प्रकाश 10:9 - नेवाः बाइबल

⁹ अले जिं वनाः “व चिथुगु भ्‍वं जितः बियादिसँ” धकाः व स्‍वर्गदूतयात धया। अले वं जितः थथे धाल – “का, थ्‍व न। थ्‍व नयेबलय् प्‍वाथय् तसकं खाइसे च्‍वनी, म्‍हुतुइ धाःसा कस्‍ति थें चाकुसे च्‍वनी।”

प्रकाश 10:9 ပူးပေါင်းရင်းမြစ်များ

अय्‍यूब 23:12

वय्‌कःया म्‍हुतुं पिहां वःगु आज्ञायात जिं ‘म्‍हां’ मधया। जिगु न्‍हियान्‍हिथंया नसा स्‍वयाः वय्‌कलं धयादीगु खँ जिं नुगलय् मुंकातःयागु दु।

यर्मिया 15:16

छिगु वचन वःबलय् जिं उपिं वचन नया। छिगु वचनं यानाः जितः न्‍ह्यइपुल, अले जिगु नुगलय् लसतां भय्‌बिल। हे दक्‍व शक्ति दुम्‍ह परमप्रभु परमेश्‍वर, मनूतय्‌सं जितः छिकपिनि मनू धाइगु।

इजकिएल 2:8

तर छं धाःसा, अय् सीमानिम्‍ह मनू, जिं छन्‍त छु धाये, व खँ बांलाक न्‍यँ! व विद्रोही घराना थें छ विद्रोही जुइ मते, छंगु म्‍हुतु चाय्‌कि, जिं छु बी व न!”

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

कलस्‍सी 3:6

थज्‍याःगु खं यानाः हे परमेश्‍वरं धाःथें मयाइपिन्‍सं वय्‌कःयागु तं फयेमाली।

प्रकाश 10:10

अले स्‍वर्गदूतयागु ल्‍हातिइ च्‍वंगु चिथुगु भ्‍वं कयाः जिं नयाबिया। नयाबलय् म्‍हुतुइ कस्‍ति थें चाकुसे च्‍वन, अले प्‍वाथय् थ्‍यंबलय् तसकं हे खाइसे च्‍वना वल।