प्रकाश 13:14 - नेवाः बाइबल

¹⁴ न्‍हापांयाम्‍ह पशुयागु न्‍ह्यःने हे वयात अथे चिं क्‍यनेगु अधिकार ब्‍यूगुलिं पृथ्‍वीइ च्‍वंपिन्‍त थ्‍वं ध्‍वंलायेगु याना जुल। तरवारं पालाः घाः जुलं हे म्‍वानाच्‍वंम्‍ह न्‍हापांयाम्‍ह पशुयागु मूर्ति दय्‌कि धकाः फुक्‍कसितं उजं बिल।

प्रकाश 13:14 ပူးပေါင်းရင်းမြစ်များ

२ राजा 20:7

यशैयां थथे धाल, “यःमरिमाया मलम दय्‌कि।” इमिसं अथे हे यात। कइलय् मलम पानाबिल, अले व लन।

२ राजा 22:20

उकिं जिं छन्‍त छिमि पुर्खात थें सिनावनेबी, जिं छन्‍त याउँक थुने। थ्‍व थासय् जिं हयेगु विपत्ति छं स्‍वयेमाली मखु।’” अले इमिसं लिहां वयाः जुजुयात थ्‍व खबर बिल।

२ इतिहास 18:21

परमप्रभुं न्‍यनादिल, “गथे याना?” आत्‍मां लिसः बिल, “जि वनाः वया फुक्‍क अगमवक्तातय्‌त मखुगु खँ ल्‍हाकेबी।” परमप्रभुं धयादिल, “वयात धोंलायेत छ ताःलाइ। हुँ वनाः अथे हे या।”

अय्‍यूब 12:16

शक्ति व बुद्धि वय्‌कःयागु हे खः। धोखा ब्‍यूम्‍ह व धोखा नःम्‍ह निम्‍हं वय्‌कःयाम्‍ह खः।

प्रस्‍थान 7:11

अले फारोनं ग्‍यां दुपिं व जादु क्‍यनिपिं मनूतय्‌त सःतल। अले मिश्रया जादु क्‍यनिपिन्‍सं वयाः थथःगु जादुनं अथे हे यानाः क्‍यन।

यशैया 44:20

वं पत्‍याः याःगु चिज नउ स्‍वया अप्‍वः छुं मखु। वयागु मभिंगु बिचालं हे वयात मखुगु लँय् यंकूगु दु, वं थःम्‍हय्‌सित बचय् याये फइ मखु, न वं थथे धाये फइ, “छु जिं थःगु जव ल्‍हातय् कयातयागु चिज मखुपिं द्यःतय्‌गु मूर्ति मखु ला?”

इजकिएल 14:9

“‘अले उम्‍ह अगमवक्तायात लोभ क्‍यनाः अगमवाणी याकेब्‍यूगु दुसा, जि परमप्रभुं हे उम्‍ह अगमवक्तायात लोभ क्‍यनागु खः। जिं थःगु ल्‍हाः वयागु विरोधय् ल्‍ह्वने, अले जिगु प्रजा इस्राएलया दथुं वयात नाश यानाबी।

इजकिएल 16:17

जिं छन्‍त बियागु लुँ, वहःयागु छंगु बांबांलाःगु तिसातपाखें छं थःगु निंतिं मिजं मूर्तित दय्‌काः उपिंलिसे वेश्‍याया ज्‍या यात।

इजकिएल 8:10

उकिं जिं दुने वनाः स्‍वया। अन अंगःया प्‍यखें कियातःगु फुक्‍क कथंयापिं घिसय् जुया जुइपिं प्राणीत व घच्‍चाइपुपिं पशुत अले इस्राएलया घरानाया फुक्‍क मूर्तितय्‌गु किपा खना।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 13:15

न्‍हापांयाम्‍ह पशुयागु मूर्तियात नवाकेत सास तयाबीगु व वयात पुजा मयाःपिन्‍त स्‍यायेगु अधिकार व पशुयात बियातःगु दु।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 14:9

हानं वया ल्‍यूल्‍यू वःम्‍ह स्‍वम्‍हम्‍ह स्‍वर्गदूतं ततसलं थथे धाल – “सुनानं पशुयात व वयागु मूर्तियात पुजा याःसा, वयागु कपालय्, अथवा ल्‍हातय् चिं तयेका च्‍वंसा,

प्रकाश 15:2

अले जिं मि ल्‍वाकज्‍याःगु न्‍हाय्‌कंयागु समुद्र थें खना। पशु, वयागु मूर्ति व वयागु नांयागु ल्‍याःयात त्‍याकाः परमेश्‍वरं बियादीगु वीणा कयातःपिन्‍त जिं न्‍हाय्‌कंयागु समुद्रय् दनाच्‍वंगु खना।

प्रकाश 16:13

अले अजिङ्‌गर, पशु व फताहा अगमवक्तायागु म्‍हुतुं स्‍वम्‍ह ब्‍यांचा थें ज्‍याःपिं मभिंपिं आत्‍मात पिहां वःगु जिं खना।

प्रकाश 16:2

अले न्‍हापांम्‍ह स्‍वर्गदूतं वनाः थःगु ख्‍वल्‍चा पृथ्‍वीइ प्‍वंकल। थुकिं यानाः पशुयागु छाप दुपिं व पशुयागु मूर्ति पुजा याइपिं मनूतय्‌गु म्‍हय् घच्‍चाइपुगु व सह याये मफय्‌क स्‍याइगु कै वल।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।