प्रकाश 14:2 - नेवाः बाइबल

² अले यक्‍व लःयागु सः व तसकं नँ न्‍याःगु सः थें च्‍वंक स्‍वर्गं धयाहःगु छगू तःधंगु सः जिं ताल। थ्‍व सः यक्‍व वीणा थाःगु सः थें नं च्‍वं।

प्रकाश 14:2 ပူးပေါင်းရင်းမြစ်များ

२ शमूएल 6:5

दाऊद व इस्राएलीतय् फुक्‍क घराना वीणा, सारंगी, खैँजडी, मृदङ्‌ग व भुस्‍याः थानाः म्‍ये हालाः तसकं लय्‌लय् तायाच्‍वन।

२ इतिहास 20:28

शहरय् थ्‍यने धुंकाः इपिं वीणा व सारंगी थाथां अले तुरही पुपुं परमप्रभुया देगलय् वन।

भजनसंग्रहया सफू 147:7

सुभाय् ब्‍युब्‍युं परमप्रभुया निंतिं म्‍ये हा, वीणा थानाः झी परमेश्‍वरया भजन हा,

भजनसंग्रहया सफू 149:3

प्‍याखं ल्‍हुल्‍हुं इमिसं वय्‌कःया नांया प्रशंसा यायेमा, दम्‍फु व वीणा थानाः इमिसं वय्‌कःया भजन हालेमा।

भजनसंग्रहया सफू 33:2

वीणा थानाः परमप्रभुयात तःधंकि! सारंगी थानाः वय्‌कःयागु भजन हा!

भजनसंग्रहया सफू 43:4

अले हे परमेश्‍वर, जि छिगु वेदीइ वने। छि जिगु लसताया मुहान खः। जिं वीणा थानाः छिगु प्रशंसा याये। हे परमेश्‍वर, जिमि परमेश्‍वर!

भजनसंग्रहया सफू 57:8

अय् जिगु आत्‍मा, दँ। अय् वीणा दँ, अय् सारंगी दँ। जिं सुथयात नं थनाबी।

भजनसंग्रहया सफू 93:4

समुद्रया सः स्‍वयाः अले समुद्रया लबु स्‍वयाः नं, दकलय् च्‍वय् च्‍वनादीम्‍ह परमप्रभु शक्ति दुम्‍ह खः।

भजनसंग्रहया सफू 98:5

परमप्रभुया प्रशंसा या! वीणा थानाः परमप्रभुया प्रशंसा या!

प्रस्‍थान 19:16

स्‍वन्‍हु खुन्‍हु सुथय् पर्वतय् क्‍वात्तुक सुपाँय् खनेदत, नँ न्‍यात, हाबलासा त्‍वल। तस्‍सलं तुरही पुयाहल। छाउनीइ च्‍वनाच्‍वंपिं फुक्‍कं ग्‍यानाः थरथर खात।

प्रस्‍थान 20:18

हाबलासा त्‍वःगु व पर्वतय् कुँ पिहां वःगु खनाः, अले नँ न्‍याःगु व तुरही पुयाहःगु सः ताःबलय् फुक्‍क मनूत ग्‍यानाः थरथर खात। इमिसं तापाक्‍कं हे दनाः।

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

इजकिएल 43:2

अले जिं इस्राएलया परमेश्‍वरया महिमा पुर्बपाखें वयाच्‍वंगु खना। वय्‌कःया सः यक्‍व लःयागु थें च्‍वं, वय्‌कःया महिमां जमिन प्‍वालप्‍वाल थित।

जकरिया 9:14

परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।

१ कोरिन्‍थी 13:1

मनूतय्‌गु थीथी भाषां व स्‍वर्गदूततय्‌गु भाषां हे नवाये सःसां जिं कर्पिन्‍त माया मयात धाःसा जिं अथे नवाःगु खँ भुस्‍याः व गं थाःगु थें जक जुइ।

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –

प्रकाश 1:15

वय्‌कःयागु तुति मिइ छुया दायाः तल तल थीकातःगु ली थें च्‍वं। अथे हे वय्‌कःयागु सः यक्‍व क्‍वब्‍वाःलःयागु सः थें च्‍वं।

प्रकाश 11:12

अले इमिसं स्‍वर्गं थथे धयाहःगु सः ताल – “थन थाहां वा।” इमि शत्रुतय्‌सं खंक खंक हे इपिं सुपाँचय् च्‍वनाः स्‍वर्गय् थाहां वन।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 15:2

अले जिं मि ल्‍वाकज्‍याःगु न्‍हाय्‌कंयागु समुद्र थें खना। पशु, वयागु मूर्ति व वयागु नांयागु ल्‍याःयात त्‍याकाः परमेश्‍वरं बियादीगु वीणा कयातःपिन्‍त जिं न्‍हाय्‌कंयागु समुद्रय् दनाच्‍वंगु खना।

प्रकाश 18:22

अले वीणा, म्‍ये, बाँसुरी व तुरहीयागु सः अन गुबलें हे न्‍यनेदइ मखु। कःमितय्‌सं दय्‌कातःगु सामान नं अन लुइके फइ मखु। घःक्‍यःगु सः नं अन गुबलें हे ताये दइ मखु।

प्रकाश 5:8

थुकथं वं थ्‍व भ्‍वंथू काये धुंकाः प्‍यम्‍ह जीवात्‍मा व निइप्‍यम्‍ह थकालिपिं चीधिकःम्‍ह भ्‍याःचायागु न्‍ह्यःने क्‍वछुत। इपिं फुक्‍कसिके वीणा व गुँगू थनातःगु लुँयागु मकः दु। थ्‍व विश्‍वासीतय्‌गु प्रार्थना खः।

प्रकाश 6:1

चीधिकःम्‍ह भ्‍याःचां न्‍हय्‌गू मध्‍ये छगू छाप प्‍वःगु जिं खना। अले प्‍यम्‍ह मध्‍ये छम्‍ह जीवात्‍मां नँ न्‍याः थें तःसलं “वा” धाःगु जिं ताया।

प्रकाश 8:7

न्‍हापांम्‍ह स्‍वर्गदूतं तुरही पूबलय् हि ल्‍वाकज्‍याःगु प्‍वँ व मि पृथ्‍वीइ वान्‍छ्वया हल। अले स्‍वब्‍वय् छब्‍व पृथ्‍वी च्‍यात, स्‍वब्‍वय् छब्‍व सिमा नं च्‍यात, अले वाउँगु घाँय् नं फुक्‍क च्‍यानाः वन।