प्रकाश 16:18 - नेवाः बाइबल

¹⁸ अले अन न न्‍यात, हावलासा त्‍वल, तसकं भ्‍वखाय् ब्‍वल। मनूतय्‌गु सृष्‍टि जूसांनिसें थपाय्‌सकं तःधंगु व ग्‍यानापुगु भ्‍वखाय् गुबलें हे मब्‍वःनि।

प्रकाश 16:18 ပူးပေါင်းရင်းမြစ်များ

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

दानिएल 12:1

सुतियागु वसः फिनातःम्‍ह स्‍वर्गदूतं हानं जितः धाल, “उबलय् छिमि मनूतय्‌त रक्षा याइम्‍ह तःधंम्‍ह स्‍वर्गदूत मिखाएल दनी। अले जाति जाति शुरु जूगु इलंनिसें गुबलें मवःगु विपत्तिया ई वइ। व ई वइबलय् परमेश्‍वरया सफुलिइ नां च्‍वयातःपिं छिमि सकलें मनूत बचय् जुइ।

मत्ती 24:21

उबलय् तसकं सास्‍ती जुइ। सृष्‍टि जूबलय् निसें आः तकं थपाय्‌सकं सास्‍ती जूगु मदुनि। अले लिपा नं गुब्‍सं जुइ मखु।

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 4:5

सिंहासनं प्‍वालाक्‍क प्‍वालाक्‍क मि च्‍यानाच्‍वंगु, न न्‍याः थें सः वयाच्‍वंगु दु। सिंहासनया न्‍ह्यःने न्‍हय्‌प्‍वाः मिप्‍वाः च्‍यानाच्‍वंगु दु। थ्‍व परमेश्‍वरया न्‍हय्‌म्‍ह आत्‍मा खः।

प्रकाश 6:12

हानं खुगूगु छाप प्‍वःगु जिं खना। अबलय् तसकं हे भ्‍वखाय् ब्‍वल। हाकुगु भांग्रा थें सूर्य हाकुसे च्‍वना वन। तिमिला छपातं हि थें ह्याउँसे च्‍वना वन।

प्रकाश 8:5

अले स्‍वर्गदूतं गुँगू मकः कयाः उकी वेदीइ च्‍वंगु मि जाय्‌क तयाः पृथ्‍वीइ वान्‍छ्वया हल। अले ग्राङ्‌गग्रुङ्‌ग सः वल प्‍वालाक्‍क पिलाक हावलासा त्‍वल। अले हानं भ्‍वखाय् ब्‍वल।