प्रकाश 15:4 - नेवाः बाइबल

⁴ हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

प्रकाश 15:4 ပူးပေါင်းရင်းမြစ်များ

भजनसंग्रहया सफू 105:7

वय्‌कः हे परमप्रभु झी परमेश्‍वर खः। वय्‌कःया न्‍यायया ज्‍या पृथ्‍वी न्‍यंकं जुइ।

भजनसंग्रहया सफू 111:9

वय्‌कलं थः मनूतय्‌त मू पुलाः त्‍वःतकादिल, अले वय्‌कलं इपिंलिसें न्‍ह्याबलेंया बाचा चिनादिल। वय्‌कः पवित्र व मानय् यायेमाःम्‍ह खः।

भजनसंग्रहया सफू 22:23

हे परमप्रभुया ग्‍याःभय काइपिं, वय्‌कःया प्रशंसा या! हे याकूबया सन्‍तान, वय्‌कःयात हनाबना ति! हे इस्राएलया मनूत, वय्‌कःयागु आराधना या!

भजनसंग्रहया सफू 22:27

फुक्‍क जातियापिन्‍सं वय्‌कःयात लुमंकी, अले परमप्रभुयाथाय् वइ। फुक्‍क जातिया मनूतय्‌सं वय्‌कःयात भागि याइ।

भजनसंग्रहया सफू 22:3

अथेसां छि पवित्रम्‍ह परमेश्‍वर खः इस्राएलं छितः तःधंकू धकाः जिं स्‍यू।

भजनसंग्रहया सफू 86:9

हे परमप्रभु, छिं गुलि जातितय्‌त दय्‌कादिल, इपिं फुक्‍क वयाः छितः आराधना याइ। अले छिगु नांया प्रशंसा याइ।

भजनसंग्रहया सफू 89:7

परमेश्‍वर पवित्र मनूतय्‌गु सभाय् तसकं इज्‍जत यायेमाःम्‍ह व थः जःखः च्‍वंपिं फुक्‍क स्‍वयाः अप्‍वः ग्‍याये माःम्‍ह खः।

भजनसंग्रहया सफू 97:8

हे परमप्रभु, छिगु न्‍यायया कारणं सियोनयापिं मनूत लय्‌ताः, यहूदाया गांत लय्‌ताः।

भजनसंग्रहया सफू 99:5

परमप्रभु झी परमेश्‍वरया प्रशंसा या वय्‌कःया सिंहासनया न्‍ह्यःने छ्यं क्‍वछुकि। वय्‌कः पवित्र खः।

भजनसंग्रहया सफू 99:9

परमप्रभु झी परमेश्‍वरया प्रशंसा या, अले वय्‌कःया पवित्र पहाडय् आराधना या! परमप्रभु झी परमेश्‍वर पवित्र खः।

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

यशैया 25:3

अथे जुयाः बल्‍लाःपिं जातितय्‌सं छिगु प्रशंसा याइ। दया मदुपिनि जातितय् शहरं छितः हनाबना तइ।

यशैया 26:9

चान्‍हय् जिगु फुक्‍क नुगलं छितः यय्‌कीगु यानाच्‍वना। सुथय् जिगु आत्‍मां छितः यय्‌काच्‍वना। छिं पृथ्‍वी व अन च्‍वंपिनिगु न्‍याय यानादीबलय्, इमिसं धार्मिकता सय्‌काकाइ।

यशैया 45:23

जिं थःगु हे नामं पाफयागु दु, जि विश्‍वास याये बहःम्‍ह जुयाः जिगु म्‍हुतुं छगू वचन घोषणा यानागु दु, गुगु जिं हाकनं लित काये मखु। फुक्‍क मनूतय्‌सं जिगु न्‍ह्यःने पुलिं चुइ। अले फुक्‍कसिनं जिगु भक्ति याये धकाः पा फइ।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

यशैया 60:5

अनंलि छ थ्‍व खनाः तसकं ज्‍वालं थी अले छंगु नुगः तसकं लय्‌ताइ। समुद्रया सम्‍पत्ति छन्‍थाय् हइ, जाति जातिया सम्‍पत्तित छन्‍थाय् वइ।

