प्रकाश 12:10 - नेवाः बाइबल

¹⁰ अले स्‍वर्गपाखें थथे धयाहःगु छगू तस्‍सःगु सः जिं ताया – “आः परमेश्‍वरं झीत उद्धार यानादी। परमेश्‍वरं अधिकार क्‍यनाः ख्रीष्‍टयात राज्‍य याकादिल। चान्‍हिं झी परमेश्‍वरया न्‍ह्यःने झी दाजुकिजापिनिगु विरोध यानाः दोष बीत स्‍वइम्‍हय्‌सित क्‍वफाना हये धुंकल।

प्रकाश 12:10 ပူးပေါင်းရင်းမြစ်များ

१ इतिहास 29:11

हे परमप्रभु! महिमा, शक्ति, गौरव व वैभव छिगु हे खः, छाय्‌धाःसा आकाश व पृथ्‍वीइ छु छु दु व फुक्‍क छिगु हे खः। हे परमप्रभु! राज्‍य छिगु हे खः, अले छि फुक्‍कसिया शासक खः।

अय्‍यूब 1:11

तर थःगु ल्‍हाः ताहाकः यानाः वयाके दुगु फुक्‍क धन-सम्‍पत्ति लाकाकयादिसँ सा, वं छितः छिगु ख्‍वाःया न्‍ह्यःने हे सराः बी।

अय्‍यूब 1:9

शैतानं लिसः बिल, “छु अय्‍यूबं परमेश्‍वरया भय अथें काःगु खः ला?”

अय्‍यूब 2:5

थःगु ल्‍हाः ताहाः यानाः वयागु म्‍हय् घाःपाः यानादिसँ सा, वं छिगु न्‍ह्यःने हे छितः सराः बी।”

भजनसंग्रहया सफू 22:28

परमप्रभु जुजु खः। वय्‌कलं फुक्‍क जातियापिन्‍त शासन याइ।

भजनसंग्रहया सफू 45:6

हे परमेश्‍वर, छिगु राज्‍य न्‍ह्याबलें दयाच्‍वनी। छिं थः मनूतय्‌त न्‍याय यानाः राज्‍य यानादी।

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

मत्ती 26:64

वय्‌कलं लिसः बियादिल – “छिं थःम्‍हं हे धयादिल। अय्‌नं जिं छिकपिन्‍त धाये – आवंनिसें छिकपिन्‍सं मनूया काय्‌यात परमेश्‍वरया जव ल्‍हाःपाखे च्‍वनाच्‍वंगु व सुपाँचय् वयाच्‍वंगु खनी।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

मत्ती 6:10

छिगु राज्‍य वयेमा, छिगु इच्‍छा स्‍वर्गय् थें हे, थ्‍व पृथ्‍वीइ नं पूवनेमा।

लूका 11:2

अले वय्‌कलं इमित धयादिल – “छिमिसं थुकथं प्रार्थना या – “‘परमेश्‍वर बाः छिगु नां तःधना च्‍वनेमा। छिगु राज्‍य वयेमा।

लूका 22:31

“सिमोन, सिमोन न्‍यँ, शैतानं छिमित छ्व हाये थें हायेत उजं काये धुंकल।

१ कोरिन्‍थी 5:4

छिपिं विश्‍वासीत फुक्‍कं छथाय् मुनीबलय् जिगु आत्‍मा नं छिपिंनाप हे दइ। झी प्रभु येशूं झीत बियादीगु शक्तिं

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 2:26

“लिपा तकं जिं धाःथे यानाच्‍वंम्‍हय्‌सित व त्‍याइम्‍हय्‌सित जात जातियापिन्‍त शासन याकेबी।

प्रकाश 7:10

इपिं थुकथं ततःसलं हाल – “सिंहासनय् फ्‍यतुनादीम्‍ह झी परमेश्‍वरयाके व चीधिकःम्‍ह भ्‍याःचायाके हे जक मनूतय्‌त उद्धार यायेगु अधिकार दु।”