प्रकाश 10:4 - नेवाः बाइबल

⁴ थथे न्‍हय्‌कः नँ न्‍याये थें सः वये धुंकाः जिं च्‍वय् त्‍यनाबलय् स्‍वर्गं थथे धयाहःगु सः ताल – “न्‍हय्‌कः नँ न्‍याः थें वःगु सःयागु खँ सुयातं कने मते, अले च्‍वये नं मते।”

प्रकाश 10:4 ပူးပေါင်းရင်းမြစ်များ

यशैया 29:11

छिमिगु निंतिं थ्‍व दर्शन छाप तयाः चिनातःगु सफूया थूपतिकं च्‍वयातःगु खँग्‍वःत जक खः। अनंलि छिमिसं ब्‍वने फुम्‍ह सुं छम्‍हय्‌सित सफूया थूयाः पौलय् थथे धकाः बिल, “इनाप याये, थ्‍व ब्‍वनादिसँ,” वं लिसः बियाः धाइ, “मखु, जिं थ्‍व ब्‍वने मफु, थुकी छाप तयाः तिनातःगु दु।”

यशैया 8:1

परमप्रभुं जितः धयादिल, “तःपागु ग्‍वरः छपा का अले उकी हंचां कियाः ‘महेर-शालल-हाज-बज’ धकाः च्‍व।”

यशैया 8:16

थ्‍व साक्षी चिनाब्‍यु अले परमेश्‍वरं थ्‍व स्‍यनातःगु खँ जिमि चेलातय् दथुइ झौ छाप तयाः बन्‍द यानाब्‍यु।

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

दानिएल 12:9

वं लिसः बिल, “दानिएल, आः छ हुँ छाय्‌धाःसा थ्‍व खँ सुयातं हे सीके मज्‍यू। अन्‍तया ई तकया लागि थ्‍व सफुतिइ छाप तयाः बन्‍द यानातःगु दु।

दानिएल 8:26

“बहनि व सुथ बारे छं छु छु खनागु व न्‍यनागु खः व खःगु खँ खः। तर छं दर्शनय् छु छु खनागु खः व सुयातं सीके मते छाय्‌धाःसा व ता ई लिपा जक जुइ।”

व्‍यवस्‍था 29:29

गुप्‍ति खँ परमप्रभु झी परमेश्‍वरयागु खः। अय्‌नं वय्‌कलं नियम क्‍यनादीगु दु अले झीसं व झी मचाखाचातय्‌सं उपिं मानय् यायेमाः।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:19

“आः छं खंगु, जुयाच्‍वंगु खँ, अले लिपा जुइतिनिगु खँ फुक्‍कं च्‍व।

प्रकाश 10:8

स्‍वर्गं हानं थथे धयाहःगु जिं ताल – “हुँ, समुद्रय् व बँय् पलाः तयाः दनाच्‍वंम्‍ह स्‍वर्गदूतयागु ल्‍हातिइ दुगु फ्‍यना तःगु चिथुगु भ्‍वं का।”

प्रकाश 22:10

वं जितः हानं थथे धाल – “थ्‍व सफुलिइ च्‍वयातःगु अगमवाणी सुचुकातये मते, छाय्‌धाःसा ई न्‍ह्यःने थ्‍यने धुंकल।