प्रकाश 16:15 - नेवाः बाइबल

¹⁵ “होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

प्रकाश 16:15 ပူးပေါင်းရင်းမြစ်များ

प्रस्‍थान 32:25

मोशां मनूत थः यःथें जुयाच्‍वंगु खन। हारूनं इमित कःमघासें थः यःथें वने ब्‍यूगुलिं इपिं थः शत्रुतय् न्‍ह्यःने न्‍हिलेगु हुनि जुल।

यशैया 47:3

मनूतय्‌सं छंगु नांगासु खनी, अले छंगु लाज नं खने दइ। जिं बदला काये, जिं सुयातं त्‍वःते मखु।”

इजकिएल 16:37

छं मोज याःपिं, छन्‍त यःपिं व मयःपिं सकलें हे प्रेमीपिन्‍त जिं मुंके। छंगु प्‍यखेरं छंगु विरोधय् जिं इमित मुंके अले इमिगु न्‍ह्यःने छंगु नांगागु म्‍ह खनेदय्‌कः छन्‍त नांगा यानाबी।

होशे 2:3

मखुसा व बूबलय्‌या दिं थें जिं वयात पचिंनांगां यानाबी। जिं वयात मरुभूमि थें झिजांमिजां व सुख्‍खा यानाबी अले जिं वयात प्‍याचाय्‌का स्‍यानाबी।

हबकूक 2:15

“धिक्‍कार दु वयात, सुनां जःलाखःलातय्‌त दाखमद्य त्‍वंकी थःगु तमय् वया वं इमित अय्‌लाःगुलुत जुइत करंकाकी थथे वं इमिगु नांगासू स्‍वयाः इमित लज्‍या चाय्‌के फइ।

मत्ती 25:13

“उकिं छिपिं नं होश‍यानाच्‍वँ, छाय्‌धाःसा मनूया काय् गुबलय्, गुखुन्‍हु वइ धकाः छिमिसं मस्‍यू।

मत्ती 26:41

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला न्‍ह्यचिलाच्‍वंगु दु, म्‍ह जक बमलाः।”

मर्कूस 14:38

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला तयार दु, म्‍ह धाःसा बमलाः।”

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

प्रेरित 20:31

अय्‌जूगुलिं होश यानादिसँ, स्‍वदँ स्‍वदँ तक जिं छिकपिन्‍त चच्‍छि न्‍हिच्‍छि ख्‍वबि हाय्‌काः स्‍यनागु खँ ल्‍वःमंकादी मते।”

२ कोरिन्‍थी 5:3

स्‍वर्गय् झीत न्‍हूगु म्‍ह बियादी, उकिं झी म्‍ह मदय्‌क च्‍वनेमाली मखु।

१ थेसलोनिकी 5:4

छिमित धाःसा प्रभु झाइगु ई खुँ वः थें जुइ मखु, छाय्‌धाःसा छिपिं खिउँथाय् च्‍वनाच्‍वंगु मदु।

१ थेसलोनिकी 5:6

अय्‌जूगुलिं झीपिं मेपिं थें न्‍ह्यलं ब्‍वाना च्‍वने मजिल, बरु होश यानाः न्‍ह्यलं चाय्‌का च्‍वनेमाः।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 3:11

जि याकनं वयेत्‍यनागु दु, उकिं छिमिके दुगु त्‍वःफिके मते। अले जक छिमित बीगु श्रीपेच सुनानं लाकाकाये फइ मखु।

प्रकाश 3:18

उकिं छिमिसं तःमि जुइत मिइ दायातःगु लुँ, अले थःगु पचिनांगागु म्‍हया मछाः तंकेत तुयुगु लं, व मिखाय् तयेत मलम जिके न्‍या धकाः जिं सल्‍लाह बियाच्‍वना।