प्रकाश 13:15 - नेवाः बाइबल

¹⁵ न्‍हापांयाम्‍ह पशुयागु मूर्तियात नवाकेत सास तयाबीगु व वयात पुजा मयाःपिन्‍त स्‍यायेगु अधिकार व पशुयात बियातःगु दु।

प्रकाश 13:15 ပူးပေါင်းရင်းမြစ်များ

उत्‍पत्ति 2:7

अले परमप्रभु परमेश्‍वरं बँय् च्‍वंगु चा कयाः मनू दय्‌कादिल, अले वयागु न्‍हासय् जीवनया सासः थनादिल। थुकथं मनू जीवन दुम्‍ह जुल।

भजनसंग्रहया सफू 115:5

इमि म्‍हुतु ला दु तर नवाये मफु। इमि मिखा ला दु तर खंके मफु।

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 10:5

इमिगु मूर्तित तुसिया क्‍यबय् तयातःम्‍ह बुँख्‍याःचा थें नवाये मफु। इमित क्‍वबिया जुइमाः, छाय्‌धाःसा इपिं न्‍यासि जुइ मफु। इपिं खनाः ग्‍याये मते, इमिसं छिमिगु छुं स्‍यंके फइ मखु, न इमिसं छुं भिं याये फइ।”

यर्मिया 51:17

“सकलें मनूत मूर्ख व ज्ञान मदुपिं खः। छम्‍ह छम्‍ह धातुया ज्‍या याइम्‍ह वयागु मूर्तितपाखें हे लज्‍याय् लाइ। वयागु सालिकत नक्‍कली खः, उकी सासः दइ मखु।

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”

याकूब 2:26

गथे प्राण मन्‍त धायेवं मनू सी, अथे हे ज्‍या याना मक्‍यंसा विश्‍वास नं सी।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 13:12

न्‍हापांयाम्‍ह पशुयागु न्‍ह्यःने हे वयागु फुक्‍क अधिकार थ्‍व पशुं कयाः चले यात। सी थें च्‍वंक घाः जुयाः नं लाःम्‍ह न्‍हापांयाम्‍ह पशुयात पृथ्‍वी व पृथ्‍वीइ च्‍वंपिं फुक्‍कसिनं पुजा याकेत थ्‍व पशुं कर यात।

प्रकाश 13:14

न्‍हापांयाम्‍ह पशुयागु न्‍ह्यःने हे वयात अथे चिं क्‍यनेगु अधिकार ब्‍यूगुलिं पृथ्‍वीइ च्‍वंपिन्‍त थ्‍वं ध्‍वंलायेगु याना जुल। तरवारं पालाः घाः जुलं हे म्‍वानाच्‍वंम्‍ह न्‍हापांयाम्‍ह पशुयागु मूर्ति दय्‌कि धकाः फुक्‍कसितं उजं बिल।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 14:9

हानं वया ल्‍यूल्‍यू वःम्‍ह स्‍वम्‍हम्‍ह स्‍वर्गदूतं ततसलं थथे धाल – “सुनानं पशुयात व वयागु मूर्तियात पुजा याःसा, वयागु कपालय्, अथवा ल्‍हातय् चिं तयेका च्‍वंसा,

प्रकाश 16:2

अले न्‍हापांम्‍ह स्‍वर्गदूतं वनाः थःगु ख्‍वल्‍चा पृथ्‍वीइ प्‍वंकल। थुकिं यानाः पशुयागु छाप दुपिं व पशुयागु मूर्ति पुजा याइपिं मनूतय्‌गु म्‍हय् घच्‍चाइपुगु व सह याये मफय्‌क स्‍याइगु कै वल।

प्रकाश 16:5

अले लःयागु बिचाः याइम्‍ह दूतं थथे धाःगु जिं ताल – “हे पवित्रम्‍ह परमेश्‍वर, न्‍हापांनिसें दीम्‍ह, आः नं दीम्‍ह छि हे खः। छिं न्‍याय यानादीगु तसकं पाय्‌छि जू।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 17:17

परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।

प्रकाश 17:6

अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:24

अगमवक्तातय्‌गु, परमेश्‍वरया मनूतय्‌गु व पृथ्‍वीइ स्‍याःपिनिगु हि अनं लुया वःगुलिं बेबिलोन थुकथं नाश जुल।”

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 20:4

अले जिं यक्‍व सिंहासन व उकी न्‍याय यायेगु अधिकार दुपिं फ्‍यतुनाच्‍वंगु खना। येशूयागु साक्षीया निंतिं, परमेश्‍वरयागु वचनया निंतिं छ्यं ध्‍यंकूपिं नं जिं खना। इमिसं व पशुयात व पशुयागु मूर्तियात पुजा मयाः, अले कपालय् नं, ल्‍हातिइ नं पशुयागु चिं तया मतः। इमिसं म्‍वाना वयाः ख्रीष्‍टनापं द्वःछि दँ तक राज्‍य यात।