प्रकाश 16:17 - नेवाः बाइबल

¹⁷ न्‍हय्‌म्‍हम्‍ह स्‍वर्गदूतं थःगु ख्‍वल्‍चा फसय् प्‍वंकल। परमेश्‍वरया देगःया सिंहासनं थथे धकाः तसलं धयाहल – “आः सिधल।”

प्रकाश 16:17 ပူးပေါင်းရင်းမြစ်များ

यूहन्‍ना 19:30

वय्‌कलं पाउँति त्‍वने धुंकाः थथे धयादिल “आः सिधल।” अले वय्‌कलं छ्यं क्‍वछुनाः थःगु प्राण त्‍वःतादिल।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 6:12

झीगु ल्‍वापु मनूतलिसे मखु। बरु आकाशय् च्‍वंगु दुष्‍ट आत्‍माया शक्ति, थ्‍व खिउँगु संसारया शक्ति अले थ्‍व संसारया शासकत व अधिकार दुपिनिगु फौज लिसे खः।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 14:15

सुपाँचय् च्‍वंम्‍हय्‌सित देगलं पिहांवःम्‍ह छम्‍ह स्‍वर्गदूतं थथे धकाः ततसलं धाल – “पृथ्‍वीइ च्‍वंगु बाली बांलाक पाकय् जुइ धुंकल, बाली लयेगु ई जुइ धुंकूगुलिं ईंचां बाली लयादिसँ।”

प्रकाश 14:17

हानं मेम्‍ह हे छम्‍ह स्‍वर्गदूत स्‍वर्गय् च्‍वंगु देगलं पिहां वल। वयाके नं ज्‍वःगु ईंचा दु।

प्रकाश 16:1

अले जिं देगलं न्‍हय्‌म्‍ह स्‍वर्गदूततय्‌त तस्‍सलं थथे धयाच्‍वंगु ताल – “हुँ, परमेश्‍वरयागु तं दुगु न्‍हय्‌गः ख्‍वल्‍चा पृथ्‍वीइ प्‍वंकि।”

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।