प्रकाश 1:7 - नेवाः बाइबल

⁷ “स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”

प्रकाश 1:7 ပူးပေါင်းရင်းမြစ်များ

अय्‍यूब 33:26

वं प्रार्थना याइबलय् परमेश्‍वर व खनाः लय्‌तायादी। वं परमेश्‍वरयागु ख्‍वाः खनी अले लय्‌लय्‌तातां हाली। परमेश्‍वरं वयागु अवस्‍था हाकनं न्‍हापा थें बांलाकादी।

भजनसंग्रहया सफू 22:16

जिमि शत्रुतय्‌गु पुचलं खिचात थें जिगु प्‍यखें मुंवःगु दु। इमिसं जिगु ल्‍हाःतुति त्‍यात्‍यायाये धुंकल।

भजनसंग्रहया सफू 68:1

परमेश्‍वरं दनाः थः शत्रुतय्‌त छ्यालब्‍याल यानादीमा। वय्‌कःयात महीपिं मनूत वय्‌कःया न्‍ह्यःनें बिस्‍युं वनेमा।

भजनसंग्रहया सफू 97:2

परमप्रभुया छचाःखेरं ख्‍वातुक हाकुगु सुपाँय् दु, वय्‌कलं न्‍याय व धार्मिकतां राज्‍य यानादी।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

नहूम 1:3

परमप्रभु तं चाय्‌त लिबाकादीम्‍ह व तसकं शक्ति दुम्‍ह खः। दोषीतय्‌त परमप्रभुं सजाँय मब्‍यूसें त्‍वःती मखु। ग्‍वःफय् व वाफय् वय्‌कःया लँपु खः अले सुपाँय् धाःसा वय्‌कःया तुतिया धू खः।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

जकरिया 12:11

उखुन्‍हु हे यरूशलेमय् मगिद्दोया फाँट हदद-रिम्‍मोनय् ख्‍वःगु थें हे मनूत ह्वाँय्‌ह्वाँय् ख्‍वइ।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

मत्ती 16:28

जिं छिमित खःगु खँ धाये – थन दनाच्‍वंपिं मध्‍ये गुलिखय्‌ मनूत मनूया काय् जुजु जुयाः थःगु राज्‍यय् वःगु मखंतले ला सी तकं मखुनि।”

मत्ती 24:30

“थुलि जुइ धुंकाः आकाशय् मनूया काय् वइगु चिं खने दइ। अले मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी। थ्‍व खनाः संसारय् च्‍वंपिं फुक्‍क कुलयापिं मनूत ह्वाँय्‌ह्वाँय् ख्‍वइ।

मत्ती 25:31

“मनूया काय् स्‍वर्गदूतत नाप जुजु जुयाः वइ अले थःगु सिंहासनय् च्‍वनी।

मत्ती 26:64

वय्‌कलं लिसः बियादिल – “छिं थःम्‍हं हे धयादिल। अय्‌नं जिं छिकपिन्‍त धाये – आवंनिसें छिकपिन्‍सं मनूया काय्‌यात परमेश्‍वरया जव ल्‍हाःपाखे च्‍वनाच्‍वंगु व सुपाँचय् वयाच्‍वंगु खनी।”

मर्कूस 13:26

“अबलय् मनूया काय् तःधंगु शक्ति ज्‍वनाः झःझः धाय्‌क सुपाँचय् खनेदय्‌कः वइ।

मर्कूस 14:62

वय्‌कलं धयादिल – “खः, जि हे खः, छिकपिन्‍सं हे मनूया काय् परमेश्‍वरया जवय् च्‍वनाच्‍वंगु व आकाशय् च्‍वंगु सुपाँचय् वयाच्‍वंगु खनी।”

लूका 21:27

अले इमिसं मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी।

यूहन्‍ना 19:34

अय्‌नं छम्‍ह सिपाइँनं ला वय्‌कःयागु बेक्‍वय् भालां सुया ब्‍यूगुलिं हि व लः बाः वल।

यूहन्‍ना 19:37

मेथासय् नं थथे च्‍वयातःगु दु – “इमिसं भालां सूम्‍हय्‌सित इमिसं स्‍वये खनीतिनि।”

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

१ थेसलोनिकी 4:17

थ्‍व हे इलय् तक म्‍वानाच्‍वंपिं नं इपिं नाप तुं प्रभुयात आकाशय् नापलायेत सुपाँचय् थाहां वनी। थुकथं झीपिं सदां प्रभु नाप च्‍वने खनी।

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

हिब्रू 6:6

अय्‌नं हे थुमिसं वय्‌कःयात त्‍वःतावन धाःसा थुमित पश्‍चाताप याकाः हानं लित हये फइ मखु। छाय्‌धाःसा थुमिसं हानं छकः फुक्‍कसिया न्‍ह्यःने परमेश्‍वरया काय्‌यात क्रूसय् यख्‍खानाः बेइज्‍जत याइ।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।

यहूदा 1:14

आदमया न्‍हय्‌गू पुस्‍ता लिपायाम्‍ह हनोकं नं लिपा जुइगु थ्‍व हे खँ धयावंगु खः – “सीकाति, द्वलंद्वः पवित्रपिं स्‍वर्गदूततय्‌त ब्‍वनाः प्रभु झायादी।”

प्रकाश 22:20

थुकियागु साक्षी बियादीम्‍हय्‌सिनं धयादिल “धात्‍थें हे जि याकनं वयेत्‍यनागु दु।” आमेन, झासँ हे प्रभु येशू।

प्रकाश 22:4

इमिसं वय्‌कःयागु ख्‍वाः स्‍वये दइ। वय्‌कःयागु नां इमिगु कपालय् च्‍वयातःगु दइ।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।