प्रकाश 14:5 - नेवाः बाइबल

⁵ इमिगु म्‍हुतुइ मखुगु खँ धयागु मदु, इमिगु नुगः यचुसे च्‍वं।

प्रकाश 14:5 ပူးပေါင်းရင်းမြစ်များ

भजनसंग्रहया सफू 32:2

धन्‍य खः व मनू, गुम्‍हय्‌सिगु मभिंगु ज्‍या यात परमप्रभुं दोष मबिल। अले गुम्‍हय्‌सिगु मति मभिं मजू।

भजनसंग्रहया सफू 34:13

दुसा, थःगु मेयात मभिंगु व मखुगु खँ ल्‍हाकेबी मते।

भजनसंग्रहया सफू 55:11

शहरया दुने फुक्‍क थासय् नाश जक दु, अनया लँय् ल्‍वापु व ख्‍यापु धयागु गुबलें मप्‍वं।

हितोपदेश 8:8

जिं धयागु छग्‍वः छग्‍वः खँग्‍वः सत्‍य खः। छुं हे मखुगु मदु। अले झंगः लाइगु खँ नं मखु।

श्रेष्‍ठगीत 4:7

जिमि प्रिय, छ तसकं हिसि दु, छंके छुं नं ख्‍वं मदु।

यशैया 53:9

इमिसं वयागु चिहान दुष्‍ट मनूतय्‌गुनापं दय्‌कल, व सीबलय् तःमिपिंनापं हे थुन, खः ला, वं छुं ल्‍वापुख्‍यापु याःगु मदु, वयागु म्‍हुतुं मभिंगु व मखुगु खँ ल्‍हाःगु मदु।

दानिएल 6:4

थथे जूगुलिं मेपिं निम्‍ह मन्‍त्रीत व प्रान्‍तयापिं बडा-हाकिमतय्‌सं सरकारी ज्‍याय् दानिएलयागु दोष मालेगु याना हल। तर इमिसं वं छुं मखुगु ज्‍या याःगु लुइके मफुत, छाय्‌धाःसा व विश्‍वास याये बहःम्‍ह मनू खः, व लाः लाः थें यानाजुइम्‍ह मनू मखु।

होशे 10:2

इपिं ध्‍वंलाइपिं खः। आः इमिसं थःगु दोषया सजाँय फये हे माली। परमप्रभुं इमिगु वेदीत नाश यानाबी, अले च्‍वखगु ल्‍वहंया थांत थुनाबी।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

मलाकी 2:6

जिं स्‍यनागु सत्‍ययागु खँ इमिगु म्‍हुतुइ हे दु। इमिगु म्‍हुतुसिइ छुं नं मखुगु खँ मदु। इपिं जिलिसें शान्‍त व स्‍वजा जुया जुइ। अले यक्‍वसित पापं फहिकल।

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

लूका 23:4

अले पिलातसं तःधंपिं पुजाहारीतय्‌त व मनूतय्‌गु हुलयात धाल – “जिं ला थ्‍व मनूयाके छुं हे दोष लुइके मफुत।”

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

कलस्‍सी 1:22

तर आः वय्‌कःया काय्‌नं थः हे सिनाः छिमित हाकनं वय्‌कः नाप मिलय् यानादीगु दु। वय्‌कः छिमित थःगु न्‍ह्यःने पवित्र, शुद्ध व दोष मदुपिं यायेत हे थथे सिनादीगु खः।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ पत्रुस 1:19

बरु छुं हे खू मदुम्‍ह चीधिकःम्‍ह भ्‍याःचा जुयादीम्‍ह ख्रीष्‍टयागु तसकं मू वंगु हिं न्‍यानादीगु खः।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

१ पत्रुस 3:10

थथे च्‍वयातःगु दु – “सुयां न्‍ह्यइपुक व ताःई तक म्‍वाये मंदु ला? दुसा, थःगु मेयात मभिंगु खँ नवायेगुपाखें व थःगु म्‍हुतुसियात मखुगु खँ ल्‍हायेगुपाखें तापाक ति।

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।