प्रकाश 12:1 - नेवाः बाइबल

¹ अनंलि स्‍वर्गय् तसकं तःधंगु छगू चिं खनेदत। अन सूर्ययागु वसः पुनातःम्‍ह, तिमिलाया च्‍वय् तुति तयातःम्‍ह, झिंनिगः नगुयागु श्रीपेच पुया तःम्‍ह छम्‍ह मिसायात जिं खना।

प्रकाश 12:1 ပူးပေါင်းရင်းမြစ်များ

२ इतिहास 32:31

तर बेबिलोनयापिं शासकतय्‌सं छ्वयाहःपिं दूतत देशय् खनेदुगु अजू चायापुगु चिंया बारे न्‍यंवःबलय् परमेश्‍वरं वयात जाँच यायेत व वयागु मनय् च्‍वंगु फुक्‍क खँ क्‍यनेत वयात त्‍वःतादिल।

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

श्रेष्‍ठगीत 6:10

सुथय् निभाः लुया वः थें ज्‍याःम्‍ह थ्‍व सु खः? अले तिमिला थें तसकं बांलाःम्‍ह व सूर्य थें जः दुम्‍ह, नगुतय्‌सं जाःगु आकाश थें प्रतापी थ्‍व सु खः?

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 62:3

छ परमप्रभुया ल्‍हातय् गौरवया मुकुट व छ परमेश्‍वरया ल्‍हातय् छगू जुजुया श्रीपेच जुइ।

जकरिया 9:16

उखुन्‍हु परमप्रभु इमि परमेश्‍वरं थः मनूतय्‌त फैजवाःतय्‌सं फैच्‍वलय्‌या बथांयात बचय् याःथें बचय् यानादी, श्रीपेचया मणि थें इपिं वय्‌कःया देशय् थी।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 12:38

अले गुम्‍हं गुम्‍हं शास्‍त्रीत व फरिसीतय्‌सं जानाः येशूयात धाल – “अय्‌सा गुरुजु, जिमित अजू चायापुगु चिं छकः यानाः क्‍यनादिसँ रे।”

मत्ती 24:30

“थुलि जुइ धुंकाः आकाशय् मनूया काय् वइगु चिं खने दइ। अले मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी। थ्‍व खनाः संसारय् च्‍वंपिं फुक्‍क कुलयापिं मनूत ह्वाँय्‌ह्वाँय् ख्‍वइ।

मर्कूस 13:25

आकाशय् च्‍वंगु नगु कुतुं वनी। अले आकाशय् च्‍वंगु शक्ति खाइ।’

लूका 21:11

थाय् थासय् ततःधंक भ्‍वखाय् ब्‍वइ, थाय् थासय् अनिकाल जुइ, यक्‍व ल्‍वचं थी, अबलय् आकाशय् तसकं ततःधंगु व ग्‍यानापुगु चिं खने दइ।

लूका 21:25

“अले सूर्यलय्, तिमिलाय् व नगुलय् चिं खने दइ। समुद्रयागु सलं व लःद्वम्‍बलं यानाः पृथ्‍वीइ च्‍वंपिं फुक्‍क जातयापिं मनूत ग्‍यानाः आछु-आछु कनी।

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

प्रेरित 2:19

अले आकाशय् व पृथ्‍वीइ जिं अजू चायापुगु ज्‍या व चिं क्‍यने। अन हि, मि, कुँत्‍याः खने दइ।

रोमी 13:14

थथे मयासें बरु न्‍ह्यागु याःसां प्रभु येशू ख्रीष्‍टयात यय्‌क जक याना च्‍वँ। थः यःथें जक याना जुइ मते।

रोमी 3:22

येशू ख्रीष्‍टयात विश्‍वास याक्‍वसित परमेश्‍वरं धर्मी ठहरय् यानादी, छाय्‌धाःसा वय्‌कलं यहूदी व यहूदीमखुपिं धकाः पाकादी मखु।

२ कोरिन्‍थी 11:2

परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।

गलाती 3:27

ख्रीष्‍टयात विश्‍वास यानाः बप्‍तिस्‍मा कयाः वय्‌कः नाप मिलय् जूपिं सकसिनं पहःचहः न्‍हूगु वसः थें पुंगु दु।

गलाती 4:26

सारा धाःसा परमेश्‍वरं चिनातःगु बाचा थें खः। सारा न्‍यानातःम्‍ह भ्‍वातिं मखु, व स्‍वर्गयागु यरूशलेम थें खः। अले झीपिं वया सन्‍तान जुल।

गलाती 6:14

जिं ला मेगु खँय् मखु, बरु येशू ख्रीष्‍ट क्रूसय् सिनादीगु खँय् जक छ्यं धस्‍वाका। वय्‌कः क्रूसय् सिनादीगुलिं जिगु निंतिं संसार सी धुंकल, अले संसारयागु निंतिं जि सी धुन।

एफिसी 5:32

थ्‍व छगू तःधंगु गुप्‍ति खँ खः। अय्‌नं जिं छिमित ख्रीष्‍ट व मण्‍डलीया बारे खँ ल्‍हाना च्‍वनागु दु।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 21:14

शहरया पःखाःयागु जग झिंनिथाय् दु। उकी द्यःने चीधिकःम्‍ह भ्‍याःचाया झिंनिम्‍ह प्रेरिततय्‌गु नां च्‍वयातःगु दु।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।