भजनसंग्रहया सफू 92:9 - नेवाः बाइबल

⁹ हे परमप्रभु, छिकपिनि शत्रुत नाश जुयावनी, अले दुष्‍टत उखेलाः थुखेलाः मदइ धकाः जिमिसं स्‍यू।

भजनसंग्रहया सफू 92:9 ပူးပေါင်းရင်းမြစ်များ

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

भजनसंग्रहया सफू 102:13

पलाः ल्‍ह्वनादिसँ! सियोनयात दया यानादिसँ! सियोनयात दया यायेगु ई वये धुंकल। थ्‍व हे पाय्‌छिगु ई खः।

भजनसंग्रहया सफू 102:25

दकलय् न्‍हापां छिं पृथ्‍वी सृष्‍टि यानादिल, अले थःगु हे ल्‍हातं आकाश दय्‌कादिल।

भजनसंग्रहया सफू 37:20

मभिंपिं मनूत नाश जुयावनी। परमप्रभुयात महीपिं मनूत गुँस्‍वां थें तनावनी, अले कुँ थें इपिं मदयावनी।

भजनसंग्रहया सफू 59:11

हे परमप्रभु, हे जिमिगु ढाल। इमित याकनं स्‍यानादी मते। मखुसा जिमि मनूतय्‌सं इमिगु मभिंगु खँ ल्‍वःमंका छ्वइ। थःगु शक्तिं छ्यालब्‍याल यानाः इमित बुकादिसँ।

भजनसंग्रहया सफू 68:30

तिंकथिया दथुइ सुलाच्‍वंपिं पशुतय्‌त ब्‍वःबियादिसँ। द्वहंत व इमि मस्‍तय् बथां थें च्‍वंपिं जातियात ब्‍वःबियादिसँ, वहःया कुचात ज्‍वनाः तुति भ्‍वपू मवतले इमित ब्‍वःबियादिसँ। ल्‍वापुइ लय्‌ताइपिं जात जातितय्‌त उखेलाः थुखेलाः मदय्‌कादिसँ।

भजनसंग्रहया सफू 73:27

छिपाखें तापाःपिं नाश जुयावनी। छितः विश्‍वासघात याःपिन्‍त छिं नाश यानादी।

भजनसंग्रहया सफू 89:10

छिं हे तःधिकःम्‍ह समुद्रया जन्‍तुयात काच्‍याक कुचुक यानादिल, छिं थः शत्रुतय्‌त थःगु ल्‍हाःया बलं छ्यालब्‍याल यानादिल।

भजनसंग्रहया सफू 97:9

हे परमप्रभु, दक्‍वसिबय् तःधंम्‍ह, छि पृथ्‍वीयाम्‍ह शासक खः, छि फुक्‍क द्यःत स्‍वयाः तसकं तःधंम्‍ह खः।

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

इजकिएल 5:12

छिमि स्‍वब्‍वय् छब्‍व मनूत महामारी वा अनिकालं सी, अले स्‍वब्‍वय् छब्‍व छंगु पःखाःया पिने तरवारं सी, अले स्‍वब्‍वय् छब्‍वयात जिं प्‍यखेरं छ्यालब्‍याल यानाबी। अले नांगा तरवार ज्‍वनाः जिं इमित ली।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

गन्‍ती 10:35

बाचाया सनू न्‍ह्याकीगु इलय् मोशां न्‍ह्याबलें थथे धाइगु, “हे परमप्रभु, दनादिसँ! छिकपिनि शत्रुत छ्यालब्‍याल जुइमा! छितः घृणा याइपिं छिगु न्‍ह्यःनं बिस्‍युं वनेमा!”

मत्ती 7:23

जिं इमित थथे लिसः बी – जिं छिमित म्‍ह हे मस्‍यू। मभिंगु ज्‍याखँ यानाजुइपिं, छिपिं फुक्‍कं जिथासं तापाक्‍क हुँ।

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।