प्रकाश 12:5 - नेवाः बाइबल

⁵ अले व मिसां जात जातियापिन्‍त नँयागु दण्‍डीं राज्‍य याइम्‍ह छम्‍ह मिजंमचायात बुइकल। व मिसां बुइकूम्‍ह मचा परमेश्‍वर च्‍वनादीथाय् वय्‌कःयागु सिंहासन दुथाय् बिसिके यंकल।

प्रकाश 12:5 ပူးပေါင်းရင်းမြစ်များ

यशैया 66:7

“मचाबू ब्‍यथा जुइ न्‍ह्यः हे वं मचा बुइकी, मचाबू ब्‍यथाया सास्‍ती जुइ न्‍ह्यः हे वं छम्‍ह काय् बुइकी।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 31:22

हे विश्‍वास यायेबहः मजूम्‍ह म्‍ह्याय्, छ गुबलय् तक थुखे उखे चाःहिलाजुयेगु? परमप्रभुयागु छगू न्‍हूगु सृष्‍टि पृथ्‍वीइ खने दइ। छम्‍ह मिसां छम्‍ह मिजंयात रक्षा याइ।”

मीका 5:3

अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।

मत्ती 1:25

अय्‌नं मचा मबुतले मरियम नाप मद्यं। अले मचा बुइधुंकाः योसेफं वयागु नां येशू तल।

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

२ कोरिन्‍थी 12:2

झिंप्‍यदँ न्‍ह्यः छम्‍ह विश्‍वासीयात ज्‍वनाः स्‍वंगूगु स्‍वर्गय् थत यंकल, व मनूयात जिं म्‍हस्‍यू। थथे वयात म्‍हनापं यंकल कि म्‍ह मदय्‌क व जिं मस्‍यू, परमेश्‍वरं जक स्‍यू।

२ कोरिन्‍थी 12:4

स्‍वर्गय् वं धयां मब्‍यागु खँ ताल, गुगु मनूतय्‌गु म्‍हुतुं धाये हे मज्‍यू।

प्रकाश 11:12

अले इमिसं स्‍वर्गं थथे धयाहःगु सः ताल – “थन थाहां वा।” इमि शत्रुतय्‌सं खंक खंक हे इपिं सुपाँचय् च्‍वनाः स्‍वर्गय् थाहां वन।

प्रकाश 12:13

थथे पृथ्‍वीइ वान्‍छ्वया हःगुलिं अजिङ्गरं मचा बुइकूम्‍ह मिसायात लिनाजुल।

प्रकाश 12:2

व मिसा प्‍वाथय् दुम्‍ह जूगुलिं मचाबुइगु ब्‍यथा सह याये मफयाः तसकं हाला च्‍वंगु खः।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।