प्रकाश 10:5 - नेवाः बाइबल

⁵ बँय् व समुद्रय् तुतिं चुयाः दनाच्‍वंम्‍ह स्‍वर्गदूतं थःगु ल्‍हाः स्‍वर्गय् ल्‍ह्वनाः

प्रकाश 10:5 ပူးပေါင်းရင်းမြစ်များ

उत्‍पत्ति 14:22

अब्रामं सदोमया जुजुयात लिसः बिल, “स्‍वर्ग व पृथ्‍वी दय्‌कूम्‍ह दक्‍वसिबय् तःधंम्‍ह परमेश्‍वरयात जिं बचं बियागु दु,

नहेम्‍याह 9:6

छि जक परमप्रभु खः। छिं हे आकाश, दकलय् तःजाःगु आकाश व उकियागु दक्‍व नगुत, पृथ्‍वी व उकी दुगु फुक्‍क, समुद्र व उकी दुगु फुक्‍क दय्‌कादिल। छिं हे उपिं फुक्‍कयात जीवन बियादी। अले स्‍वर्गया सेनां छितः आराधना याइ।

भजनसंग्रहया सफू 146:5

धन्‍य खः व मनू, गुम्‍हय्‌सिया ग्‍वाहालि याकूबया परमेश्‍वर खः, गुम्‍हय्‌सिनं परमप्रभु परमेश्‍वरयागु भलसा काइ।

प्रस्‍थान 20:11

खुन्‍हु तक परमप्रभुं आकाश व पृथ्‍वी, समुद्र व उकी दुगु फुक्‍कं दय्‌कादिल। अले न्‍हय्‌न्‍हु खुन्‍हु आराम कयादिल। उकिं परमप्रभुं विश्रामबारयात आशिष बियाः उकियात पवित्र यानादिल।

प्रस्‍थान 6:8

अले जिं छिमित अब्राहाम, इसहाक व याकूबयात बी धकाः बाचा यानागु देशय् हये। जिं व देश छिमित अधिकार यायेत बी। जि परमप्रभु खः।’”

इजकिएल 20:15

हाकनं जिं इमित बियागु मरुभूमिइ “दुरु व कस्‍ति बाः वयाच्‍वंगु अले फुक्‍क देशत स्‍वयाः बांलाःगु देशय् जिं इमित हये मखु” धकाः इपिंलिसें पाफया,

इजकिएल 20:23

हाकनं मरुभूमिइ जिं इपिंलिसें, “जिं इमित जाति जातियापिं मनूतय्‌गु दथुइ छ्यालब्‍याल यानाबी, अले देश देशय् छिमित छ्यालब्‍याल यानाबी” धकाः पाफया,

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 20:42

जिं थःगु ल्‍हाः ल्‍ह्वनाः छिमित बी धकाः छिमि पुर्खातलिसे पाफयागु इस्राएल देशय् हयेबलय् छिमिसं जि हे परमप्रभु खः धकाः सी।

इजकिएल 20:5

अले इमित धा, ‘परमप्रभु परमेश्‍वरं थथे धयादी – गुखुन्‍हु जिं इस्राएलयात ल्‍यया, जिं थःगु ल्‍हाः ल्‍ह्वनाः याकूबया घरानालिसें पाफया, अले मिश्र देशय् जि इमिगु न्‍ह्यःने खनेदय्‌क वया अले पाफयाः जिं इमित “जि परमप्रभु छिमि परमेश्‍वर खः” धकाः धया।

इजकिएल 36:7

उकिं परमप्रभु परमेश्‍वरं थथे धयादी – छिमि प्‍यखेरं च्‍वंगु जातितय्‌सं नं बदनामी सह याये माली। जिगु ल्‍हाः ल्‍ह्वनाः जिं थथे धकाः पाफये।

इजकिएल 47:14

छिमिसं इमित बराबर यानाः इनाब्‍यु। थ्‍व छिमि पुर्खातय्‌त बी धकाः ल्‍हाः ल्‍ह्वनाः पाफयागुलिं थ्‍व देश छिमिगु सर्बय जुइ।

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 17:23

छाय्‌धाःसा जिं चाःहुलाः छिकपिनि पुजा याइथाय् स्‍वः वनाबलय् अन छथाय् थथे धकाः आखः कियातःगु खना – ‘म्‍हमस्‍यूम्‍ह द्यःयात।’ छिकपिन्‍सं म्‍हमसीकं पुजा याना च्‍वंम्‍हय्‌सिगु हे खँ जिं न्‍यंकाच्‍वनागु खः।

रोमी 1:20

सृष्‍टिंनिसें परमेश्‍वरयागु खने मदुगु स्‍वभाव, वय्‌कःयाके सदां दयाच्‍वनीगु शक्ति, व दयेमाःगु गुण, वय्‌कःयागु सृष्‍टिं बांलाक हे सी दु। अय्‌जूगुलिं इमिसं त्‍वहः तयेथाय् मदु।

व्‍यवस्‍था 32:40

जिं थःगु ल्‍हाः स्‍वर्गपाखे ल्‍ह्वनाः धाये, जिं न्‍ह्याबलेंयात म्‍वाः थें।

हिब्रू 6:13

परमेश्‍वरं अब्राहामयात बचं बियादीबलय् थः स्‍वयाः तःधंम्‍ह सुं हे मदुगुलिं थःगु हे नामं थथे पाफयादिल –

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

प्रकाश 10:2

वयागु ल्‍हातिइ चिथुगु भ्‍वं छथू फ्‍यना तःगु दु। वं थःगु जव तुतिं समुद्रय् व खव तुतिं बँय् चुल।

प्रकाश 14:7

वं ततसलं थथे धाल – “परमेश्‍वर खनाः ग्‍या। वय्‌कःयात तःधंकि। वय्‌कलं मनूतय्‌त न्‍याय याइगु ई वये धुंकल। स्‍वर्ग, पृथ्‍वी, समुद्र व लःयागु बुंगाः सृष्‍टि यानादीम्‍हय्‌सित आराधना या।”

प्रकाश 16:17

न्‍हय्‌म्‍हम्‍ह स्‍वर्गदूतं थःगु ख्‍वल्‍चा फसय् प्‍वंकल। परमेश्‍वरया देगःया सिंहासनं थथे धकाः तसलं धयाहल – “आः सिधल।”

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”

प्रकाश 4:9

सिंहासनय् फ्‍यतुनादीम्‍ह न्‍ह्याबलें म्‍वाना च्‍वनीम्‍हय्‌सिगु महिमा, हनाबना व सुभाय्‌या म्‍ये इपिं जीवात्‍मातय्‌सं हालाच्‍वन।