प्रकाश 15:3 - नेवाः बाइबल

³ परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।

प्रकाश 15:3 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

१ इतिहास 6:49

अय्‌नं हारून व वया सन्‍तानतय्‌त जक होमबलिया वेदीइ होमबलि छायेगु व गुँगू थनेगु वेदीइ गुँगू थनेगु अनुमति दु। महा-पवित्र थासय् याइगु फुक्‍क आराधनाया ज्‍या व फुक्‍क इस्राएलया पाप प्रायश्‍चित यायेत होमबलि छायेगु ज्‍या इमिगु जिम्‍माय् खः। परमेश्‍वरया दास मोशां ब्‍यूगु आज्ञाकथं इमिसं व फुक्‍क ज्‍या याइगु।

२ इतिहास 24:6

उकिं जुजुं दकलय् तःधंम्‍ह पुजाहारी यहोयादायात सःताः थथे धाल, “परमप्रभुया दास मोशा व इस्राएलया खलकं नापलायेगु पालया निंतिं पुलेत क्‍वःछिनातःगु भेटी यहूदा व यरूशलेमं हयेत छाय् लेवीतय्‌त कर यानामदियागु?”

नहेम्‍याह 9:14

इमित थःगु पवित्र शबाथ सीके बियादिल। अले इमित थः दास मोशापाखें आज्ञा, विधि व नियम बियादिल।

अय्‍यूब 36:24

मनूतय्‌सं भजन हालाः वय्‌कःया प्रशंसा याःथें, छिं नं वय्‌कःया ज्‍याया प्रशंसाया म्‍ये हालेगु ल्‍वःमंके मते।

अय्‍यूब 5:9

वय्‌कलं ततःधंगु व थुइके मफइगु, अल्‍याख अजू चाइपुगु ज्‍या यानादी।

भजनसंग्रहया सफू 100:5

परमप्रभु भिंम्‍ह खः, वय्‌कःया दया माया सदां दयाच्‍वनी। वय्‌कः न्‍ह्याबलेंया लागि विश्‍वास याये बहःम्‍ह खः।

भजनसंग्रहया सफू 105:5

अय्, वय्‌कःया दास अब्राहामया सन्‍तान, अय्, वय्‌कलं ल्‍ययादीम्‍ह याकूबया सन्‍तान, वय्‌कलं यानादीगु अजू चायापुगु ज्‍या लुमंकि, वय्‌कःया अजू चायापुगु ज्‍या व वय्‌कलं न्‍यंकादीगु फैसलायात लुमंकि।

भजनसंग्रहया सफू 111:2

परमप्रभुं ततःधंगु ज्‍या यानादीगु दु, थ्‍व ज्‍या खनाः लय्‌ताःपिं सकसिनं थ्‍व थथःगु मतिइ तयातइ।

भजनसंग्रहया सफू 111:7

अले थःम्‍हं यानादीगु ज्‍याय् वय्‌कः विश्‍वास याये बहःम्‍ह व खःकथं न्‍याय यानादीम्‍ह खः। वय्‌कःया फुक्‍क आज्ञा विश्‍वास यायेबहः जु।

भजनसंग्रहया सफू 139:14

जिं छितः सुभाय् बी, छाय्‌धाःसा छिं जितः अजू चायापुक दय्‌कादीगु दु। छिगु ज्‍या तसकं अजू चायापु, थ्‍व खँ जिं बांलाक स्‍यू।

भजनसंग्रहया सफू 145:17

परमप्रभु थःम्‍हं यानादीगु फुक्‍क ज्‍याय् धर्मी खः, थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 145:6

इमिसं छिगु ततःधंगु ज्‍यायागु शक्तिया बारे खँ ल्‍हाइ, अले जिं छिगु ततःधंगु ज्‍या कने।

भजनसंग्रहया सफू 18:30

परमेश्‍वरया लँपु सिद्धगु लँपु खः। वय्‌कःया वचन सत्‍य खः। वय्‌कःया शरणय् वंपिनिगु निंतिं वय्‌कः ढाल खः।

