प्रकाश 14:13 - नेवाः बाइबल

¹³ अले हानं जिं स्‍वर्गं थथे धयाहःगु सः ताल – “थ्‍व खँ च्‍व, आवंनिसें प्रभुयात विश्‍वास यानाः सीपिं मनूत धात्‍थें हे धन्‍यपिं खः।” आत्‍मां नं धयादिल – “धात्‍थें खः, आः इमिसं थःगु ज्‍यां झासु लने खनी, छाय्‌धाःसा इमिगु ज्‍यायागु फल इमिगु ल्‍यूल्‍यू वयाच्‍वनी।”

प्रकाश 14:13 ပူးပေါင်းရင်းမြစ်များ

भजनसंग्रहया सफू 19:11

हे परमप्रभु! थुकिं जि छिकपिनि दासयात ज्ञां बी। थुकियात मानय् यानाः जितः तःधंगु सिरपाः दत।

भजनसंग्रहया सफू 85:13

धार्मिकता परमप्रभुया न्‍ह्यः न्‍ह्यः वनी, अले वय्‌कःया निंतिं लँ दय्‌की।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

दानिएल 12:13

“छ दानिएल धाःसा लिपाथ्‍यंक थःगु लँपुइ वनाच्‍वँ। छं आराम याइ, अले फुनावनीगु इलय् छंगु लागिं तयातःगु सर्बय कायेत दना वइ।”

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।

लूका 16:9

जिं छिमित धाये – थ्‍व संसारयागु हे धिबां जूसां छिमिसं थःगु निंतिं पासापिं दय्‌का ति। अले थ्‍व धिबा फुइ धुंकाः छिमित स्‍वर्गय् दुकाइ।”

रोमी 14:8

झीपिं म्‍वाना च्‍वंसा प्रभुयागु निंतिं हे म्‍वानाच्‍वनेगु खः। झीपिं सीसां प्रभुयागु निंतिं हे सीगु खः। अय्‌जूगुलिं सीसां म्‍वाःसां झीपिं प्रभुया मनूत खः।

१ कोरिन्‍थी 15:18

थथे खः धयागु जूसा ख्रीष्‍टयात विश्‍वास यानाः सिनावंपिं विश्‍वासीत नं पापय् हे लानाच्‍वंगु दनी।

१ कोरिन्‍थी 15:20

सीम्‍ह ख्रीष्‍ट हानं म्‍वानावःगु खँ सत्‍य खः। अय्‌जूगुलिं सीपिं हानं म्‍वाकीतिनि धयागु खँ नं सत्‍य खः धकाः थुकिं हे सीदत।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

२ कोरिन्‍थी 5:8

जिमित पक्‍का विश्‍वास दु, अले थ्‍व म्‍हयात त्‍वःताः प्रभुलिसे च्‍वंवनेत जिपिं न्‍ह्याबलें न्‍ह्यचिलाच्‍वनागु दु।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

१ थेसलोनिकी 4:14

येशू सिनाः हानं म्‍वानावल धकाः ला झीसं विश्‍वास यानाच्‍वनागु दु। अथे हे वय्‌कःयात विश्‍वास यानाः सिनावंपिं मनूतय्‌त येशू नाप परमेश्‍वरं ब्‍वना यंकादी धकाः नं झीसं विश्‍वास यानाच्‍वनागु दु।

१ थेसलोनिकी 4:16

प्रभु स्‍वर्गं क्‍वहां झाइबलय् तस्‍सःगु सः ताये दइ, तःधंम्‍ह स्‍वर्गदूत हाला हइ, अले परमेश्‍वरयागु तुरही पुया हइ। उबलय् हे ख्रीष्‍टयात विश्‍वास यानाः सीपिं मनूत न्‍हापालाक म्‍वाना वइ।

१ थेसलोनिकी 5:10

वय्‌कः झीगु निंतिं सिनादिल। अय्‌जूगुलिं प्रभु लिहां झाइबलय् झीपिं म्‍वाना च्‍वंसां, सी धुंकूसां वय्‌कः नाप च्‍वने दइ।

१ तिमोथी 5:24

गुम्‍हय् गुम्‍हय्‌सिगु पाप ला बांलाक हे सी दयाच्‍वनी, इपिं न्‍हापा हे दोषी ठहरय् जुइ। गुलिसिगुं पाप ला लिपा लिपा जक सी दइ।

१ तिमोथी 5:25

अथे हे गुलि गुलिं भिंगु ज्‍या ला न्‍हापा हे बांलाक सी दइ। अले सी मदुगु नं लिपा सीदयावइ, त्‍वपुयातये फइ मखु।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 10:4

थथे न्‍हय्‌कः नँ न्‍याये थें सः वये धुंकाः जिं च्‍वय् त्‍यनाबलय् स्‍वर्गं थथे धयाहःगु सः ताल – “न्‍हय्‌कः नँ न्‍याः थें वःगु सःयागु खँ सुयातं कने मते, अले च्‍वये नं मते।”

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 16:17

न्‍हय्‌म्‍हम्‍ह स्‍वर्गदूतं थःगु ख्‍वल्‍चा फसय् प्‍वंकल। परमेश्‍वरया देगःया सिंहासनं थथे धकाः तसलं धयाहल – “आः सिधल।”

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 20:6

सीपिं म्‍वाना वःगुली ब्‍वति काये दुम्‍ह मनू धात्‍थें हे धन्‍यम्‍ह व पवित्रम्‍ह खः। थुपिं हानं सी माली मखु, बरु थुपिं परमेश्‍वर व ख्रीष्‍टया पुजाहारीत जुयाच्‍वने दइ। अले वय्‌कः नाप इमिसं नं द्वःछि दँ तक राज्‍य याये खनी।

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

प्रकाश 6:11

अले इपिं फुक्‍कसितं छपाः छपाः तुयुगु लं बिल। इपिं थें तुं स्‍याके मानिपिं परमेश्‍वरया दासत व इमि दाजुकिजापिन्‍त नं मस्‍यातले पियाच्‍वँ धकाः इमित धाल।