प्रकाश 11:2 - नेवाः बाइबल

² देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 11:2 ပူးပေါင်းရင်းမြစ်များ

भजनसंग्रहया सफू 79:1

हे परमेश्‍वर, पिनें वःपिन्‍सं छिगु सर्बय त्‍याका काल। इमिसं छिगु पवित्र देगःयात अशुद्ध यानाबिल। इमिसं यरूशलेमयात नाश यानाथकल।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 5:5

स्‍व, जिं जिगु दाखक्‍यबयात छु याये, व जिं छिमित धाये – जिं उकिया बाःर चीकाछ्वये, उकियात नाश जुइके बी, जिं उकिया पःखाः थुनाबी, गुँपशुतय्‌त व न्‍हुत्तुमत्तु न्‍हुकेबी।

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

इजकिएल 4:6

“उपिं सजाँयया दिं पूरा जुइ धुंकाः हाकनं छ जव स्‍वयाः ग्‍वतु! अले छं यहूदाया घरानाया पाप भोगे या! जिं छगू दँया लागि छन्‍हु यानाः पिइन्‍हु क्‍वःछिनागु दु।

इजकिएल 42:20

थुकथं वं व थाय्‌या प्‍यखें पाखेया सिमाना नापे यात। उकिया छचाःखेरं पवित्र थाय्‌यात साधारण थासं अलग यायेत छगू पःखाः दु। व २६५ मिटर ताहाकः अले २६५ मिटर तब्‍या।

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

दानिएल 7:19

“अले जितः व मेपिं स्‍वयाः पाःम्‍ह तसकं ग्‍यानापुसे च्‍वंम्‍ह प्‍यम्‍हम्‍ह जन्‍तुया अर्थ सीकेमास्‍ति वल। वयागु नँया वा व कँय्‌यागु लुसिं शिकारयात कुचा कुचा याइगु अले नइगु, ल्‍यं दुगुयात धाःसा तुतिं न्‍हुत्तुन्‍हुइगु।

दानिएल 7:25

वं दक्‍वसिबय् तःधंम्‍ह परमेश्‍वरयागु विरोधय् खँ ल्‍हाइ, अले परमेश्‍वरया पवित्र मनूतय्‌त क्‍वत्‍यला तइ। वं धार्मिक नियम व नखःचखः हिलेत स्‍वइ। अले पवित्र मनूतय्‌त वयागु ल्‍हातय् छगू काल, निगू काल व बच्‍छि कालया निंतिं लःल्‍हानाबी।

दानिएल 8:10

व थुलि बल्‍लात कि वं स्‍वर्गया सेना व नगुतय्‌त हमला यात। अले नगुयात पृथ्‍वीइ क्‍वफानाः तुतिं न्‍हुत्तुन्‍हुल।

दानिएल 8:13

अले जिं छम्‍ह स्‍वर्गदूत न्‍ववाःगु ताया। हानं मेम्‍ह छम्‍ह स्‍वर्गदूतं न्‍हापा न्‍ववाःम्‍हय्‌सित न्‍यन, “थ्‍व दर्शनय् खनेदुगु खँ गबले तक जुयाच्‍वनी? न्‍हियान्‍हिथंया देछाया पलेसा गबले तक घच्‍चाय्‌पुगु पाप जुयाच्‍वनी? देगः व स्‍वर्गया सेनायात न्‍हुत्तुन्‍हुइगु ज्‍या गबले तक जुयाच्‍वनी।”

दानिएल 8:14

अले वं जितः धाल, “निइस्‍वसः (२,३००) बहनि व सुथ तक! अनंलि पवित्र थाय्‌यात हाकनं शुद्ध याइ।”

गन्‍ती 14:34

छिमिसं व देशय् चिवा कायेत पिइन्‍हु बिकूगु खः। उकिं छन्‍हुया दच्‍छि ल्‍याखं पिइदँ तक छिमिसं थःगु पापया सजाँय फयेमाली। थुकथं छिमिसं जिगु विरोध छु खः धकाः सी।’

मत्ती 27:53

येशू सिनाः म्‍वाना वये धुंकाः इपिं थःपिन्‍त थुनातःगु थासं दनाः पवित्रगु शहरय् वन। अले यक्‍व हे मनूतय्‌थाय् खनेदय्‌कः वन।

मत्ती 4:5

शैतानं हानं वय्‌कःयात पवित्रगु शहरय् यंकल, अले देगः च्‍वकाय् यंकाः थथे धाल –

मत्ती 5:13

“छिपिं पृथ्‍वीया चि खः। चिया सवाः हे तन धाःसा थ्‍व चियात गथे यानाः हानं चि सवाः वय्‌केगु? थथे सवाः तने धुंकूगु चि छुकियात नं ज्‍यालगय् मजू, उकिं थज्‍याःगु चियात मनूतय्‌सं वांछ्वइ, अले न्‍हुया जुइ।

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

प्रकाश 11:11

स्‍वन्‍हु व बान्‍हु दये धुंकाः परमेश्‍वरं छ्वयाहयादीगु हंस इमिके दुहां वन। अले इपिं तुतिं चुयाः जुरुक्‍क दन। इमित खंपिं फुक्‍कं तसकं ग्‍यात।

प्रकाश 11:3

अले जिं जिमि निम्‍ह साक्षी बीपिन्‍त भांग्रायागु वसतं पुंकाः द्वःछि व निसः व खुइन्‍हु तक अगमवाणी कनेगु शक्ति बी।”

प्रकाश 12:6

अले व मिसा मरुभूमिइ परमेश्‍वरं दय्‌का तयादीगु थासय् बिस्‍युं वन। अन हे व मिसायात द्वःछि व निसः व खुइन्‍हु तक लहिना तयादिल।

प्रकाश 21:10

जि आत्‍मां जाल, अले स्‍वर्गदूतं जितः तःधंगु तःजाःगु पर्वतय् यंकाः परमेश्‍वरदीगु स्‍वर्गं क्‍वहां वयाच्‍वंगु पवित्रगु शहर यरूशलेम क्‍यन।

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।