भजनसंग्रहया सफू 83:9 - नेवाः बाइबल

⁹ छिं मिद्यानीतय्‌त अले कीशोन खुसिइ सीसरा व याबीनयात गथे यानादियागु खः, अथे हे इमित नं यानादिसँ।

भजनसंग्रहया सफू 83:9 ပူးပေါင်းရင်းမြစ်များ

उत्‍पत्ति 19:37

तःधीम्‍ह म्‍ह्याय्‌या काय् बुल। वं वयागु नां मोआब तल। व थौंकन्‍हय्‌यापिं मोआबीतय् पुर्खा खः।

उत्‍पत्ति 19:38

चिधीम्‍ह म्‍ह्याय्‌या नं काय् बुल। वं वयागु नां बेन-अमी तल। व थौंकन्‍हय्‌यापिं अम्‍मोनीतय् पुर्खा खः।

यशैया 10:26

दक्‍व शक्ति दुम्‍ह परमप्रभुं ओरेबया तग्‍वःगु ल्‍वहं लिक्‍क मिद्यानीतय्‌त कय्‌काः क्‍वदय्‌कू थें वय्‌कलं इमित कोर्रां दाइतिनि। अले वय्‌कलं मिश्र देशय् थें थःगु कथि समुद्र च्‍वय् ल्‍ह्वनादी।

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

न्‍यायकर्ता 4:7

जिं याबीनया सेनापति सीसरायात वया रथत व सकलें सिपाइँत नापं कीशोन खुसि तक पित हयाः छंगु ल्‍हातय् तयाबी।’”

न्‍यायकर्ता 5:21

कीशोन खुसिं इमित चुइकाः यंकल। व हे पुलांगु खुसि, कीशोन खुसि। हे जिगु मन, आँट पिकयाः न्‍ह्यज्‍या!