यर्मिया 10:7

हे जाति जातिया जुजु, सुनां छितः हनाबना मयाइ? छाय्‌धाःसा छि हनाबना यायेमाःम्‍ह खः। जाति जातिया बुद्धि दुपिं मनूत वा इमि जुजुपिं मध्‍ये छि थें जाःम्‍ह सुं नं मदु।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 5:22

छिपिं जिलिसें ग्‍याये म्‍वाः ला?” परमप्रभुं धयादी। “छिपिं जिगु न्‍ह्यःने थरथर खाये म्‍वाः ला? जिं फियात समुद्रं पुलावने मफइगु न्‍ह्याबलें दयाच्‍वनीगु पंगःया सिमाना यानाबिया। अले थुकिया लबुत थाहां वःसां उपिं त्‍याइ मखु। उपिं थ्‍वय्‌क हाःसां उकियात पुलावने फइ मखु।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

हबकूक 1:12

हे परमप्रभु, छु छि न्‍हापांनिसें हे दीम्‍ह मखु ला? हे परमेश्‍वर, जिम्‍ह परमपवित्र जिपिं सी मखु। हे परमप्रभु, छिं इमित न्‍याय यायेत ल्‍ययादीगु खः। छि जिमिगु ल्‍वहंधी, सजाँय बीत छिं इमित अभिषेक यानादीगु दु।

जकरिया 14:16

अनं लिपा यरूशलेमय् हमला याःपिं जाति जातितपाखें म्‍वाःपिं सकलें दक्‍व शक्ति दुम्‍ह परमप्रभुयात जुजु भाःपियाः आराधना यायेत व बल्‍चाबाय्‌या नखः हनेत दँय्‌दसं यरूशलेमय् वनी।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

रोमी 15:9

यहूदीमखुपिन्‍सं नं परमेश्‍वरं दया माया यानादीगुलिं वय्‌कःयात जयजय यायेमा धकाः ख्रीष्‍ट झायादीगु खः। धर्मशास्‍त्रय् नं थथे च्‍वयातःगु दु – “यहूदीमखुपिं दुथाय् नं जिं छितः जयजय याये छिगु नां कयाः भजन हाले।”

१ पत्रुस 1:16

थ्‍व हे खँ थथे च्‍वयातःगु दु – “जि पवित्रम्‍ह जूगुलिं छिपिं नं पवित्रपिं जुयाच्‍वँ।”

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 14:7

वं ततसलं थथे धाल – “परमेश्‍वर खनाः ग्‍या। वय्‌कःयात तःधंकि। वय्‌कलं मनूतय्‌त न्‍याय याइगु ई वये धुंकल। स्‍वर्ग, पृथ्‍वी, समुद्र व लःयागु बुंगाः सृष्‍टि यानादीम्‍हय्‌सित आराधना या।”

प्रकाश 16:5

अले लःयागु बिचाः याइम्‍ह दूतं थथे धाःगु जिं ताल – “हे पवित्रम्‍ह परमेश्‍वर, न्‍हापांनिसें दीम्‍ह, आः नं दीम्‍ह छि हे खः। छिं न्‍याय यानादीगु तसकं पाय्‌छि जू।

प्रकाश 16:7

अनं लिपा वेदीं थथे धयाहःगु सः जिं ताल, “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु न्‍याय सत्‍य व पाय्‌छि जू।”

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”

प्रकाश 19:8

वयात तसकं प्‍वाला प्‍वाला थीगु, यचुसे च्‍वंगु, बांलाःगु सुति कापतं पुंका तःगु दु।” (बांलाःगु सूती कापः विश्‍वासीतय्‌गु बांलाःगु भिंगु ज्‍याखँ खः।)

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

१ शमूएल 2:2

“परमप्रभु थें पवित्रम्‍ह सुं हे मदु, अले वय्‌कः थें ज्‍याःम्‍ह सुं हे मदु। झी परमेश्‍वर थें रक्षा याइम्‍ह मेपिं सुं हे मदु।