु तंम्‍वय् प्‍वँ व तसकं वा वइ, गुकिं व पःखाःयात थुनाबी।

यहोशू 10:11

हानं इपिं इस्राएलीतय्‌गु न्‍ह्यःनें आजेका तक हे तँचाय् बिस्‍युं वनाच्‍वंबलय् परमप्रभुं आकाशं इमिथाय् ततःग्‍वःगु प्‍वँ गाकादिल। इस्राएलीतय्‌गु तरवारं सीपिं मनूत स्‍वयाः अप्‍वः मनूत प्‍वँ दायाः सित।

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 16:11

थुकथं कै वय्‌काः सास्‍ती नका तःगुलिं इमिसं स्‍वर्गय् च्‍वंम्‍ह परमेश्‍वरयात सराः बिल। इमिसं थःपिन्‍सं याना जूगु मभिंगु ज्‍यायागु पश्‍चाताप मयाः।

प्रकाश 16:9

तसकं तांन्‍वयाः मनूतय्‌त पुत। थथे दुःखकष्‍ट छ्वयाहयेगु अधिकार दुम्‍ह परमेश्‍वरयागु नां कयाः इमिसं सराः बिल। अय्‌नं इमिसं पश्‍चाताप मयाः अले परमेश्‍वरयात नं तःमधंकू।

प्रकाश 8:7

न्‍हापांम्‍ह स्‍वर्गदूतं तुरही पूबलय् हि ल्‍वाकज्‍याःगु प्‍वँ व मि पृथ्‍वीइ वान्‍छ्वया हल। अले स्‍वब्‍वय् छब्‍व पृथ्‍वी च्‍यात, स्‍वब्‍वय् छब्‍व सिमा नं च्‍यात, अले वाउँगु घाँय् नं फुक्‍क च्‍यानाः वन।