प्रकाश 1:13 - नेवाः बाइबल

¹³ त्‍वाःदेवाया दथुइ मनूया काय् थें ज्‍याःम्‍ह तुतिइ थ्‍यंक वःगु पुजाहारीया लं फिनाः छातिइ लुँ बाला हिनातःम्‍ह छम्‍हय्‌सित खना।

प्रकाश 1:13 ပူးပေါင်းရင်းမြစ်များ

प्रस्‍थान 39:5

परमप्रभुं मोशायात उजं बियादीगुकथं इमिसं एपोदया द्यःने बांलाक थानातःगु व हे ज्‍वलं वँचुगु प्‍याजीगु व ह्याउँगु कां व लुँयागु कां थानातःगु भिंगु सूती कापःयागु जँनी दय्‌कल।

यशैया 11:5

वय्‌कःया जँनी धार्मिकतायागु जुइ, अले वय्‌कःया जँय् च्‍वंगु जँनी विश्‍वासयागु जुइ।

दानिएल 10:16

अले मनू थें खने दुम्‍ह छम्‍हय्‌सिनं जिगु म्‍हुतुसि थिल, जिं हाकनं नवाये फत। अले जिं वयात धया, “जिमि प्रभु, दर्शनं यानाः जितः तसकं सास्‍ती जुल अले जिके भतिचा नं बल मन्‍त।

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

दानिएल 7:9

“जिं स्‍वयाच्‍वनाबलय् हे गद्दीत तल। छगू गद्दीइ न्‍ह्याबलें म्‍वानाच्‍वनादीम्‍ह च्‍वन। वय्‌कःया वसः च्‍वापु थें, सँ धाःसा यचुगु ऊन थें तुयुसे च्‍वं। वय्‌कःयागु दन्‍न थिनाच्‍वंगु गद्दी ह्वानाह्वाना च्‍यानाच्‍वंगु पांग्राया च्‍वय् तयातःगु दु।

लेवी 8:7

वं हारूनयात जामालं फिकाः जँनी चिनाबिल। पुजाहारीया लं फिकाः उकी एपोद तयाबिल। एपोदया बांलाःगु बुत्ता दुगु जँनिखं हिनाबिल।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

प्रकाश 14:14

अले हानं जिं तुयुगु सुपाँय् खना। छेनय् लुँयागु श्रीपेच दुम्‍ह, ल्‍हातिइ ज्‍वःगु ईंचा ज्‍वनातःम्‍ह मनूया काय् थें च्‍वंम्‍ह छम्‍हय्‌सित सुपाँचय् खना।

प्रकाश 15:6

यचुसे व थीगु तुयुगु वसः फिनातःपिं अले छातिइ लुँयागु बालां हिनातःपिं न्‍हय्‌म्‍ह स्‍वर्गदूतत देगलं न्‍हय्‌गू महामारी ज्‍वनाः पिहां वःगु जिं खना।

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –