प्रकाश 15:7 - नेवाः बाइबल

⁷ अले व प्‍यम्‍ह मध्‍ये छम्‍ह जीवात्‍मां न्‍ह्याबलें म्‍वाना च्‍वनीम्‍ह परमेश्‍वरयागु तं जाय्‌क दुगु न्‍हय्‌गः लुँयागु ख्‍वल्‍चा न्‍हय्‌म्‍ह स्‍वर्गदूततय्‌त बिल।

प्रकाश 15:7 ပူးပေါင်းရင်းမြစ်များ

भजनसंग्रहया सफू 75:8

परमप्रभुया ल्‍हातिइ ख्‍वला दु, थ्‍व ख्‍वला वय्‌कःया तमं जाः। वय्‌कलं थ्‍व हे ख्‍वलां त्‍वंकादी। दुष्‍टत फुक्‍कसिनं थ्‍व हे ख्‍वलां त्‍वनी, भ्‍याःभचा हे मल्‍यंक।

यर्मिया 25:15

परमप्रभु इस्राएलया परमेश्‍वरं जितः थथे धयादिल, “जिगु ल्‍हातं थ्‍व तंया दाखमद्यया ख्‍वला का, अले जिं छन्‍त गुगु गुगु जातियाथाय् छ्वये, उपिं फुक्‍क जातियात व त्‍वंकि।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

प्रकाश 10:6

स्‍वर्ग व स्‍वर्गय् च्‍वंगु फुक्‍कं, पृथ्‍वी व पृथ्‍वीइ च्‍वंगु फुक्‍कं, समुद्र व समुद्रय् च्‍वंगु फुक्‍कं सृष्‍टि यानादीम्‍ह न्‍ह्याबलें म्‍वाना च्‍वनीम्‍हय्‌सिगु नामय् पाफल। वं धाल – “आः लिबाइ मखुत।”

प्रकाश 14:10

अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 16:2

अले न्‍हापांम्‍ह स्‍वर्गदूतं वनाः थःगु ख्‍वल्‍चा पृथ्‍वीइ प्‍वंकल। थुकिं यानाः पशुयागु छाप दुपिं व पशुयागु मूर्ति पुजा याइपिं मनूतय्‌गु म्‍हय् घच्‍चाइपुगु व सह याये मफय्‌क स्‍याइगु कै वल।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

प्रकाश 21:9

दुःखकष्‍ट दुगु ख्‍वल्‍चा ज्‍वनातःपिं न्‍हय्‌म्‍ह स्‍वर्गदूतत मध्‍ये दक्‍वसिबय् लिपायागु दुःखकष्‍ट दुगु ख्‍वल्‍चा कयातःम्‍हय्‌सिनं वयाः जितः थथे धाल – “थन वा, जिं छन्‍त भम्‍चा क्‍यनाबी। व भम्‍चा चीधिकःम्‍ह भ्‍याःचाया कलाः खः।”

प्रकाश 4:10

इपिं म्‍ये हालाच्‍वंबलय् सिंहासनय् दीम्‍हय्‌सिगु न्‍ह्यःने निइप्‍यम्‍ह थकालिपिन्‍सं क्‍वछुनाः भागि यात। अले थथःगु श्रीपेच वय्‌कःया सिंहासनया न्‍ह्यःने तयाः थथे धाल –

प्रकाश 5:8

थुकथं वं थ्‍व भ्‍वंथू काये धुंकाः प्‍यम्‍ह जीवात्‍मा व निइप्‍यम्‍ह थकालिपिं चीधिकःम्‍ह भ्‍याःचायागु न्‍ह्यःने क्‍वछुत। इपिं फुक्‍कसिके वीणा व गुँगू थनातःगु लुँयागु मकः दु। थ्‍व विश्‍वासीतय्‌गु प्रार्थना खः।