प्रकाश 14:10 - नेवाः बाइबल

¹⁰ अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।

प्रकाश 14:10 ပူးပေါင်းရင်းမြစ်များ

उत्‍पत्ति 19:24

अले परमप्रभुं सदोम व गमोरा शहरय् मि व गन्‍धकयागु वा गाय्‌कादिल।

अय्‍यूब 18:15

वयागु पालय् मि बाय् च्‍वनी, वयागु छेँय् च्‍यानाच्‍वंगु गन्‍धक ह्वलातःगु दु।

अय्‍यूब 21:20

वयागु मिखां हे इमिके वइगु नाश खनेमा, अले दक्‍व शक्ति दुम्‍ह परमेश्‍वरयागु तं इमिसं त्‍वनेमा।

भजनसंग्रहया सफू 11:6

वय्‌कलं दुष्‍टतय्‌थाय् मि व गन्‍धक गाय्‌कादी। तच्‍वकं क्‍वाःगु फय् छ्वयाः इमित सजाँय बियादी।

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

भजनसंग्रहया सफू 52:6

थ्‍व खनाः धर्मीत ग्‍याइ, इमिसं हेस्‍यानाः थथे धाइ,

भजनसंग्रहया सफू 60:3

छिं थः मनूतय्‌त तःधंगु दुःखकष्‍ट बियादिल अले जिमित अय्‌लाःगुलुत थें लिगिलिगि संकाबिल।

भजनसंग्रहया सफू 73:10

मनूतय्‌त इमिसं थःपाखे फहिकाकाइ। मनूतय्‌सं इमिसं धाःगु खँ अःपुक पत्‍याः याइ।

भजनसंग्रहया सफू 75:8

परमप्रभुया ल्‍हातिइ ख्‍वला दु, थ्‍व ख्‍वला वय्‌कःया तमं जाः। वय्‌कलं थ्‍व हे ख्‍वलां त्‍वंकादी। दुष्‍टत फुक्‍कसिनं थ्‍व हे ख्‍वलां त्‍वनी, भ्‍याःभचा हे मल्‍यंक।

भजनसंग्रहया सफू 91:8

दुष्‍टतय्‌सं गथे यानाः सजाँय फइ, छं खनी।

यशैया 29:9

अजू चा अले छक्‍क जु, मिखां मखनाः कां जु। त्‍वना हे जु तर दाखमद्यं मखु, धेधेचू तर अय्‌लाखं मखु।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 34:9

एदोमया खुसित अलकत्राय्, बँय्‌या धू गन्‍धकय् हिलावनी अले इमिगु देश अलकत्रा थें च्‍याइ।

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यर्मिया 25:27

“अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 49:12

परमप्रभुं थथे धयादी, “ख्‍वलां त्‍वःने म्‍वाःपिन्‍सं नं वं त्‍वने हे माः धाःसा, छ सजाँय मफसें बचय् जुइ दइ ला? छन्‍त त्‍वःति मखु, छं धात्‍थें त्‍वने हे माली।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

विलाप 4:21

हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

इजकिएल 20:48

जि परमप्रभुं हे व मि तयाब्‍यूगु खः धकाः सकसिनं सी। अले व सी मखु।’”

इजकिएल 38:22

जिं महामारी व हिबाःपाखें वयागु न्‍याय याये। जिं वयाके, वयागु सेनायाके व वलिसें दुगु जाति जातिया भीडयाके तसकं वाफय् वय्‌काबी, प्‍वँ गाय्‌काबी, च्‍यानाच्‍वंगु गन्‍धक गाय्‌काबी।

हबकूक 2:16

थथे याइम्‍हय्‌सित मान व इज्‍जतया थासय् मछालापूं जाइ। आः छंगु पा वःगु दु! छं नं मद्य त्‍वँ अले छंगु नांगांसू खनेदयेमा! परमप्रभुया जःपा ल्‍हाःया ख्‍वला छन्‍थाय् वःगु दु, अले छंगु मान व इज्‍जत मछासुं त्‍वःपुइ।

मत्ती 20:22

वय्‌कलं वया काय्‌पिन्‍त धयादिल, “छिमिसं छु फ्‍वनाच्‍वना धयागु थःपिन्‍सं हे मस्‍यू। छु जिं त्‍वनेत्‍यनागु दुःखयागु ख्‍वलां छिमिसं त्‍वने फु ला?” इमिसं “फु” धकाः लिसः बिल।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

मर्कूस 8:38

थ्‍व पापी व मभिंगु संसारय् सुनां जि व जिगु खँ न्‍यनाः ख्‍वाः फस्‍वय्‌की मनूया काय्‌नं स्‍वर्गदूतत नाप झःझः धाय्‌क परमेश्‍वर बाःनं छ्वया हइबलय् व खनाः लज्‍या चाइ।”

मर्कूस 9:44

अन छ्वयाच्‍वंगु मि गुबलें सी मखु, अले हानं की नं गुबलें हे सी मखु।

प्रेरित 10:22

इमिसं धाल – “कर्नेलियस धाःम्‍ह परमेश्‍वरयात मानय् याइम्‍ह व भिंम्‍ह छम्‍ह कप्‍तान दु। वय्‌कःयात यहूदीतय्‌सं नं मानय् याः। पवित्रम्‍ह स्‍वर्गदूतं दर्शन बियाः छितः सःताः छिगु खँ न्‍यँ धकाः वय्‌कःयात धयादीगुलिं जिपिं वयागु खः।”

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

२ थेसलोनिकी 1:7

दुःखकष्‍ट सियाच्‍वंपिं छिमित व जिमित नं वय्‌कलं दुःखकष्‍ट मदय्‌काबी। प्रभु येशू ख्रीष्‍ट वय्‌कःया तसकं बल्‍लाःपिं स्‍वर्गदूतत नाप स्‍वर्गं झायादीबलय् वय्‌कलं थथे यानादी।

यहूदा 1:7

अथे हे सदोम व गमोरा अले वया जःखः च्‍वंगु शहरयापिन्‍सं छगूया ल्‍यू मेगु यायां घच्‍चाइपुगु व्‍यभिचारया ज्‍या याना हल। परमेश्‍वरं इमित गुबलें मसीगु मिइ तयाः नमूना दय्‌कादिल।

प्रकाश 15:7

अले व प्‍यम्‍ह मध्‍ये छम्‍ह जीवात्‍मां न्‍ह्याबलें म्‍वाना च्‍वनीम्‍ह परमेश्‍वरयागु तं जाय्‌क दुगु न्‍हय्‌गः लुँयागु ख्‍वल्‍चा न्‍हय्‌म्‍ह स्‍वर्गदूततय्‌त बिल।

प्रकाश 16:19

तःधंगु शहर स्‍वकू दला वन। देश देशय् च्‍वंगु शहर फुक्‍कं दुनावन। अले परमेश्‍वरं तःधंगु बेबिलोन शहरयात लुमंकादिल। अले वय्‌कःयागु ग्‍यानापुसे च्‍वंगु तंयागु ख्‍वल्‍चा वयात त्‍वनेत बियादिल।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 20:14

अले मृत्‍यु व पातालयात नं मि गालय् वांछ्वल। थ्‍व मि गाः धयागु हे निकः सीगु खः।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”