प्रकाश 11:6 - नेवाः बाइबल

⁶ इमिके अगमवाणी कनाच्‍वंगु इलय् वा मवय्‌मा धकाः आकाश हे तिनाबीगु शक्ति दु, हानं लःयात हि यानाबीगु शक्ति नं दु। इमित यःबलय् पृथ्‍वीइ न्‍ह्याथें ज्‍याःगु ल्‍वय् हयेगु अधिकार नं इमिके दु।

प्रकाश 11:6 ပူးပေါင်းရင်းမြစ်များ

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

लूका 4:25

“अय्‌नं जिं छिकपिन्‍त धात्‍थें जूगु खँ कने, न्‍यनादिसँ – एलिया दुबलय् इस्राएलय् यक्‍व यक्‍व हे भाःत मदुपिं मिसात दु। अबलय् छकः स्‍वदँ व खुलातक वा मवःगुलिं इस्राएलय् दक्‍वभनं हे अनिकाल जुल।

प्रकाश 11:3

अले जिं जिमि निम्‍ह साक्षी बीपिन्‍त भांग्रायागु वसतं पुंकाः द्वःछि व निसः व खुइन्‍हु तक अगमवाणी कनेगु शक्ति बी।”

प्रकाश 16:3

निम्‍हम्‍ह स्‍वर्गदूतं थःगु ख्‍वल्‍चा समुद्रय् प्‍वंकाबिल। अले व समुद्रयागु लः सीम्‍ह मनूयागु हि थें जुयाः समुद्रय् च्‍वंपिं प्राणीत फुक्‍कं सित।

प्रकाश 16:4

स्‍वम्‍हम्‍ह स्‍वर्गदूतं थःगु ख्‍वल्‍चा खुसि व बुंगाःचाय् प्‍वंकल। अले फुक्‍क लः हि जुल।

प्रकाश 8:8

निम्‍हम्‍ह स्‍वर्गदूतं थःगु तुरही पुल। अले दनदन मि च्‍यानाच्‍वंगु पहाड थें ज्‍याःगु छुं छगू समुद्रय् वान्‍छ्वया हल। स्‍वब्‍वय् छब्‍व समुद्र हि जुल।

१ शमूएल 4:8

आः झीगु भिं जुइ मखुत! सुनां झीत उपिं दकलय् तःधंपिं द्यःतपाखें बचय् याइ? मिश्रीतय्‌त थीथी कथंया महामारी हयाः मरुभूमिइ नाश याःपिं थुपिं हे द्यःत खः।