प्रकाश 15:1 - नेवाः बाइबल

¹ जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 15:1 ပူးပေါင်းရင်းမြစ်များ

दानिएल 6:27

वय्‌कलं त्‍वःतकादी अले बचय् यानादी, वय्‌कलं आकाशय् व पृथ्‍वीइ चिं व अजू चाइपुगु ज्‍या यानादी। वय्‌कलं दानिएलयात सिंहया म्‍हुतुपाखें बचय् यानादिल।”

लेवी 26:21

“‘छिपिं जिगु विरोधय् वना हे च्‍वन धाःसा अले जिं धा थें मयात धाःसा छिमिसं याःगु पापया हानं न्‍हय्‌दुगं अप्‍वः सास्‍ती छिमिथाय् छ्वया हये।

प्रकाश 10:3

अले सिंह हाःथें ततसलं व हाल। थथे व हाःगुलिं न्‍हय्‌कः नँ न्‍याये थें ग्राङ्‌गग्रुङ्‌ग मिंक सः वल।

प्रकाश 11:14

निगूगु विपत्ति फुत। स्‍वंगूगु विपत्ति याकनं हे वयेत्‍यंगु दु।

प्रकाश 14:10

अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।

प्रकाश 14:19

अले व स्‍वर्गदूतं थःगु ईंचा पृथ्‍वीइ संकल। अले दाख लयाः मुंकल। थ्‍व यंकाः परमेश्‍वरयागु तंयागु तःधंगु दाख तिस्‍सिगु थासय् वांछ्वत।

प्रकाश 16:1

अले जिं देगलं न्‍हय्‌म्‍ह स्‍वर्गदूततय्‌त तस्‍सलं थथे धयाच्‍वंगु ताल – “हुँ, परमेश्‍वरयागु तं दुगु न्‍हय्‌गः ख्‍वल्‍चा पृथ्‍वीइ प्‍वंकि।”

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 21:9

दुःखकष्‍ट दुगु ख्‍वल्‍चा ज्‍वनातःपिं न्‍हय्‌म्‍ह स्‍वर्गदूतत मध्‍ये दक्‍वसिबय् लिपायागु दुःखकष्‍ट दुगु ख्‍वल्‍चा कयातःम्‍हय्‌सिनं वयाः जितः थथे धाल – “थन वा, जिं छन्‍त भम्‍चा क्‍यनाबी। व भम्‍चा चीधिकःम्‍ह भ्‍याःचाया कलाः खः।”

प्रकाश 8:13

थुलि जुइ धुंकाः जिं आकाशय् ततसलं थथे हालाः ब्‍वया च्‍वंम्‍ह छम्‍ह इमायात खना। “आवंनिसें पृथ्‍वीइ च्‍वंपिन्‍त तसकं धिक्‍कार, धिक्‍कार, धिक्‍कार, छाय्‌धाःसा अझ नं स्‍वम्‍ह स्‍वर्गदूततय्‌सं थथःगु तुरही पुयाहइतिनि।”

प्रकाश 8:2

अले परमेश्‍वरया न्‍ह्यःने दनाच्‍वंपिं न्‍हय्‌म्‍ह स्‍वर्गदूततय्‌त जिं खना। इमित न्‍हय्‌पु तुरही बिल।

प्रकाश 8:6

थुलि जुइ धुंकाः न्‍हय्‌पु तुरही ज्‍वनाच्‍वंपिं न्‍हय्‌म्‍ह स्‍वर्गदूततय्‌सं तुरही पुइत्‍यन।

प्रकाश 9:20

थुकिं मस्‍याःपिं मनूतय्‌सं अझ नं थःगु ल्‍हातिं याःगु ज्‍यायागु पश्‍चाताप मयाः। इमिसं भूतयात पुजा यायेगु व लुँ, वहः, सिजः, ल्‍वहं व सिँयागु मूर्तियात पुजा यायेगु मत्‍वःतू। थ्‍व द्यःतय्‌सं मखं, मताः, अले न्‍यासि जुइ मफु।