प्रकाश 13:18 - नेवाः बाइबल

¹⁸ थ्‍व थुइकेत बुद्धि माः। सुयाके बुद्धि दु वं थ्‍व पशुयागु ल्‍याःयागु अर्थ थुइका काइ। थ्‍व ल्‍याः मनूयागु नां खः। थ्‍व ल्‍याः ६६६ खः।

प्रकाश 13:18 ပူးပေါင်းရင်းမြစ်များ

भजनसंग्रहया सफू 107:43

बुद्धि दुपिन्‍सं थ्‍व खँय् च्‍यूताः तयेमा। इमिसं परमप्रभुया सदां दयाच्‍वनीगु दया मायाया बारे बिचाः यायेमा।

दानिएल 12:10

यक्‍वसित शुद्ध याइ, ख्‍वं मदुम्‍ह याइ अले यचुकी। मभिंपिं मनूतय्‌सं धाःसा मभिंगु ज्‍या याना हे च्‍वनी। उपिं मध्‍ये सुनानं छुं थुइ मखु तर बुद्धि दुपिन्‍सं थुइ।

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

मर्कूस 13:14

थ्‍व खँ ब्‍वंम्‍हय्‌सिनं थुइमा – “नाश याइगु घच्‍चायापुगु खँ गन मदयेमाःगु खः अन दनाच्‍वंगु छिमिसं खनेवं यहूदियाय् च्‍वनाच्‍वंपिं पहाडय् बिस्‍युं वनेमा।

रोमी 3:5

झीसं यानागु मभिंगु ज्‍यां परमेश्‍वरया धार्मिकता झन सीदत धाःसा झीसं छु धायेगु? परमेश्‍वरं तंचायाः झीत सजाँय बियादीवं परमेश्‍वर मभिंम्‍ह जुइ ला? (थ्‍व खँ जिं मनूतय्‌सं थें धयाच्‍वनागु दु।)

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

प्रकाश 1:3

ई न्‍ह्यःने थ्‍यने धुंकल। उकिं थ्‍व अगमवाणीयागु वचन ब्‍वंपिं, न्‍यंपिं, व मानय् याःपिं मनूत धन्‍यपिं खः।

प्रकाश 15:2

अले जिं मि ल्‍वाकज्‍याःगु न्‍हाय्‌कंयागु समुद्र थें खना। पशु, वयागु मूर्ति व वयागु नांयागु ल्‍याःयात त्‍याकाः परमेश्‍वरं बियादीगु वीणा कयातःपिन्‍त जिं न्‍हाय्‌कंयागु समुद्रय् दनाच्‍वंगु खना।

प्रकाश 17:9

“थ्‍व खँ थुइकेत ज्ञान बुद्धि माः। न्‍हय्‌गः छ्यंया अर्थ न्‍हय्‌गू पहाड खः। गुकी व मिसा फ्‍यतुनाच्‍वंगु दु। थुपिं न्‍हय्‌म्‍ह जुजुपिं खः।

प्रकाश 21:17

स्‍वर्गदूतं व शहरयागु पःखाः नं नापय् याना स्‍वःबलय् खुइगु मिटर दु।