प्रकाश 1:11 - नेवाः बाइबल

¹¹ “छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:11 ပူးပေါင်းရင်းမြစ်များ

यशैया 30:8

आः हुँ, वइतिनिगु ईया निंतिं सदां साक्षी जुइमा धकाः इमिगु निंतिं छगू ग्‍वरलय्, छगू सफूया थूलय् व च्‍व।

यर्मिया 30:2

“परमप्रभु, इस्राएलया परमेश्‍वरं थथे धयादी, ‘जिं छन्‍त धयागु फुक्‍क खँ छगू सफुलिइ च्‍व।

हबकूक 2:2

अले परमप्रभुं जिगु लिसलय् धयादिल, “जिं धयागु खँ पौलय् बांलाक च्‍व, बुखँ हइपिन्‍सं थ्‍व खँ बांलाक ब्‍वने खनी।

प्रेरित 16:14

थिआटीराय् च्‍वंम्‍ह रंग छिनातःगु थिकेगु कापः मिया जुइम्‍ह लिडिया नां दुम्‍ह मिसां नं जिमिगु खँ बांलाक न्‍यन। थ्‍व मिसां परमेश्‍वरयात मानय् याः। पावलं धाःगु खँ थुइमा धकाः प्रभुं वयागु नुगः चाय्‌कादिल।

प्रेरित 18:24

छन्‍हु अलेक्‍जेन्‍ड्रियाय् बूम्‍ह अपोल्‍लोस धाःम्‍ह छम्‍ह यहूदी एफिससय् वल। व तसकं ज्ञां दुम्‍ह व धर्मशास्‍त्रयागु खँ बांलाक स्‍यूम्‍ह खः।

प्रेरित 20:17

पावलं मिलेटसं एफिससय् च्‍वंगु मण्‍डलीया थकालिपिन्‍त सःतके छ्वल।

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

१ कोरिन्‍थी 16:8

अय्‌नं पेन्‍तिकोस नखः तक जि थन एफिससय् हे च्‍वने।

एफिसी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें एफिससय् च्‍वंपिं ख्रीष्‍ट येशूयात विश्‍वास यानाच्‍वंपिं परमेश्‍वरया मनूतय्‌त ज्‍वजलपा!

व्‍यवस्‍था 31:19

“आ छं थ्‍व म्‍ये च्‍वयाः इस्राएलीतय्‌त स्‍यं अले इमित हाय्‌कि। इमिगु विरोधय् थ्‍व म्‍ये जिगु निंतिं छगू साक्षी जुइमा।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

१ तिमोथी 1:3

जि माकेडोनियाय् वने त्‍यनाबलय् छन्‍त एफिससय् हे च्‍वँ धकाः धयागु खः। मखुगु खँ स्‍यनिपिन्‍त पनेत छ अज्‍ज नं अन हे च्‍वनाच्‍वँ।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।

प्रकाश 1:19

“आः छं खंगु, जुयाच्‍वंगु खँ, अले लिपा जुइतिनिगु खँ फुक्‍कं च्‍व।

प्रकाश 1:2

व हे यूहन्‍नां खंगु परमेश्‍वरं धयादीगु वचन, अले येशू ख्रीष्‍टं धयादीगु खँ फुक्‍क सत्‍य खः धकाः साक्षी बियाच्‍वनागु दु।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 1:4

एशियाय् दुगु न्‍हय्‌गू मण्‍डलीयात यूहन्‍नापाखें ज्‍वजलपा। आः नं दीम्‍ह, न्‍हापा नं दीम्‍ह, अले झायादीत्‍यंम्‍ह, व वय्‌कःयागु सिंहासनयागु लिक्‍क च्‍वंपिं न्‍हय्‌म्‍ह आत्‍मापाखें छिमित दया माया व शान्‍ति दयेमा।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 10:4

थथे न्‍हय्‌कः नँ न्‍याये थें सः वये धुंकाः जिं च्‍वय् त्‍यनाबलय् स्‍वर्गं थथे धयाहःगु सः ताल – “न्‍हय्‌कः नँ न्‍याः थें वःगु सःयागु खँ सुयातं कने मते, अले च्‍वये नं मते।”

प्रकाश 14:13

अले हानं जिं स्‍वर्गं थथे धयाहःगु सः ताल – “थ्‍व खँ च्‍व, आवंनिसें प्रभुयात विश्‍वास यानाः सीपिं मनूत धात्‍थें हे धन्‍यपिं खः।” आत्‍मां नं धयादिल – “धात्‍थें खः, आः इमिसं थःगु ज्‍यां झासु लने खनी, छाय्‌धाःसा इमिगु ज्‍यायागु फल इमिगु ल्‍यूल्‍यू वयाच्‍वनी।”

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

प्रकाश 2:12

“पर्गाममय् च्‍वंगु मण्‍डलीयाम्‍ह दूतयात थथे धकाः च्‍वया छ्व – तसकं ज्‍वःगु निखें धाः दुगु तरवार दुम्‍हय्‌सिनं थथे धयादी –

प्रकाश 2:18

“थिआटीराय् च्‍वंगु मण्‍डलीयाम्‍ह दूतयात थथे धकाः च्‍वया छ्व – छ्वयाच्‍वंगु मि थें च्‍वंगु मिखा दुम्‍ह, अले थीगु ली थें च्‍वंगु तुति दुम्‍ह परमेश्‍वरया काय्‌नं थथे धयादी –

प्रकाश 2:24

“आः ल्‍यंदनिपिं थिआटीराय् च्‍वंपिं वयागु खँय् मजूपिं व शैतानयागु गुप्‍ति खँ मस्‍यूपिन्‍त जिं आः मेगु छुं हे कु क्‍वबिके मखुत।

प्रकाश 2:8

“स्‍मुर्नाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – शुरु व अन्‍त, अले सिनाः म्‍वाना वःम्‍हय्‌सिनं थथे धयादी –

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 22:10

वं जितः हानं थथे धाल – “थ्‍व सफुलिइ च्‍वयातःगु अगमवाणी सुचुकातये मते, छाय्‌धाःसा ई न्‍ह्यःने थ्‍यने धुंकल।

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”

प्रकाश 3:1

“सार्डिसय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया न्‍हय्‌म्‍ह आत्‍मा व न्‍हय्‌गः नगु दुम्‍हय्‌सिनं थथे धयादी – “छिमिसं यानाच्‍वंगु ज्‍याखँ जिं स्‍यू। मनूतय्‌सं छिपिं म्‍वानाच्‍वंपिं खः धकाः बिचाः याइ, अय्‌नं धात्‍थें धाये धाःसा छिपिं सीपिं खः।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

प्रकाश 3:4

“अथेसां सार्डिसय् गुलिखय् मनूतय्‌सं थःगु लं यचुकातःगु दु। थुपिं तुइसे च्‍वंगु वसतं पुनाः जि नाप जुइतिनि, छाय्‌धाःसा थुपिं जि नाप जुइत ल्‍वः।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।