प्रकाश 1:18 - नेवाः बाइबल

¹⁸ जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

प्रकाश 1:18 ပူးပေါင်းရင်းမြစ်များ

अय्‍यूब 19:25

तर जिं स्‍यू, जितः उद्धार यानादीम्‍ह म्‍वानाच्‍वंगु दु। दकलय् लिपांगु इलय् वय्‌कः पृथ्‍वीइ दनादी।

अय्‍यूब 38:17

छन्‍त सुनानं गुबलें मृत्‍युलोकया लुखा क्‍यंगु दु ला? तसकं खिउँगुया लुखात छं गुबलें खंगु दु ला?

भजनसंग्रहया सफू 18:46

जिगु किल्‍ला परमप्रभुया प्रशंसा या, वय्‌कः म्‍वानाच्‍वंम्‍ह परमप्रभु खः। जितः बचय् यानादीम्‍ह परमेश्‍वरयात तःधंकि।

भजनसंग्रहया सफू 68:20

झी परमेश्‍वर झीत बचय् यानादीम्‍ह परमेश्‍वर खः। परमप्रभुं झीत मृत्‍युपाखें बचय् यानादी।

यशैया 22:22

दाऊदया सन्‍तानपाखें बूपिं जुजुया क्‍वय्‌यागु फुक्‍क अधिकार जिं वयात बी। वयागु ल्‍हातय् जिं ताःचा बी। वं चाय्‌कीगु लुखा सुनां तीफइ मखु अले वं त्‍यूगु लुखा सुनानं चाय्‌के फइ मखु।

मत्ती 11:23

“हे कफर्नहुमय् च्‍वंपिं मनूत, छिमित छु स्‍वर्गय् थत यनी धयाच्‍वनागु ला? छिमित ला नरकय् क्‍वफाइ। छिमिथाय् याःगु अजू चायापुगु ज्‍याखँ सदोमय् याःगु जूसा आः तक नं सदोम दयाच्‍वनीगु जुइ।

मत्ती 16:19

जिं छन्‍त स्‍वर्गया राज्‍ययागु ताःचा बी। छं पृथ्‍वीइ पना तःगुयात स्‍वर्गय् नं पना तइ, अले छं पृथ्‍वीइ त्‍वःता तःगुयात स्‍वर्गय् नं त्‍वःता तइ।”

लूका 24:5

इमिसं ग्‍यानाः थस्‍वये तकं मफुत। व मनूतय्‌सं इमित धाल – “म्‍वाःम्‍हय्‌सित चिहानय् छाय् माः वयाच्‍वनागु?

यूहन्‍ना 11:25

वय्‌कलं धयादिल – “सीम्‍ह म्‍वाकीम्‍ह व जीवन बीम्‍ह जि हे खः। जितः विश्‍वास याःम्‍ह मनू सीसां म्‍वाना वइ।

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

रोमी 6:9

सिनाः हानं म्‍वानादी धुंकूम्‍ह ख्रीष्‍ट गुबलें हे सी मखुत धकाः झीसं स्‍यू। मृत्‍युं वय्‌कःयात गुबलें हे नं बुके फइ मखुत।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

कलस्‍सी 3:3

छाय्‌धाःसा छिपिं सी धुंकूपिं खः। अय्‌नं परमेश्‍वरं छिमित ख्रीष्‍टलिसे म्‍वाकातःगु दु।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 7:16

वय्‌कः व्‍यवस्‍थाकथं पुजाहारी जुयादीगु मखु, बरु सदां दयाच्‍वनीगु जीवनयागु शक्तिं जुयादीगु खः।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

प्रकाश 10:6

स्‍वर्ग व स्‍वर्गय् च्‍वंगु फुक्‍कं, पृथ्‍वी व पृथ्‍वीइ च्‍वंगु फुक्‍कं, समुद्र व समुद्रय् च्‍वंगु फुक्‍कं सृष्‍टि यानादीम्‍ह न्‍ह्याबलें म्‍वाना च्‍वनीम्‍हय्‌सिगु नामय् पाफल। वं धाल – “आः लिबाइ मखुत।”

प्रकाश 15:7

अले व प्‍यम्‍ह मध्‍ये छम्‍ह जीवात्‍मां न्‍ह्याबलें म्‍वाना च्‍वनीम्‍ह परमेश्‍वरयागु तं जाय्‌क दुगु न्‍हय्‌गः लुँयागु ख्‍वल्‍चा न्‍हय्‌म्‍ह स्‍वर्गदूततय्‌त बिल।

प्रकाश 2:8

“स्‍मुर्नाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – शुरु व अन्‍त, अले सिनाः म्‍वाना वःम्‍हय्‌सिनं थथे धयादी –

प्रकाश 20:13

समुद्रं समुद्रय् सीपिं फुक्‍कं लित बिल, मृत्‍यु व पातालं सीपिं फुक्‍कं लित बिल। थुकथं इमिसं यानावःगु थथःगु ज्‍या स्‍वयाः इमित न्‍याय यात।

प्रकाश 20:14

अले मृत्‍यु व पातालयात नं मि गालय् वांछ्वल। थ्‍व मि गाः धयागु हे निकः सीगु खः।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।

प्रकाश 4:9

सिंहासनय् फ्‍यतुनादीम्‍ह न्‍ह्याबलें म्‍वाना च्‍वनीम्‍हय्‌सिगु महिमा, हनाबना व सुभाय्‌या म्‍ये इपिं जीवात्‍मातय्‌सं हालाच्‍वन।

प्रकाश 5:14

प्‍यम्‍ह जीवात्‍मां धाल – “आमेन!” अले थकालिपिन्‍सं क्‍वछुनाः भागि यात।

प्रकाश 6:8

अले जिं म्‍हासुसे च्‍वंम्‍ह छम्‍ह सलयात खना। थ्‍व सल गया च्‍वंम्‍हय्‌सिगु नां मृत्‍यु खः। उकिं नरक धाःम्‍ह वयागु ल्‍यूल्‍यू वःगु खः। इमित पृथ्‍वीयागु प्‍यब्‍वय् छब्‍व तरवारं पालेगु, नये मखंकाः स्‍यायेगु, ल्‍वचं स्‍यायेगु, अले जंगलय् च्‍वंपिं पशुतय्‌सं स्‍याकेगु अधिकार बिल।

प्रकाश 9:1

अले न्‍याम्‍हम्‍ह स्‍वर्गदूतं थःगु तुरही पुल। अबलय् छगः नगु स्‍वर्गं पृथ्‍वीइ कुतुं वःगु जिं खना। वयात तसकं तःजाःगु गाःयागु ताःचा बिल।

१ शमूएल 2:6

“परमप्रभुं स्‍यायेगु व जीवन बियेगु नितां यानादी, वय्‌कलं हे मनूतय्‌त पातालय् छ्वयादी अले इमित हाकनं म्‍वाकादी।