प्रकाश 16:16 - नेवाः बाइबल

¹⁶ हिब्रू भाषां आर-मागेड्डोन धाइगु थासय् इमिसं जुजुतय्‌त छथाय् मुंकल।

प्रकाश 16:16 ပူးပေါင်းရင်းမြစ်များ

२ इतिहास 35:22

तर योशियाह लिमच्‍यू, तर नेकोलिसें ल्‍वायेत वं थःत म्‍हमसीक मेम्‍ह थें च्‍वंकल। अले लडाइँ याः वन। वं नेकोपाखें वःगु परमेश्‍वरया वचनयात वास्‍ता मयाः। तर मगिद्दोया ब्‍यासिइ वलिसें ल्‍वाः वन।

जकरिया 12:11

उखुन्‍हु हे यरूशलेमय् मगिद्दोया फाँट हदद-रिम्‍मोनय् ख्‍वःगु थें हे मनूत ह्वाँय्‌ह्वाँय् ख्‍वइ।

यूहन्‍ना 19:13

थ्‍व न्‍यनाः पिलातसं वय्‌कःयात पिने हल, अले ल्‍वहँतं सियातःगु थासय् वनाः न्‍याय आसनय् फ्‍यतुत। थ्‍व थाय्‌यात हिब्रू भाषां “गब्‍बथा” धाइ।

यूहन्‍ना 19:17

वय्‌कः थःगु क्रूस थःम्‍हं हे क्‍वबिया खप्‍परे धाःगु डाँडाय् झाल। थ्‍व थाय्‌यात हिब्रू भाषां “गलगथा” धाइ।

यूहन्‍ना 5:2

यरूशलेमय् फै ध्‍वाखाया लिक्‍कसं न्‍याखेरं फः दुगु छगू पुखू दु। थ्‍व पुखूयात हिब्रू भाषां बेथेस्‍दा धाइ।

प्रेरित 26:14

जिपिं फुक्‍कं बँय् भ्‍वसू वन। अबलय् हे लाक्‍क हिब्रू भाषां जितः थथे धयाहःगु सः जिं ताल – ‘शाऊल, शाऊल, जितः छाय् दुःख बियाच्‍वना हं? च्‍यानाच्‍वंगु मि सुनानं ज्‍वनां ज्‍वने फइ ला?’

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 9:11

तसकं तःजाःगु गाःयाम्‍ह दूत इमि जुजु थें खः। वयागु नां हिब्रू भाषां एबाड्डोन, अले ग्रीक भाषां अपोल्‍लियोन खः।

न्‍यायकर्ता 4:7

जिं याबीनया सेनापति सीसरायात वया रथत व सकलें सिपाइँत नापं कीशोन खुसि तक पित हयाः छंगु ल्‍हातय् तयाबी।’”

न्‍यायकर्ता 5:19

“जुजुपिं वयाः लडाइँ यात। कनानया जुजुपिन्‍सं मगिद्दोया बुँगाःचाया लिक्‍क तानाकय् लडाइँ यात। तर इमिसं वहः व लुतय्‌ याःगु सामान मयंकू।