भजनसंग्रहया सफू 94:3 - नेवाः बाइबल

³ हे परमप्रभु, दुष्‍टत गुबलय् तक लय्‌तायाच्‍वनी? गुबलय् तक?

भजनसंग्रहया सफू 94:3 ပူးပေါင်းရင်းမြစ်များ

एस्‍तर 7:10

थुकथं मोर्दकैयात फांसि बीगु निंतिं थःम्‍हं हे दय्‌कातःगु सिँया थामय् हामानयात यख्‍खात। अनंलि जुजुयागु तं क्‍वलाना वन।

एस्‍तर 7:6

एस्‍तरं धाल, “व विरोधी शत्रु थ्‍व हे दुष्‍ट हामान खः।” अले जुजु व रानीया न्‍ह्यःने हामान तसकं ग्‍यात।

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

भजनसंग्रहया सफू 43:2

हे परमेश्‍वर, छि हे जिगु शरण खः। छिं जितः छाय् त्‍वःतादियागु? शत्रुतय्‌सं क्‍वत्‍यय्‌काः जि छाय् ख्‍वयाजुइमाःगु?

भजनसंग्रहया सफू 73:8

इमिसं मेपिन्‍त हेस्‍याना जुइ, अले मभिंगु खँ ल्‍हाना जुइ इमिसं घमण्‍ड याना जुइ, अले मेपिन्‍त क्‍वह्यंकाजुइ।

भजनसंग्रहया सफू 79:5

हे परमप्रभु, छि गुबलय् तक जिपिंलिसें तंम्‍वयाच्‍वनादीगु? छि न्‍ह्याबलें तंम्‍वयादीगु ला? छिगु तं सह याये मफय्‌कः च्‍यानाच्‍वनी?

भजनसंग्रहया सफू 80:4

हे परमप्रभु, दक्‍व शक्ति दुम्‍ह परमेश्‍वर, छि गुबलय् तक थःमनूतय्‌गु प्रार्थना खनाः तंम्‍वयाच्‍वनादीगु?

भजनसंग्रहया सफू 89:46

हे परमप्रभु, गुबलय् तक? छु छिं न्‍ह्याबलें जिमिगुपाखें थःगु ख्‍वाः फस्‍वय्‌कादीगु ला? छिगु तं गुबलय् तक मि थें च्‍यानाच्‍वनीगु?

यर्मिया 47:6

“छिमिसं ख्‍वख्‍वं धाइ, ‘हे परमप्रभुया तरवार, छं गुबलय् आराम कायेगु? छ थःगु दापय् लिहां हुँ, छ सुम्‍क च्‍वँ।’

हबकूक 1:2

हे परमप्रभु, गुबलय् तक जिं छितः ग्‍वाहालि फ्‍वनाच्‍वनेगु अले छिं न्‍यनामदीगु? “न्‍ह्याथाय् नं स्‍याय् पाले जक जुयाच्‍वंगु” धकाः जि गुलि हालाच्‍वनेगु, अले छिं थः मनूतय्‌त बचय् यानामदीगु?

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”