प्रकाश 13:10 - नेवाः बाइबल

¹⁰ ज्‍वना यंके माःपिन्‍त ज्‍वना हे यंकी। तरवारं सीमाःपिं तरवारं हे सी। थुबलय् हे खः सकल विश्‍वासीतय्‌सं विश्‍वास मत्‍वःतुसे सह यानाच्‍वनेमाःगु।

प्रकाश 13:10 ပူးပေါင်းရင်းမြစ်များ

यशैया 14:2

यक्‍व जातितय्‌सं इस्राएलया घराना परमप्रभुं इमित बियादीगु देशय् लिहां वयेत ग्‍वाहालि याइ। अले पिने वःपिं मनूत इमिगु निंतिं च्‍यः जुयाः सेवा याइ। इस्राएलीतय्‌त ज्‍वनायंकूपिन्‍त इमिसं ज्‍वनाः कुनी। इस्राएलीतय्‌त मभिं यानाः क्‍वत्‍यलातःपिन्‍त इमिसं हे शासन याइ।

यशैया 26:21

परमप्रभु थः स्‍वर्गलोकं पृथ्‍वीइ च्‍वंपिं मनूतय्‌त इमिगु पापया निंतिं सजाँय बियादीत झायादीत्‍यंगु दु। पृथ्‍वीं थःके प्‍वंकूगु हि क्‍यनी, अले हत्‍या यानातःपिन्‍त सुचुका तइ मखु।

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यर्मिया 15:2

अले ‘जिपिं गन वनेगु?’ धकाः इमिसं छन्‍त न्‍यन धाःसा छं इमित थथे धा, ‘परमप्रभुं थथे धयादी- “‘सीगु लागि च्‍वयातःगु दुसा सीत वनेमा, तरवारं सीगु च्‍वयातःगु दुसा तरवारं सीत वनेमा अले अनिकालं सीगु च्‍वयातःगु दुसा अनिकालं सीत व ज्‍वनाः यंकिगु च्‍वयातःगु दुसा ज्‍वंकाः वनेमा।’”

यर्मिया 43:11

व वयाः मिश्र देशयात हमला याइ, अले सीगु लागि च्‍वयातःगु दुसा सित, कैदी जुयेगु च्‍वयातःगु दुसा कैदय् वनेत व तरवारं सीगु च्‍वयातःगु दुसा तरवारयात लःल्‍हाइ।

विलाप 3:26

सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

मत्ती 26:52

वय्‌कलं वयात धयादिल – “तरवार दापय् स्‍वथँ। तरवार ज्‍वनाजुइम्‍ह तरवारं हे सी।

मत्ती 7:2

छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

लूका 21:19

छिमिसं सह यानाच्‍वन धाःसा छिमित अनन्‍त जीवन दइ।”

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

हिब्रू 6:12

छिपिं अल्‍छी जूगु जिमित मयः, बरु दुनुगलंनिसें परमेश्‍वरयात विश्‍वास याःपिं मनूतय्‌सं थें वय्‌कलं बी धयादीगु कायेत कुतः या।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 14:12

परमेश्‍वरयागु आज्ञा मानय् याइपिं व येशू ख्रीष्‍टयात विश्‍वास याना मत्‍वःतूपिं विश्‍वासीतय्‌सं सह याः कि मयाः धकाः थुकिं हे सी दइ।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 17:11

“न्‍हापा दुम्‍ह, आः मदुम्‍ह पशु थ्‍व हे च्‍याम्‍हम्‍ह जुजु खः, थ्‍व न्‍हय्‌म्‍ह मध्‍ये छम्‍ह खः। थ्‍व नाश जुयावनी।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 2:19

“छिमिसं यानाच्‍वंगु ज्‍याखँ, जितः माया यानाच्‍वंगु, विश्‍वास यानाच्‍वंगु, सेवा यानाच्‍वंगु, अले सह यानाच्‍वंगु जिं स्‍यू। छिमिसं न्‍हापा न्‍हापा स्‍वयाः नं आः तसकं बांलाक ज्‍याखँ यानाच्‍वंगु दु धकाः जिं नं स्‍यू।

प्रकाश 2:2

“छिमिसं दुःख सियाः यानाच्‍वंगु ज्‍याखँ, अले सह याये फक्‍व सह यानाच्‍वंगु व मभिंपिं मनूतय्‌त छिमिसं दुनुगलंनिसें हे मयय्‌कूगु, व प्रेरित मखुसां प्रेरित खः धकाः धया जूपिन्‍त फताहा सावित यानाः क्‍यनाब्‍यूगु फुक्‍कं जिं स्‍यू।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।