प्रकाश 14:15 - नेवाः बाइबल

¹⁵ सुपाँचय् च्‍वंम्‍हय्‌सित देगलं पिहांवःम्‍ह छम्‍ह स्‍वर्गदूतं थथे धकाः ततसलं धाल – “पृथ्‍वीइ च्‍वंगु बाली बांलाक पाकय् जुइ धुंकल, बाली लयेगु ई जुइ धुंकूगुलिं ईंचां बाली लयादिसँ।”

प्रकाश 14:15 ပူးပေါင်းရင်းမြစ်များ

उत्‍पत्ति 15:6

अले अब्रामं परमप्रभुयात विश्‍वास यात। परमप्रभुं वयात धर्मी मनूया ल्‍याखय् तयादिल।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

योएल 3:13

इँचा संकि, छाय्‌धाःसा छ्व लय्‌गु ई जुइ धुंकल। वा, दाखयात न्‍हुत्तुन्‍हु, छाय्‌धाःसा दाखतिसिगु थाय् जाये धुंकल, दाखति तइगु गाः जायाः भय्‌भय् बिल। इपिं तसकं मभिंना वने धुंकल।”

मत्ती 13:30

छ्व लये मत्‍यःतले निमां थकाय् नि ब्‍यु। लय्‌बलय् जिं ज्‍यामितय्‌त न्‍हापां नामा निं पुयाः छ्वय्‌केत मुंकि, अले छ्व जक जिगु धुकुतिइ मुंके हजि धकाः धाये।’”

मत्ती 13:39

नामायागु पुसा ह्वः वःम्‍ह शत्रु शैतान खः। छ्व लयेगु ई परमेश्‍वरं न्‍याय याइगु ई खः। छ्व लइपिं ज्‍यामित स्‍वर्गदूतत खः।

मत्ती 23:32

आः छिमिसं हे छिमि तापाःबाज्‍यापिन्‍सं छुनाः त्‍वःतातःगु पापयागु ज्‍या पूवंकि।

मर्कूस 4:29

थुकथं अन्‍न सये धुंकाः ईंचां लइ, छाय्‌धाःसा लयेगु ई जुइ धुंकी।”

१ थेसलोनिकी 2:16

इमिसं जिमित यहूदीमखुपिन्‍त मुक्तियागु खँ न्‍यंके हे मब्‍यू। इमिसं थुकथं पाप मुंकाच्‍वन। उकिं इमिसं लिपा तकं परमेश्‍वरयागु तं फया च्‍वनेमाली।

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 13:12

न्‍हापांयाम्‍ह पशुयागु न्‍ह्यःने हे वयागु फुक्‍क अधिकार थ्‍व पशुं कयाः चले यात। सी थें च्‍वंक घाः जुयाः नं लाःम्‍ह न्‍हापांयाम्‍ह पशुयात पृथ्‍वी व पृथ्‍वीइ च्‍वंपिं फुक्‍कसिनं पुजा याकेत थ्‍व पशुं कर यात।

प्रकाश 14:14

अले हानं जिं तुयुगु सुपाँय् खना। छेनय् लुँयागु श्रीपेच दुम्‍ह, ल्‍हातिइ ज्‍वःगु ईंचा ज्‍वनातःम्‍ह मनूया काय् थें च्‍वंम्‍ह छम्‍हय्‌सित सुपाँचय् खना।

प्रकाश 14:16

अले सुपाँचय् च्‍वंम्‍हय्‌सिनं पृथ्‍वीइ ईंचा संकल, अले पृथ्‍वीइ बाली लये सिधल।

प्रकाश 14:17

हानं मेम्‍ह हे छम्‍ह स्‍वर्गदूत स्‍वर्गय् च्‍वंगु देगलं पिहां वल। वयाके नं ज्‍वःगु ईंचा दु।

प्रकाश 14:18

मेम्‍ह छम्‍ह स्‍वर्गदूत होम यायेगु थासं पिहां वल। थ्‍वयाके मियागु अधिकार दु। अले ज्‍वःगु ईंचा दुम्‍हय्‌सित थ्‍वं ततसलं धाल – “पृथ्‍वीइ च्‍वंगु दाख ईंचां लया का, दाख पाकय् जुइ धुंकल।”

प्रकाश 15:6

यचुसे व थीगु तुयुगु वसः फिनातःपिं अले छातिइ लुँयागु बालां हिनातःपिं न्‍हय्‌म्‍ह स्‍वर्गदूतत देगलं न्‍हय्‌गू महामारी ज्‍वनाः पिहां वःगु जिं खना।

प्रकाश 16:17

न्‍हय्‌म्‍हम्‍ह स्‍वर्गदूतं थःगु ख्‍वल्‍चा फसय् प्‍वंकल। परमेश्‍वरया देगःया सिंहासनं थथे धकाः तसलं धयाहल – “आः सिधल।”

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”