प्रकाश 16:10 - नेवाः बाइबल

¹⁰ न्‍याम्‍हम्‍ह स्‍वर्गदूतं थःगु ख्‍वल्‍चा पशुयागु सिंहासनय् प्‍वंकल। अले वयागु राज्‍य खिउँसे च्‍वना वन। दुःखकष्‍ट सह याये मफयाः मनूतय्‌सं वा न्‍ह्यल।

प्रकाश 16:10 ပူးပေါင်းရင်းမြစ်များ

भजनसंग्रहया सफू 78:49

वय्‌कलं थः दूत थें यानाः इमित थःगु ग्‍यानापुगु तं प्‍वंकादिल।

मत्ती 13:42

अले इमित मि गालय् कुर्की। अन इपिं ख्‍व जक ख्‍वयाः वा न्‍ह्ययाच्‍वनी।

मत्ती 13:50

अले मभिंपिं मनूतय्‌त मि गालय् कुर्की। इपिं अन ख्‍व जक ख्‍वयाः वा न्‍ह्ययाच्‍वनी।”

मत्ती 22:13

अले जुजुं थः च्‍यःतय्‌त थथे धकाः धाल – ‘थ्‍व मनूयात ल्‍हाःतुति चिनाः पिने खिउँथाय् वान्‍छ्वया ब्‍यु। अन हे ख्‍व जक ख्‍वयाः वा न्‍ह्ययाच्‍वनी।’”

मत्ती 24:51

वयात स्‍यानाः निपाः ख्‍वाःपाः दुपिं च्‍वनी थाय् वांछ्वइ। अन हे इपिं ख्‍व जक ख्‍वयाः वा न्‍ह्ययाः च्‍वनेमाली।

मत्ती 8:12

राज्‍यय् थ्‍याःपिं मनूतय्‌त धाःसा पिने तसकं खिउँसे च्‍वंथाय् वान्‍छ्वया हइ। अले इपिं अन ख्‍व जक ख्‍वयाः वा न्‍ह्ययाच्‍वनी।”

लूका 13:28

“अले छिमिसं अब्राहाम, इसहाक, याकूब व फुक्‍क अगमवक्तात स्‍वर्गय् परमेश्‍वरया राज्‍यय् च्‍वनाच्‍वंगु, छिमित जक दुमकाःगु खनाः नुगः हीसे च्‍वंकाः ख्‍व जक ख्‍वयाः, वा न्‍ह्ययाच्‍वनी।

१ पत्रुस 2:17

फुक्‍कसित हनाबना तयेगु या। दाजुकिजापिन्‍त माया या। परमेश्‍वरयागु ग्‍याःभय का। जुजुयात हनेगु या।

प्रकाश 11:10

अबलय् पृथ्‍वीइ च्‍वंपिं मनूत फुक्‍कं इपिं सीगुलिं लय्‌लय्‌ताइ। थ्‍व निम्‍ह अगमवक्तातय्‌सं यानाः पृथ्‍वीइ च्‍वंपिन्‍त तसकं सास्‍ती जुयाच्‍वंगुलिं इपिं लय्‌लय्‌तातां थःथवय् कोसेलि बीगु याइ।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

प्रकाश 17:17

परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।

प्रकाश 17:9

“थ्‍व खँ थुइकेत ज्ञान बुद्धि माः। न्‍हय्‌गः छ्यंया अर्थ न्‍हय्‌गू पहाड खः। गुकी व मिसा फ्‍यतुनाच्‍वंगु दु। थुपिं न्‍हय्‌म्‍ह जुजुपिं खः।

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।

प्रकाश 9:2

अले वं व तसकं हे तःजाःगु गाः चाय्‌कूबलय् तसकं च्‍यानाच्‍वंगु भट्टिं कुँत्‍याः वः थें वःगुलिं सूर्य व आकाश छुं हे खने मदय्‌क खिउँगुलिं त्‍वपुल।