प्रकाश 1:5 - नेवाः बाइबल

⁵ अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 1:5 ပူးပေါင်းရင်းမြစ်များ

भजनसंग्रहया सफू 51:2

जिगु फुक्‍क अधर्मयात सिलादिसँ, अले जिगु पापं जितः शुद्ध यानादिसँ।

भजनसंग्रहया सफू 72:11

फुक्‍क जुजुपिं वयागु न्‍ह्यःने क्‍वछू वइ। फुक्‍क जातियापिन्‍सं वयागु सेवा याइ।

भजनसंग्रहया सफू 89:27

हाकनं जिं वयात थः तःधिकःम्‍ह काय् व पृथ्‍वीया जुजुपिनि नायः दय्‌काबी।

हितोपदेश 14:5

खःगु साक्षीं मखुगु खँ ल्‍हाइ मखु, फताहा साक्षीं मखुगु जक साक्षी बियाजुइ।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

दानिएल 2:2

अथे जुयाः जुजुं थःम्‍हं म्‍हनागु म्‍हगस कनेत देशयापिं जादु क्‍यनिपिं, ज्‍वखना स्‍वइपिं, ज्‍योतिषीतय्‌त व साइत स्‍वइपिं व सःतके छ्वल। इपिं जुजुया न्‍ह्यःने दं वये धुंकाः

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

लेवी 13:58

तर थानातःगु वा सुयातःगु न्‍ह्यागु हे वस्‍तु जूसां ही धुंकाः उकी फ्‍वसा मवःसा उकियात हानं हीमाः अले व शुद्ध जुइ।”

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 15:9

“जितः जिमि बाःनं माया यानादी थें तुं जिं नं छिमित माया यानागु दु, उकिं छिमिसं नं जिं थें माया यायेगु त्‍वःते मते।

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 3:11

जिं छितः खःगु हे खँ धाये – जिमिसं स्‍यूगु खँ धायेगु खः, अथे हे खंगु खँ साक्षी बीगु खः। अय्‌नं जिमिगु खँय् छिकपिं सुनानं विश्‍वास मयाः।

यूहन्‍ना 3:16

“परमेश्‍वरं संसारयात यक्‍व माया यानादीगुलिं वय्‌कःयात विश्‍वास याःपिं मनूत नाश मजुइमा, बरु इमित अनन्‍त जीवन दयेमा धकाः थः याकः काय्‌यात तकं बियादिल।

यूहन्‍ना 3:32

वय्‌कलं थःम्‍हं न्‍यनादीगु व खंगु खँ हे कनादिल, अय्‌नं सुनानं वय्‌कःयागु खँ मानय् मयाः।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 26:23

इमिसं धाःगु खँ थ्‍व हे खः – ‘मुक्ति बीम्‍ह ख्रीष्‍ट सी हे माः, अले हानं दकलय् न्‍हापा वय्‌कःयात हे सीम्‍हं म्‍वाकादी। वय्‌कलं हे यहूदी व यहूदीमखुपिं सकसितं बचय् यानाः जः बियादी।’”

रोमी 3:25

परमेश्‍वरं येशू ख्रीष्‍टयात प्रायश्‍चितया बलिदान याकाः वय्‌कःयागु हिं वय्‌कःयात विश्‍वास याक्‍वसिगु पाप क्षमा यानादिल। वय्‌कलं न्‍हापा न्‍हापायापिं मनूतय्‌गु पापया सजाँय मब्‍यूसे सह यानादिल।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

एफिसी 2:4

अय्‌नं परमेश्‍वरं झीत तसकं तःधंगु दया माया क्‍यनादीगु दु।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

व्‍यवस्‍था 18:2

इस्राएलया मेगु कुलतय्‌त थें इमित सर्बय दइ मखु। परमप्रभुं बचं बियादीगु थें वय्‌कः हे इमिगु सर्बय खः।

व्‍यवस्‍था 23:5

अथे जूसां परमप्रभु छिमि परमेश्‍वरं बालामयागु खँ मन्‍यं। वय्‌कलं व सराःयात सुवालय् हिलादिल, छाय्‌धाःसा परमप्रभु छिमि परमेश्‍वरं छिमित माया यानादी।

व्‍यवस्‍था 7:8

अय्‌नं परमप्रभुं छिमित माया यानादीगुलिं अले वय्‌कलं छिमि पुर्खालिसें पाफयादीगु पूवंकादीत हे छिमित परमप्रभुं थःगु बल्‍लाःगु ल्‍हातं मिश्रया जुजु फारोया दासत्‍वं त्‍वःतकाः पितहयादिल।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

१ तिमोथी 6:15

परमेश्‍वरं वय्‌कःयात पाय्‌छि इलय् छ्वयाहयादी। परमेश्‍वर हे दक्‍वसिबय् तःधंम्‍ह, फुक्‍क शक्तिया थुवाः, जुजुतय् नं जुजु, अले प्रभुतय् नं प्रभु खः।

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ पत्रुस 1:19

बरु छुं हे खू मदुम्‍ह चीधिकःम्‍ह भ्‍याःचा जुयादीम्‍ह ख्रीष्‍टयागु तसकं मू वंगु हिं न्‍यानादीगु खः।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 4:10

झीसं परमेश्‍वरयात माया यानागु मखु, बरु वय्‌कलं हे झीत माया यानादीगुलिं झीगु पाप क्षमा यानाबीत थः हे काय्‌यात बलिदान यायेत छ्वयाहयादिल – माया धयागु थ्‍व हे खः।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 11:3

अले जिं जिमि निम्‍ह साक्षी बीपिन्‍त भांग्रायागु वसतं पुंकाः द्वःछि व निसः व खुइन्‍हु तक अगमवाणी कनेगु शक्ति बी।”

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।