प्रकाश 11:5 - नेवाः बाइबल

⁵ सुनानं इमित सास्‍ती यायेत वल धाःसा इमिगु म्‍हुतुं मि पिहां वयाः इमि शत्रुतय्‌त नाश यानाबी। सुं मनू इमित स्‍यंकेत वल धाःसा वयात नं अथे हे यानाः स्‍यानाबी।

प्रकाश 11:5 ပူးပေါင်းရင်းမြစ်များ

भजनसंग्रहया सफू 18:8

वय्‌कःया न्‍हाय्‌प्‍वालं कुँत्‍याः पिहां वल। वय्‌कःया म्‍हुतुप्‍वालं भस्‍म याइगु मित्‍याः व च्‍यानाच्‍वंगु कोइला पिहां वल।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 5:14

अथे जुयाः दक्‍व शक्ति दुम्‍ह परमप्रभु परमेश्‍वरं थथे धयादी, “मनूतय्‌सं थज्‍याःगु खँ धयाच्‍वंगुलिं जिं थःम्‍हं हे थःगु वचन छंगु म्‍हुतुइ मि, अले थुपिं मनूतय्‌त भस्‍म जुइगु सिँ दय्‌काबी।”

इजकिएल 43:3

थ्‍व दर्शन वय्‌कः शहरयात नाश यायेत झाःबलय् जिं खनागु दर्शन व कबार खुसिया सिथय् जिं खनागु दर्शन थें च्‍वं, अले जि बँय् भ्‍वसुला।

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

प्रकाश 13:13

थ्‍व मनूतय्‌सं खंक खंक हे आकाशं पृथ्‍वीइ मि गाय्‌केगु थें ज्‍याःगु तसकं हे अजू चायापुगु चिं यानाक्‍यन।

प्रकाश 9:17

जिं दर्शनय् सल व सल गया च्‍वंपिं खना। सल गया च्‍वंपिनिगु छातिइ नँयागु पातां चिनातःगु दु। थुकियागु रंग मि थें ह्याउँसे, निलम थें वँचुसे व गन्‍धक थें म्‍हासुसे च्‍वं। सलतय्‌गु छ्यं सिंहतय्‌गु थें च्‍वं। इमिगु म्‍हुतुं मि, कुँ, व गन्‍धक पिहां वयाच्‍वंगु दु।