प्रकाश 16:19 - नेवाः बाइबल

¹⁹ तःधंगु शहर स्‍वकू दला वन। देश देशय् च्‍वंगु शहर फुक्‍कं दुनावन। अले परमेश्‍वरं तःधंगु बेबिलोन शहरयात लुमंकादिल। अले वय्‌कःयागु ग्‍यानापुसे च्‍वंगु तंयागु ख्‍वल्‍चा वयात त्‍वनेत बियादिल।

प्रकाश 16:19 ပူးပေါင်းရင်းမြစ်များ

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यर्मिया 25:26

अले उत्तरपाखे सत्तीक व तापाक च्‍वंपिं सकलें जुजुपिन्‍त छकलं त्‍वंका, थुकथं पृथ्‍वीइ दुगु फुक्‍क राज्‍यया फुक्‍क मनूतय्‌त त्‍वंके बिया। इमिगु लिपा बेबिलोनयाम्‍ह जुजुं नं त्‍वनी।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

प्रकाश 17:18

छं खंम्‍ह मिसायागु अर्थ संसारय् च्‍वंपिं जुजुपिन्‍त राज्‍य याइगु तःधंगु शहर खः।”

प्रकाश 17:5

वयागु कपालय् गुप्‍त अर्थ दुगु नां च्‍वयातःगु दु – “तःधंगु बेबिलोन, वेश्‍यातय् मां, अले पृथ्‍वीइ घच्‍चायापुसे च्‍वंगु ज्‍याखँ यानाजुइपिनि मां।”

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।

प्रकाश 18:5

वं याःगु पाप आकाश तक थ्‍यंगु दु। वं याःगु पाप परमेश्‍वरं लुमंकादीगु दु।