भजनसंग्रहया सफू 78:12

वय्‌कलं मिश्र देशयागु सोअन धाःगु थासय् इमि तापाःबाज्‍यापिन्‍त अजू चायापुगु ज्‍याखँ यानाः क्‍यनादीगु खः।

भजनसंग्रहया सफू 92:5

हे परमप्रभु, छिगु ज्‍या गुलि तःधं, छिगु बिचाः गुलि दुग्‍यं।

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

दानिएल 6:20

अले व सिहंत तयातःगु तःजाःगु गाः लिक्‍क थ्‍यंबलय् ख्‍वःसलं धाल, “हे दानिएल, म्‍वाःम्‍ह परमेश्‍वरया दास, छं न्‍ह्याबलें सेवा याइम्‍ह छिमि परमेश्‍वरं छन्‍त बचय् याये फत ला?”

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

मीका 7:20

यक्‍व दँ न्‍ह्यः छिं पाफयाः जिमि पुर्खातय्‌त बचं बियादीगु थें याकूबपाखे छि विश्‍वास यायेबहः जुयादी, अले अब्राहामयात दयामाया यानादी।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

व्‍यवस्‍था 31:30

अले मोशां थ्‍व म्‍येया वचन शुरुंनिसें अन्‍त्‍य तक इस्राएलया फुक्‍क खलःयात न्‍यंकल।

व्‍यवस्‍था 32:3

जिं परमप्रभुया नांयात तःधंके, वय्‌कः गुलि तःधं धकाः धायेनु।

व्‍यवस्‍था 34:5

अले परमप्रभुं धयादीगु थें परमप्रभुया दास मोशा मोआब देशय् सित।

१ तिमोथी 1:17

न्‍ह्याबलें दयाच्‍वनीम्‍ह जुजु, गुबलें सी मखुम्‍ह, खने मदुम्‍ह छम्‍ह हे जक परमेश्‍वर न्‍ह्याबलें तःधनेमा अले वय्‌कःयात हे फुक्‍कसिनं हनेमा। आमेन।

हिब्रू 3:5

परमेश्‍वरयागु छेँय् मोशा विश्‍वास याये बहःम्‍ह च्‍यः थें जुल। अले परमेश्‍वरं लिपा धयादीगु खँयागु साक्षी वं हे बियावन।

यहोशू 22:5

परमप्रभु छिमि परमेश्‍वरयात माया या, वय्‌कःया लँपुइ हुँ, उकियात गुबलें त्‍वःते मते, वय्‌कःया खँ न्‍यँ। दुनुगलंनिसें व बलं फत्तले वय्‌कःया सेवा या धकाः परमप्रभुया दास मोशां छिमित ब्‍यूगु आज्ञा व व्‍यवस्‍था बांलाक मानय् या।”

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 11:17

“न्‍हापा दीम्‍ह, आः नं दीम्‍ह, दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर जिमिसं छितः सुभाय् देछाया च्‍वना। छिं हे छिगु तःधंगु शक्ति ज्‍वनाः राज्‍य यानादिल।

प्रकाश 14:3

सिंहासन, प्‍यम्‍ह जीवात्‍मा, व थकालिपिनिगु न्‍ह्यःने च्‍वनाः इमिसं छपु न्‍हूगु म्‍ये हालाच्‍वन। पृथ्‍वीं मू पुलाः लिफ्‍याना हःपिं छगू लाख व पिइप्‍यद्वः मनूतय्‌सं जक व म्‍ये हाले सः, मेपिन्‍सं मसः।

प्रकाश 14:8

वयागु ल्‍यूल्‍यू वःम्‍ह मेम्‍ह स्‍वर्गदूतं थथे धाल – “नाश जुल, तःधंगु शहर बेबिलोन नाश जुल। थःम्‍हं याःगु बांमलाःगु ज्‍या मेमेगु देशयापिं मनूतय्‌त नं याकेब्‍यूम्‍ह थ्‍व हे शहर खः।”

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”