प्रकाश 10:3 - नेवाः बाइबल

³ अले सिंह हाःथें ततसलं व हाल। थथे व हाःगुलिं न्‍हय्‌कः नँ न्‍याये थें ग्राङ्‌गग्रुङ्‌ग मिंक सः वल।

प्रकाश 10:3 ပူးပေါင်းရင်းမြစ်များ

भजनसंग्रहया सफू 29:3

परमप्रभुया सः समुद्रय् थ्‍वइ। तसकं तःधंम्‍ह परमेश्‍वर न न्‍याः थें हाली। वय्‌कःया सः समुद्रय् लिथ्‍वइ।

हितोपदेश 19:12

जुजुया तं धयागु सिंहया सः थें खः, तर वयागु कृपा घाँसय् च्‍वंगु सुतिलः थें खः।

यशैया 31:4

परमप्रभुं जितः थथे धयादी, “गथे सिंह वा तःधिकःम्‍ह सिंहं थःगु शिकारयात घुर्रघुर्र याइ, अले वयागु विरोधय् जवाःतय् फुक्‍क पुचः दनी अय्‌नं इमिगु सलं व ग्‍याइ मखु, न इमिगु हा सलं व थुखे उखे सनी। व थें तुं दक्‍व शक्ति दुम्‍ह परमप्रभु सियोन पर्वत व वया डाँडाय् लडाइँ यायेत क्‍वहां झायादी।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

यशैया 5:29

सुनानं लाका काय् मफय्‌क शिकार यानाः ज्‍वनावःम्‍ह सिंहं थें सिपाइँत तसलं हाला हइ।

यर्मिया 25:30

“आः छं इमिगु विरोधय् थ्‍व फुक्‍क खँ अगमवाणी ल्‍हानाः इमित धा, “‘परमप्रभु स्‍वर्गं थ्‍वयेक हालादी। वय्‌कः थः च्‍वनादीगु पवित्र थासं थ्‍वयेक हालादी, अले थःगु देशया विरोधय् वय्‌कः तःसलं हालादी। पृथ्‍वीइ च्‍वंपिं सकसिगु विरोधय्, दाखमद्य न्‍हुइपिं थें वय्‌कः हालादी।

इजकिएल 10:5

करूबतय्‌गु पपूया सः पिनेया चुकय् तक ताये दु। व सः दक्‍व शक्ति दुम्‍ह परमेश्‍वर नवानादीबलय् ताये दइगु सः थें च्‍वं।

होशे 11:10

इपिं परमप्रभुया ल्‍यूल्‍यू वनी अले वय्‌कः सिंह थें हालादी। गुबलय् वय्‌कः हाली, वय्‌कःया मस्‍त थरथर खाखां पच्‍छिमं वइ।

योएल 3:16

परमप्रभु सियोनं तस्‍सलं हालादी। वय्‌कःया सः यरूशलेमं वःगु नँ न्‍याःगु सः थें च्‍वं। आकाश व पृथ्‍वी थुरथुर खाइ। परमप्रभु धासाः थः प्रजाया निंतिं शरण कायेगु थाय् व इस्राएलया मनूतय्‌गु निंतिं किल्‍ला जुयादी।

आमोस 1:2

वं धाल, “परमप्रभु सियोन पर्वतं सिंह थें गर्जय् जुयादी, अले वय्‌कः यरूशलेमं थ्‍वय्‌क हालादी। फैजवाःतय्‌गु घाँय्‌ख्‍यः व कर्मेल डाँडाया च्‍वकाय् दुगु घाँय् गनावनी।”

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?

प्रकाश 14:2

अले यक्‍व लःयागु सः व तसकं नँ न्‍याःगु सः थें च्‍वंक स्‍वर्गं धयाहःगु छगू तःधंगु सः जिं ताल। थ्‍व सः यक्‍व वीणा थाःगु सः थें नं च्‍वं।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 15:7

अले व प्‍यम्‍ह मध्‍ये छम्‍ह जीवात्‍मां न्‍ह्याबलें म्‍वाना च्‍वनीम्‍ह परमेश्‍वरयागु तं जाय्‌क दुगु न्‍हय्‌गः लुँयागु ख्‍वल्‍चा न्‍हय्‌म्‍ह स्‍वर्गदूततय्‌त बिल।

प्रकाश 4:5

सिंहासनं प्‍वालाक्‍क प्‍वालाक्‍क मि च्‍यानाच्‍वंगु, न न्‍याः थें सः वयाच्‍वंगु दु। सिंहासनया न्‍ह्यःने न्‍हय्‌प्‍वाः मिप्‍वाः च्‍यानाच्‍वंगु दु। थ्‍व परमेश्‍वरया न्‍हय्‌म्‍ह आत्‍मा खः।

प्रकाश 8:5

अले स्‍वर्गदूतं गुँगू मकः कयाः उकी वेदीइ च्‍वंगु मि जाय्‌क तयाः पृथ्‍वीइ वान्‍छ्वया हल। अले ग्राङ्‌गग्रुङ्‌ग सः वल प्‍वालाक्‍क पिलाक हावलासा त्‍वल। अले हानं भ्‍वखाय् ब्‍वल।