प्रकाश 14:20 - नेवाः बाइबल

²⁰ शहरं पिने यंकाः दाख तिस्‍सिल। दाख तिस्‍यूबलय् सलयागु गःपः तक जायाः स्‍वसः किलोमिटर तक हि बाः वन।

प्रकाश 14:20 ပူးပေါင်းရင်းမြစ်များ

उत्‍पत्ति 49:11

वं थः गधायात भिंगु दाखमाय् ची अले गधाया मचायात भिंगु कचाय् ची। वं थःगु वसः दाखमद्यय् ही अले भान्‍तां लंयात दाखया रसय् ही।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

विलाप 1:15

“परमप्रभुं जितः रक्षा याइपिं दकलय् बल्‍लाःपिं फुक्‍क सिपाइँतय्‌त क्‍वह्यंकादीगु दु। वय्‌कलं जिमि ल्‍याय्‌म्‍हपिं मनूत नाश यायेत सिपाइँत छ्वयादिल। दाखयात तिसीगु थें परमप्रभुं जितः, यहूदाया कन्‍या म्‍ह्याय्‌यात तिसिनादिल।

इजकिएल 32:6

छपाखें बाः वःगु हिं जिं पहाड पहाडय् तक जमिन प्‍याकाबी, न्‍हसिकापत छंगु लां जाइ।

योएल 3:13

इँचा संकि, छाय्‌धाःसा छ्व लय्‌गु ई जुइ धुंकल। वा, दाखयात न्‍हुत्तुन्‍हु, छाय्‌धाःसा दाखतिसिगु थाय् जाये धुंकल, दाखति तइगु गाः जायाः भय्‌भय् बिल। इपिं तसकं मभिंना वने धुंकल।”

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।