प्रकाश 15:5 - नेवाः बाइबल

⁵ अनंलि जिं स्‍वर्गय् परमेश्‍वरया देगः चालाः अन दुने च्‍वंगु महा-पवित्र थाय् खन।

प्रकाश 15:5 ပူးပေါင်းရင်းမြစ်များ

प्रस्‍थान 25:21

जिं छन्‍त बीत्‍यनागु बाचाया पौ सनूया दुने ति। अले प्रायश्‍चितया कृपा-आसनयात सनूया द्यःने तयाब्‍यु।

प्रस्‍थान 38:21

बजलेलं वँचुगु, प्‍याजीगु व ह्याउँगु रंगयागु सुति कापतय् बुत्ता भरय् यायेसःम्‍ह व थायेसःम्‍ह ओहोलीआबयात नापं कयाः ज्‍या सिधय्‌कल। इपिं निम्‍ह जानाः परमप्रभुं मोशापाखें बियादीगु उजं पूवंकल। मोशां हारून पुजाहारीया काय् ईतामारयात नापलायेगु पालय् छ्यःगु लुँ, वहः व कँय्‌या ल्‍याःचा तयेगु जिम्‍मा बिल।

गन्‍ती 1:50

उकिया पलेसा छं लेवीतय्‌त पवित्र पाल व उकी दुने च्‍वंगु फुक्‍क ज्‍वलंया जिम्‍मा ब्‍यु। छिमिसं थाय् हिलाजुइबलय् इमिसं पवित्र पाल व फुक्‍क ज्‍वलं क्‍वबीमाः। इमिसं व बांलाक स्‍वयेमाः, अले नापलायेगु पालया जवंखवं पाल ग्‍वयाः च्‍वनेमाः।

गन्‍ती 1:53

लेवीतय्‌सं हे नापलायेगु पालया रक्षा यायेमाः। अले जिगु तं इस्राएलया खलःयात मलायेमा धकाः लेवीतय्‌सं हे नापलायेगु पालया जवंखवं थःपिनिगु पाल ग्‍वयाः च्‍वनेमाः।”

मत्ती 27:51

अबलय् हे देगलय् च्‍वंगु पर्दा च्‍वंनिसें क्‍वथ्‍यंक निकू दलाः गुना वन। अले हानं भ्‍वखाय् ब्‍वल। पहाड चिरि बायावन।

हिब्रू 8:5

इमिसं पुजाहारी जुयाः थन याइगु ज्‍या ला स्‍वर्गय् जूगु ज्‍याखँया किपालु जक खः। मोशायात नं वं पाल ग्‍वयेत्‍यंबलय् परमेश्‍वरं थथे धयादीगु खः – “जिं छन्‍त गुँच्‍वकाय् क्‍यनागु नमूनाकथं थ्‍व फुक्‍कं बांलाक दय्‌कि।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 13:6

अले परमेश्‍वरयात क्‍वह्यंकेत, वय्‌कःया नां व च्‍वनेगु थाय् अले स्‍वर्गय् च्‍वंपिं फुक्‍कसितं हेस्‍यानाः खँ ल्‍हायेत वं थःगु म्‍हुतुप्‍वाः चाय्‌कल।