प्रकाश 1:10 - नेवाः बाइबल

¹⁰ प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –

प्रकाश 1:10 ပူးပေါင်းရင်းမြစ်များ

गन्‍ती 24:2

वं इस्राएलीतय्‌त कुल कुल जुयाः च्‍वनाच्‍वंगु खन। अले परमेश्‍वरयागु आत्‍मा वयाके वल।

मत्ती 22:43

वय्‌कलं धयादिल – “अय्‌सा परमेश्‍वरयागु आत्‍मां दाऊदयात वय्‌कःयात ‘प्रभु’ धकाः छाय् धाय्‌कूगु लय्? दाऊदं थथे धाःगु दु –

यूहन्‍ना 20:19

आइतबार खुन्‍हु बहनी चेलात यहूदीतय् नायःत खनाः ग्‍यानाः खापात तिनाः मुनाच्‍वंबलय् येशू अन झायाः इमिगु दथुइ दनाः थथे धयादिल – “छिमित शान्‍ति दयेमा।”

यूहन्‍ना 20:26

च्‍यान्‍हु लिपा, वय्‌कःया चेलात हानं खापा तिनाः छेँय् मुनाच्‍वन। थुबलय् अन थोमा नं दु। खापा तिनातःथाय् हे दुहां झायाः येशूं इमिगु दथुइ दनाः थथे धयादिल – “छिमित शान्‍ति दयेमा।”

प्रेरित 20:7

आइतबार खुन्‍हु बहनी प्रभु भ्‍वय् नयेत जिपिं मुना। कन्‍हय् खुन्‍हु सुथय् हे वनेगु मतिइ तयाः पावलं इमित बाचा तक स्‍यनेकने यानाच्‍वन।

१ कोरिन्‍थी 12:3

अय्‌जूगुलिं थ्‍व छता खँ छिमिसं लुमंका ति, परमेश्‍वरया आत्‍माय् जुयाः नवाइपिं सुनानं हे येशूयात सराः लायेमा धकाः धाइ मखु। अले हानं पवित्र आत्‍मा दुपिं मनूतय्‌सं जक येशूयात प्रभु धकाः धाये फइ।

१ कोरिन्‍थी 16:2

छिमिसं थःम्‍हं कमय् यानागुलिं लिकयाः गुलि बी फु उलि आइतबार पतिकं बियाः मुंका ति। थथे याःसा जि आम्‍कन वयेबलय् भेटी कयाच्‍वने माली मखु।

प्रकाश 17:3

जि पवित्र आत्‍मां जाल, अले स्‍वर्गदूतं जितः मरुभूमिइ क्‍वबिया यंकल। अन तसकं ह्याउँसे च्‍वंम्‍ह पशु गया च्‍वंम्‍ह छम्‍ह मिसायात जिं खना। व पशुयाके न्‍हय्‌गः छ्यं व झिपु नेकू दु। म्‍हय् जाय्‌क परमेश्‍वरयात सराः बीगु नां च्‍वयातःगु दु।

प्रकाश 21:10

जि आत्‍मां जाल, अले स्‍वर्गदूतं जितः तःधंगु तःजाःगु पर्वतय् यंकाः परमेश्‍वरदीगु स्‍वर्गं क्‍वहां वयाच्‍वंगु पवित्रगु शहर यरूशलेम क्‍यन।