प्रकाश 13:6 - नेवाः बाइबल

⁶ अले परमेश्‍वरयात क्‍वह्यंकेत, वय्‌कःया नां व च्‍वनेगु थाय् अले स्‍वर्गय् च्‍वंपिं फुक्‍कसितं हेस्‍यानाः खँ ल्‍हायेत वं थःगु म्‍हुतुप्‍वाः चाय्‌कल।

प्रकाश 13:6 ပူးပေါင်းရင်းမြစ်များ

अय्‍यूब 3:1

उकिया लिपा अय्‍यूबं थःगु म्‍हुतु चाय्‌काः थः बूगु दिंयात सराः बिल।

भजनसंग्रहया सफू 73:9

इमिसं म्‍हुतु तःप्‍वाः यानाः स्‍वर्ग व पृथ्‍वीयागु खँ ल्‍हाना जुइ।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

दानिएल 7:8

“जिं नेकूत स्‍वयाच्‍वनाबलय् नेकूतय् दथुइ छक्‍वलं मेगु चिपुगु नेकू बुयावल। अले व न्‍हूगु नेकुलिं न्‍हापायागु स्‍वंगुलिं नेकूयात हानापं लेहें थनाछ्वल। व नेकुलिइ मनूयागु थें मिखा व तःधंछुयाः खँ ल्‍हाइगु म्‍हुतु दु।

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

मत्ती 15:19

छाय्‌धाःसा मनूतय्‌गु नुगलं हे थज्‍याःगु मभिंगु बिचाः पिहां वइ – स्‍यायेगु, व्‍यभिचार यायेगु, खुइगु, मखुगु साक्षी बीगु, मेपिन्‍त मभिंकाः खँ ल्‍हायेगु।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

रोमी 3:13

इमिगु कथुप्‍वाः दिपया लुखा थें चाः। इमिसं नवाइगु बिख दुम्‍ह सर्पं न्‍याःगु थें खः, इमिगु म्‍हुतुसि सर्पयागु बिख दइ।

कलस्‍सी 1:19

वय्‌कःयागु थःगु फुक्‍क स्‍वभाव ख्रीष्‍टयाके दुगुलिं परमेश्‍वर लय्‌तायादिल।

कलस्‍सी 2:9

गथे परमेश्‍वर खः, अथे हे ख्रीष्‍ट नं खः।

हिब्रू 9:2

इमिसं पाल ग्‍वयाः निकू क्‍वथा दय्‌कल। न्‍हापांगु क्‍वथाय् त्‍वाःदेवा, तेबिल व छायेहःगु मरि तयातःगु दइ। व थाय्‌यात पवित्रगु थाय् धाइ।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।

प्रकाश 11:12

अले इमिसं स्‍वर्गं थथे धयाहःगु सः ताल – “थन थाहां वा।” इमि शत्रुतय्‌सं खंक खंक हे इपिं सुपाँचय् च्‍वनाः स्‍वर्गय् थाहां वन।

प्रकाश 12:12

उकिं स्‍वर्ग व स्‍वर्गय् च्‍वंपिं फुक्‍कं लय्‌ताः। अय्‌नं पृथ्‍वी व समुद्रयात धिक्‍कार, छाय्‌धाःसा तसकं तं पिकयाः शैतान छिमिथाय् वःगु दु। वयागु ई अप्‍वः मन्‍त धकाः स्‍यूगुलिं वं थथे याःगु खः।”

प्रकाश 15:5

अनंलि जिं स्‍वर्गय् परमेश्‍वरया देगः चालाः अन दुने च्‍वंगु महा-पवित्र थाय् खन।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।

प्रकाश 4:1

थुलि जुइ धुंकाः जिं थस्‍वयाबलय् स्‍वर्गया लुखा चालाच्‍वंगु खना। दकलय् न्‍हापालाक तुरही पुयाहःगु सः थें च्‍वंक जिं थथे धयाहःगु ताल – “थन थाहां वा, अले छु छु जुइतिनि धकाः जिं छन्‍त क्‍यने।”

प्रकाश 4:4

अले हानं छचाखेरं निइप्‍यंगू सिंहासन तयातःगु दु। लुँयागु श्रीपेच पुया तःपिं व तुयुगु वसतं पुनातःपिं निइप्‍यम्‍ह थकालिपिं व सिंहासनय् फ्‍यतुनाच्‍वंगु दु।

प्रकाश 5:13

अले अन सृष्‍टि यानातःपिं स्‍वर्गय् च्‍वंपिं, पृथ्‍वी व पृथ्‍वी तःले व समुद्रय् च्‍वंपिं दक्‍वसिनं थथे धयाच्‍वंगु जिं ताया – “सिंहासनय् फ्‍यतुनाच्‍वंम्‍ह व चीधिकःम्‍ह भ्‍याःचाया सदां जयजय जुइमा। अले न्‍ह्याबलें मान, इज्‍जत, शक्ति व राज्‍य दयाच्‍वनेमा।”

प्रकाश 7:15

“उकिं हे ला खः नि, आः परमेश्‍वरया सिंहासनया न्‍ह्यःने च्‍वनाः चच्‍छि न्‍हिच्‍छिं देगलय् हे च्‍वनाः वय्‌कःया सेवा यानाच्‍वनी। सिंहासनय् दीम्‍हय्‌सिनं हे इमिगु दथुइ च्‍वनाः रक्षा यानादी।

प्रकाश 7:9

थुलि जुइ धुंकाः जिं स्‍वयाबलय् जात जातियापिं मनूत, कुल कुलयापिं मनूत व फुक्‍क देश देशयापिं मनूत, थीथी भाषां नवाइपिं मनूत तुयुगु वसतं पुनाः ल्‍हातिइ ताय्‌गः सिमायागु कचा ज्‍वनाः सिंहासन व चीधिकःम्‍ह भ्‍याःचाया न्‍ह्यःने दनाच्‍वंगु जिं खना।