प्रकाश 14:3 - नेवाः बाइबल

³ सिंहासन, प्‍यम्‍ह जीवात्‍मा, व थकालिपिनिगु न्‍ह्यःने च्‍वनाः इमिसं छपु न्‍हूगु म्‍ये हालाच्‍वन। पृथ्‍वीं मू पुलाः लिफ्‍याना हःपिं छगू लाख व पिइप्‍यद्वः मनूतय्‌सं जक व म्‍ये हाले सः, मेपिन्‍सं मसः।

प्रकाश 14:3 ပူးပေါင်းရင်းမြစ်များ

भजनसंग्रहया सफू 144:9

हे परमेश्‍वर, जिं छितः छपु न्‍हूगु भजन हालाः न्‍यंके, जिं वीणा थानाः छितः भजन न्‍यंके।

भजनसंग्रहया सफू 149:1

हल्‍लेलूयाह! परमप्रभुया निंतिं छपु न्‍हूगु भजन हा, विश्‍वास याये बहःपिनिगु सभाय् वय्‌कःया प्रशंसा या!

भजनसंग्रहया सफू 25:14

परमप्रभुया ग्‍याःभय काइपिन्‍त वय्‌कलं थः पासा थें यानादी, अले वय्‌कलं इमित बाचायागु खँ कनादी।

भजनसंग्रहया सफू 33:3

वय्‌कःया निंतिं न्‍हूगु भजन हा। यइपुक तार बाजं थानाः म्‍ये हालाः लय्‌ता।

भजनसंग्रहया सफू 40:3

वय्‌कलं जितः छपु न्‍हूगु म्‍ये स्‍यनादिल, झी परमेश्‍वरयात तःधंकाः हालेगु म्‍ये। यक्‍वसिनं हे थ्‍व खनी, अले भय काइ। अले इमिसं परमप्रभुयाके भलसा तइ।

भजनसंग्रहया सफू 96:1

परमप्रभुया निंतिं छपु न्‍हूगु भजन हा, हे पृथ्‍वीयापिं सकल मनूत, परमप्रभुया निंतिं प्रशंसाया म्‍ये हा!

भजनसंग्रहया सफू 98:1

परमप्रभुया निंतिं छपु न्‍हूगु भजन हा, वय्‌कलं अजू चायापुगु ज्‍या यानादीगु दु, थःगु शक्ति व पवित्र बलं वय्‌कः त्‍याःगु दु।

यशैया 42:10

परमप्रभुया निंतिं छपु न्‍हूगु भजन हा, पृथ्‍वीया ताताःपाःगु थासं वय्‌कःया प्रशंसा या। हे समुद्रय् यात्रा याइपिं अले उकी दुगु फुक्‍क जीवजन्‍तुं, हे टापुत अले अन च्‍वंपिं फुक्‍क मनूत!

१ कोरिन्‍थी 1:18

परमेश्‍वरयात म्‍हमस्‍यूपिं मनूतय्‌त ला ख्रीष्‍ट क्रूसय् सिनादिल धयागु खँ मूर्ख खँ खः। झी बचय् यानातःपिन्‍त ला ख्रीष्‍ट क्रूसय् सिनादीगु खँ परमेश्‍वरयागु शक्ति खः।

१ कोरिन्‍थी 2:14

परमेश्‍वरयागु आत्‍मा मदुपिन्‍सं वय्‌कःयागु आत्‍मां बियादीगु खँ काये फइ मखु। अज्‍याःम्‍ह मनुखं थज्‍याःगु खँ थुइके फइ मखु, उकिं थज्‍याःगु खँ वयागु निंतिं मूर्ख खँ जक जुइ। थज्‍याःगु खँ ला परमेश्‍वरया मनूतय्‌सं जक थुइके फइ।

प्रकाश 14:1

अले जिं सियोन पर्वतय् चीधिकःम्‍ह भ्‍याःचा दनाच्‍वंगु खना। वय्‌कः व वय्‌कःया बाःयागु नां कपालय् च्‍वयातःपिं छगू लाख व पिइप्‍यद्वः मनूत वय्‌कः नाप दु।

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।

प्रकाश 7:4

इस्राएलया फुक्‍क कुलं छगू लाख व पिइप्‍यद्वः मनूतय्‌त छाप तःगु जिं ताया।