प्रकाश 12:3 - नेवाः बाइबल

³ हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 12:3 ပူးပေါင်းရင်းမြစ်များ

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यशैया 9:15

थकालिपिं व हनेबहःपिं मनूत छ्यं खः, अले मखुगु खँ स्‍यनीपिं अगमवक्तात न्‍हिप्‍यं खः।

दानिएल 2:41

छःपिन्‍सं तुति व तुतिपतिं चा व नँयागु खनादीगु थें व साम्राज्‍य कुचा दली। अय्‌नं छःपिन्‍सं नँ व चा ल्‍वाकःबुकः जूगु खनादीगु थें उकी नँयागु छुं बल दइ।

दानिएल 2:42

उपिं तुतिपतिं छब्‍व नँयागु व छब्‍व चायागु जूगु थें व साम्राज्‍य छुं बल्‍लाःगु व छुं बमलाःगु जुइ।

दानिएल 7:20

वयागु छेनय् दुगु झिपु नेकू व अनं पिहां वःगु मेगु नेकूया खँ थुइके मास्‍ति वल। अले न्‍हापायागु स्‍वपु नेकू पुया ब्‍यूगु खँ छु जुल धकाः नं सीकेमास्‍ति वल। थ्‍व हे मेगु फुक्‍क नेकू स्‍वयाः ग्‍यानापुस्‍से च्‍वंगु नेकुलिइ मिखा व तःधंछुयाः न्‍ववाइगु म्‍हुतु दु।

दानिएल 7:24

उपिं झिपु नेकूया अर्थ व राज्‍यं वइपिं झिंम्‍ह जुजुपिं खः। इपिं लिपा मेम्‍ह छम्‍ह जुजु वइ। व न्‍हापायापिं जुजुपिं स्‍वयाः पाइ, वं उपिं स्‍वम्‍ह जुजुपिन्‍त बुकी।

प्रकाश 12:1

अनंलि स्‍वर्गय् तसकं तःधंगु छगू चिं खनेदत। अन सूर्ययागु वसः पुनातःम्‍ह, तिमिलाया च्‍वय् तुति तयातःम्‍ह, झिंनिगः नगुयागु श्रीपेच पुया तःम्‍ह छम्‍ह मिसायात जिं खना।

प्रकाश 12:13

थथे पृथ्‍वीइ वान्‍छ्वया हःगुलिं अजिङ्गरं मचा बुइकूम्‍ह मिसायात लिनाजुल।

प्रकाश 12:17

अले व मिसा खनाः झन तसकं तंम्‍वल। उकिं वया सन्‍तान, परमेश्‍वरयागु आज्ञा मानय् यानाच्‍वंपिं व येशूयागु वचन सत्‍य खः धकाः धाइपिं नाप ल्‍वायेत अजिङ्गर वन।

प्रकाश 12:4

वयागु न्‍हिप्‍यनं आकाशय् स्‍वब्‍वय् छब्‍व नगुयात बँ पुइ थें पुयाः पृथ्‍वीइ कुर्का हल। व अजिङ्गर बुइत्‍यंम्‍ह मचायात नयेत प्‍वाथय् दुम्‍ह मिसाया न्‍ह्यःने पिवाः च्‍वनाच्‍वन।

प्रकाश 12:7

अनं लिपा स्‍वर्गय् लडाइँ जुल। मिखाएल धाःम्‍ह स्‍वर्गदूत व वया दूतत, अजिङ्गर व वया दूतत नाप ल्‍वात।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 13:2

व पशु चितुवा थें च्‍वं। वयागु तुति भालुयागु, म्‍हुतु सिंहयागु थें च्‍वं। अले वयात हे अजिङ्गरं थःगु शक्ति, थःगु सिंहासन व तःधंगु अधिकार बिल।

प्रकाश 13:4

सकलें मनूतय्‌सं अजिङ्गरयात पुजा याइगु खः। अले व अजिङ्गरं थःगु अधिकार पशुयात बिल। अथे जुयाः मनूतय्‌सं थथे धयाः पशुयात नं पुजा यात – “थ्‍व पशु थें ज्‍याःम्‍ह सु दु? थ्‍व पशुनाप सु ल्‍वाये फइ?”

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 16:13

अले अजिङ्‌गर, पशु व फताहा अगमवक्तायागु म्‍हुतुं स्‍वम्‍ह ब्‍यांचा थें ज्‍याःपिं मभिंपिं आत्‍मात पिहां वःगु जिं खना।

प्रकाश 17:12

छं खंगु झिपु नेकूयागु अर्थ आः तक जुजु मजूनिपिं झिम्‍ह जुजुपिं खः। अय्‌नं व पशुनाप नाप तुं इपिं छुं ई तक जक जूसां जुजु जुइतिनि।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।

प्रकाश 17:7

अले स्‍वर्गदूतं जितः धाल – “छाय् छक्‍क जुया? व मिसायागु गुप्‍त खँ जिं छन्‍त कने। व मिसां गया च्‍वंम्‍हय्‌सिके दुगु न्‍हय्‌गः छ्यं व झिपु नेकू दुम्‍ह पशुयागु अर्थ नं कनाबी।

प्रकाश 19:12

वय्‌कःयागु मिखा मित्‍याः थें च्‍वं। वय्‌कःयागु छेनय् यक्‍व हे श्रीपेच दु। वय्‌कःयागु म्‍हय् च्‍वयातःगु नां सुनानं हे मस्‍यू, वय्‌कलं जक स्‍यू।

प्रकाश 20:2

अजिङ्‌गर धाःसां ज्‍यूम्‍ह, पुलांम्‍ह सर्प धाःसां ज्‍यूम्‍ह, दुष्‍ट व शैतान धाःसां ज्‍यूम्‍हय्‌सित व स्‍वर्गदूतं ज्‍वनाः द्वःछि दँ तक चिनातल।