भजनसंग्रहया सफू 96:2 - नेवाः बाइबल

² परमप्रभुया लागि भजन हा, वय्‌कःया नांया प्रशंसा या, न्‍हियान्‍हिथं वय्‌कलं यानादीगु उद्धारया भिंगु खँ न्‍यंकि।

भजनसंग्रहया सफू 96:2 ပူးပေါင်းရင်းမြစ်များ

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

भजनसंग्रहया सफू 103:20

परमप्रभुया प्रशंसा या, वय्‌कःया आज्ञा मानय् याइपिं व वय्‌कलं धाःथें याइपिं हे बल्‍लाःपिं स्‍वर्गदूतत!

भजनसंग्रहया सफू 145:1

हे परमेश्‍वर, जिमि जुजु, जिं छितः तःधंके, जिं छिगु नांया न्‍ह्याबलें प्रशंसा याये।

भजनसंग्रहया सफू 145:10

हे परमप्रभु, फुक्‍क सृष्‍टिं छिगु प्रशंसा याइ, अले छिकपिनि विश्‍वास यायेबहःपिं मनूतय्‌सं छितः सुभाय् बी।

भजनसंग्रहया सफू 145:2

न्‍हियान्‍हिथं जिं छिगु प्रशंसा याये, अले न्‍ह्याबलें छिगु नां तःधंके।

भजनसंग्रहया सफू 40:10

जिं छिं बचय् यानादीगु भिंगु खँ जिगु नुगलय् जक सुचुका मतया। जिं न्‍ह्याबलें छि विश्‍वास याये बहःम्‍ह व मुक्ति बीम्‍ह खः धकाः कनाजुयागु दु। तःधंगु सभाय् नं जिं छिगु सदां दयाच्‍वनीगु दया माया व छि विश्‍वास याये बहःम्‍ह खः धयागु खँ कनाजुयागु दु।

भजनसंग्रहया सफू 71:15

छिं यानादीगु धार्मिकताया खँ जिं सकसितं कनाजुइ। छिं यानादीगु मुक्तियागु खँ जिं न्‍हिन्‍हिं कने। अथे ला छिं यानादीगु ज्‍या जिं कनां कने मफु।

यशैया 40:9

हे भिंगु खँ हइम्‍ह सियोन, तज्‍जाःगु पर्वतय् थाहां हुँ, अले थ्‍व भिंगु खँ न्‍यंकि! हे भिंगु खँ हइम्‍ह यरूशलेम, ततःसलं हा, मग्‍यासें ततःसलं हा! अले यहूदाया शहरयात धा, “छिमि परमेश्‍वर झायाच्‍वंगु दु।”

मर्कूस 16:15

अले इमित धयादिल – “सारा संसारय् वनाः छिमिसं फुक्‍क मनूतय्‌त भिंगु खँ न्‍यंकि।

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

प्रकाश 5:13

अले अन सृष्‍टि यानातःपिं स्‍वर्गय् च्‍वंपिं, पृथ्‍वी व पृथ्‍वी तःले व समुद्रय् च्‍वंपिं दक्‍वसिनं थथे धयाच्‍वंगु जिं ताया – “सिंहासनय् फ्‍यतुनाच्‍वंम्‍ह व चीधिकःम्‍ह भ्‍याःचाया सदां जयजय जुइमा। अले न्‍ह्याबलें मान, इज्‍जत, शक्ति व राज्‍य दयाच्‍वनेमा।”